إعـــــــلان

تقليص
لا يوجد إعلان حتى الآن.

الكومير بالصور التفصيلية{منقول}

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • الكومير بالصور التفصيلية{منقول}

    غدي نحتاجو كيلو فورص و وملعقة كبيرة مايزينا وملعقة كبيرة سكر وملعقة كبيرة خميرة جافة أو جوج معالق خميرة طرية وملح وطبعا ماء دافئ

    كناخذ200 غ من ذاك الكيلو ونعجنها مع الخميرة والسكر وبزاف دالماء



    خليتها ترتاح ساعتين وبهذ الطريقة متجيش فالخبز ريحة الخميرة وكذلك يجي مفشفش ومذاقو ممتاز ولكن ممكن الاستغناء عن هذه المرحلة ونعجنو ديريكت ولكن حتى نجمعو العجينة عاد نزيدو الخميرة وما نوصيكمش على الدليك

    كنزيد بقية المقادير

    كندلك وكنزيد الماء حتى كتصبح عندي عجينة لينة مطاطية ملساء وتلتصق بالأصاب يعني شبعاااانة ماء



    كنغطيها ونديرها فمكان دافي تخمر أنا إما كنديرها ففرن دافي إما كندير الإناء لي فيه العجينة فشي جفنة دالماء دافي











  • #2
    من بعد ساعة لاروب حطيت عليها صباعي فلصقت فيهم إذن باقة ماخامراش فاش ندوز عليها إيدي ونلقاها ملساء وما كتلصقش ندوز للمرحلة التالية



    هنا لقيتها خامرة وقطعتها بطريقة السفناج يعني ماخصش نعاودو ندلكوها بل نهزو طروفة من العجينةغير من جوانب الإناء


    غطيتهم يخمرو ربع ساعة












    تعليق


    • #3
      كنقرص بخبطات من المعصم
      كنطوي على هذ الشكل ونخبط مازال





      كنعاود نطوي بنفس الطريقة وحيت العجينة مرتاحة وعاطية الطوع كتبعك بوحدها












      تعليق


      • #4
        كنبرم العجينة تحت يدي ونديرها فالمول ويلا ماكانش ماشي مشكلة

        درت نفس الطريقة لبقية العجينة وعطاني ثمانية صغار اللي فرانها كبير ديرهم كبار ولكن إما دهنو الطاوة بالزبدة إما فرشو الورق الخاص بالفرن


        غطيتهم يخمرو ساعة من بعد جربتهم وضغطت عليهم بصبعي الأثر مشا ببطء إذن خامرين إيلا مشا الأثر بالزربة راباقي خصهم الوقت

        كنجيب زيزوار جديد ونشرحهم شرحات طولية عميقة وخص الفران يكون شاعل على درجة وفي أسفله طاوة خاوية وكنرشو الباكيط بالماء بارد فيه فرتيتة ملح عنداكو تفوتو فرتيتة لايجيكم شهب ومغبر بحال كاوكاو مقلي


        كنحل الفران ونكب فذيك الطاوة كاس ماء بارد حتى دير تششششش ويطلعو الدخاخن والبخاروذيك الساعة ندخل الطاوات يطيبو وكل خمسة دقائق نرش الماء فجناب الفرن


        ها النتيجة هذ المرة كثرت الخميرة وتشقق ليا إذن ما تكثروش













        تعليق


        • #5
          تبارك الله عليك أختي LILAS موضوع شامل وطريقة شرح رائعة ومبسطة
          مبروك لعواشر

          لا إله إلا الله محمد رسول الله

          اللهم لك الحمد والشكر يا رب العالمين
          اللهم إني استودعتك طفلي فاحفظه من كل شر وسوء إنك أنت خير الحافظين



          [IMG]
          [IMG]

          تعليق


          • #6
            الله يعطيك الصحة

            تعليق


            • #7
              أختي الله يستر عليك واش الموضوع مجهود شخصي أو غير منقول جاوبيني بسرعة الله يرضي عليك

              تعليق


              • #8
                تبارك الله عليك

                تعليق


                • #9
                  السلام عليكم

                  تبارك الله عليك رمضان كريم

                  و لكن تمارة انا معكازة شوية

                  تعليق


                  • #10
                    السلام عليكم ورحمة الله وبركاته
                    تبارك الله عليك الله يعطيك الصحة

                    تعليق


                    • #11
                      باكيط بحال ديال الباتيسري الله يعطيك اختي الصحة

                      تعليق


                      • #12
                        تبارك الله عليك حسن من خبز المخبزة

                        تعليق


                        • #13
                          المشاركة الأصلية بواسطة أم سندس مشاهدة المشاركة
                          أختي الله يستر عليك واش الموضوع مجهود شخصي أو غير منقول جاوبيني بسرعة الله يرضي عليك

                          السلام عليكم
                          لا راه منقول غير كنسى كلمة منقول الله يسمح ليا
                          و لكن راها وصفة مجربة لهذا حطيتها










                          تعليق


                          • #14
                            تبارك الله عليك ياختي
                            معتبر
                            sigpic

                            تعليق


                            • #15
                              الله يعطيك صحة وتبركالله عليك . عرفتي والله العضيم إلى كنت كنقلب على هاد لوصفة chokrane بزاف وتبركالله عليك

                              تعليق

                              المتواجدون الآن 1. الأعضاء 0 والزوار 1.

                              أكبر تواجد بالمنتدى كان 2,525, 26-09-2016 الساعة 21:58.

                              يعمل...
                              X