إعـــــــلان

تقليص
لا يوجد إعلان حتى الآن.

رغايف معمرين هشاش بنان ساهلين

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • رغايف معمرين هشاش بنان ساهلين

    السلام عليكم

    هادو رغيفات كيجوو رطبين
    تيحماقو عليهم العائلة ديالي وفارضين علي وليداتي نديرهم يوميا في رمضان هههه
    الحمد له انهم ساهلين



    المهم المقادير الاصلية للعجين هي هادي :
    رابعة فورص ورابعة سبيسيال
    ملعقة كبيرة زبدة رطبة
    ملعقة كبيرة زيت بلدية لانها بنينة (او رومية ايلا ما كانش عندك)
    خمارة د الحلوة
    ملح حسب الدوق
    خلطي الكل ودلكي مزيان حتى تولي لينة وغطيها 1/4 ساعة ترتاح
    من بعد صنعي منها الكويرات الصغيورين المعروفين ديال الرغايف وخليهم يرتاحو وبداي الخليط

    هادا هو الخليط الاساسي لكن في بعض الاحيان تنستعمل اي عجينة واخا نقطع شوية من عجينة الخبز او البطبوط اومن غيرها انا والوقت اللي عندي راها ديما كتجي مزيانة


    مقادير الحشوة : اختاري اللي عجباتك في هادو
    * 2ملاعق كبار ماطيشة الحك+ملعقة قصبر ومعدنوس مطحون+قبصة ملح +ابزار+م ك زيت بلدية
    *مطيشة الحك ديما+ قصبر ومعدنوس+ ملعقة ص موطارد (او كبيرة ايلا كيعجبكم بزايد)+ملح ابرار+زيت
    *مطيشة الحك ديما+ قصبر ومعدنوس+شحمة مقطعة رقيقة بحال لا غتقصصي الربيع+الهريسة + بصيلة صغيورة محكوكة+ملح ابزار+زيت (ممكن بلاصة الشحمة تديري اللي حبيتي كتة او كبدة مقصصة رقيقة جدا
    وممكن تتفنني ي الخليط د الحشوة كي بغيتي لكن مهم جدا ان المقادير تكون رقيقة


    الطريقة هي كالتالي:

    استعملي القصعة و شي صينية حيت كنورقو في نفس الوقت 2 كويرات

    ورقي الكورة الاولى ودهنيها بالحشوة تقريبا معلقة صغيرة (حسب حجم الكرة) وخليها هاكداك مفرشة ومورقة
    في الصينية ورقي الكورة الثانية وهزيها وحطيها فوق الاولى كتولي عندك زوج طبقات مفروقين بحشوة ضغطي بيديك عليهم باش يتلاصقو وبلا ما تطوي حطي الرغيفة فوق المقلاة تطيب

    خاصك تردي البال حيت كتطيب داغي غي تحسي بيها صهدات قلبيها ثم قلبيها مرارا حتى تتمحر
    كتجي تقريبا بحال الخبز العربي لكن مفروق ومعمر ومحمر ومكرمل

    تيقو بي راهم تيجيو لداد


    عيت بالكتابة ههه سعدات اللي كيحطو التصاور نتمنى شي وحدة تجربهم وتنزل لينا التصاور

  • #2
    امممممممممممممم شهيتينا تبارك الله اعليك أختي

    تعليق


    • #3
      الله يبارك يك
      ويخلي ليك صحيحتك
      شكرا على المرور الطيب

      تعليق


      • #4
        باينة غادي يجيو بنان والطريقة زوينة مع ختك ما تتعرفش دير لملاوي متيصدقوش لي
        اليوم نحاول نجرب هادو

        تبارك الله عليك

        [CENTER]



        تعليق


        • #5
          الله اعطيك الصحة

          تعليق


          • #6
            المشاركة الأصلية بواسطة assoma مشاهدة المشاركة
            باينة غادي يجيو بنان والطريقة زوينة مع ختك ما تتعرفش دير لملاوي متيصدقوش لي
            اليوم نحاول نجرب هادو

            تبارك الله عليك

            شكرا الزين

            وكوني متاكدة غاديا تفاجئي مالين الدار الكبار والصغار

            انا ولادي كاياكلو حقهم في الكوزينة
            الي طيبتها كنرقها حتى كيشبعو عاد كنطيب لي ولراجلي
            وغي كنحط الطبلة كيدورو بي هههههههههه



            بخصوص الملاوي حتى انا ماكانوش كيصدقولي حتى جربت طريقة احدى الاخوات في المنتدى الله يجازيها بالخير

            اللي كتطلقي الرغيفة وتقطعي بالموس وتلوي
            راها كاينة غي قلبي على الرابط

            تعليق


            • #7
              المشاركة الأصلية بواسطة sophia مشاهدة المشاركة
              الله اعطيك الصحة

              امين انا واياك وجميع المسلمين

              تعليق


              • #8
                chokra akhti fidina lah y3tik saha

                تعليق


                • #9
                  المشاركة الأصلية بواسطة ilham2si مشاهدة المشاركة
                  chokra akhti fidina lah y3tik saha

                  العفو الحبيبة نحن في الخدمة


                  نبغي نقول لاخوات ان اضل وحدة فيهم هي اللي بالعجينة اللي عطيت مع خليط الشحمة
                  ررررررررررررررروووووووووووووعة

                  تعليق


                  • #10
                    شكرا .الله يعطيك الصحة.

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    يعمل...
                    X