إعـــــــلان

تقليص
لا يوجد إعلان حتى الآن.

حرشة معمرة بالطون دائما بالصور و التفاصيل من كوزينتي

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • حرشة معمرة بالطون دائما بالصور و التفاصيل من كوزينتي










    الغزالات عذروني على قلة المشاركات
    عندي البيسي غيحماق بالوصفات المصورة
    لكن للاسف معنديش الوقت لتنزيلها

    فمرة مرة عنسرق شوية الوقت و نزل وصفة
    ونتمنى تنال اعجابكم

    هاد الوصفة كيف ختها "حرشة معمرة بالدجاج"
    لان الحرشة ممكن تعمروها بللي بغيتو
    المهم هو العجين اما الحشو فنتوما تفنو فيه

    بلا كثرة البلابلا نخليكم مع المفيد

    و هو الحرشة معمرة بالطون
    كتجي شهوة منها لذيذة و خفيفة







    هيا نفس عجينة الحرشة
    لكن كنضيفو ليها شوية ديال الدقيق الحرش (سبيسيال)
    باش كتجي سهلة فالتعمار بلى متقطع لينا

    و صدقوني كتجي لذييييذة و ممكن ترفقيها بسلطة او غيرها
    و تكون وجبة رئيسية
    كيف عملت انا قدمتها فالعشاء
    مع سلطة مشكلة خفيفة







    و نتمنا تعجبكم


    تابعوني مع المقادير و الطريقة المفصلة






    مقادير الحرشة :




    500 g غرام سميدة الحرشة
    (يعني سميدة الرقيقة )
    100 g غرام دقيق حرش سبيسيال
    ملعقة صغيرة ملح، ملعقة كبيرة سكر
    رأس ملعقة خميرة الخبز، فاني
    خميرة حلوى ،فنجان حليب بودرة
    فنجان زيت
    لتر ماء 1/4 (ممكن إضافة الماء اكثر حسب جودة الدقيق المستعمل)



    مقادير الحشوة :

    علبة ديال الطون
    قبصة ملح، إبزار ، كامون
    شوية ديال كنور (قريصة)
    ضرس ثوم محكوك
    بصلة مشلضة
    (انا استعملت اوراق البصلة الخضارية حيت كانتعندي جديدة)
    ربيع مفروم
    شوية ديال سكنجبير طري محكوك ( راس ملعقة)






    طريقة الحرشة :





    في إناء نخلطو المقادير الناشفة
    بالتتابع كيف مبين فالصور
    500 غرام سميدة الحرشة
    + 100 غرام دقيق حرش سبيسيال
    + ملعقة صغيرة ملح
    + ملعقة كبيرة سكر
    + رأس ملعقة خميرة الخبز
    +خميرة حلوى بودرة
    + فاني
    +فنجان حليب





    نخلطو كلشي النواشف مزايان
    و نضيفو الزيت
    و نفتلوها كيف تانفتلو الكسكس
    او البات بريزي حتا تشرب الزيت





    ثم نضيفو4/1 لتر ماء
    ونعجنو السميد
    حتا نحصلو على خليط رخو
    و متماسك فنفس الوقت
    (ممكن إضافة الماء اكثر حسب جودة الدقيق المستعمل)




    ممكن تقسمو العجين بعد متعجنوه مباشرة
    و تخليوه يرتاح كيف كنعملو مع المسمن


    و نخليوها ترتاح و تخمر شوية او تطلق

    باش تسهال فالتڭراص من بعد

    و تبداو فالتعمار باول كرة الى الاخيرة




    طريقة الحشوة :





    شحرت البصلة و الثوم
    فالزيت ديال الطون
    و ضفت ليها العطرية :
    قبصة ملح، إبزار ، كامون
    شوية ديال كنور (قريصة)
    بعد مطابت البصلة ضفت ليها الطون
    و شوية ( راس ملعقة) ديال سكنجبير طري محكوك
    و حطيتها على جنب تبرد



    طريقة الحشو او التعمار :







    بعد موجدنا الحشوة و بردات
    و بعد مرتاحت العجينة
    نبداو على بركة الله التعمار





    بعدما قسمنا العجين لخبيزات
    اي كويرات فنفس الحجم
    كنقسمو كذلك الحشوة بعدد الكراتالسطح للي غنخدمو عليه كنرشوه بالسميد الحرش ديال الحرشة و نبداو نعمرو












    كناخذو الكرة نبسطوها او نكرصوها
    و نحطو وسطها ملعقة من الحشوة
    و نبداو نجمعو الجنبات و نطبقوها
    و نكرصوها غير شوية باش تلصق
    و نمرمدوها على 2 جهات
    فالسميد الحرش ديال الحرشة
    و نستمرو فهاد العملية حتى نكملو كل الكرات





    و بعد منكملو التعمار نسخنو المقلة
    (مقلة وجدة افضل)










    و نبداو نطيبو الحريشات ديالنا
    على نار مهيلة حتى يتحمرو
    و يطيبو على خاطرهم

    كيف مبين فالصور






    كيف قلت فالاول انا قدمتها فالعشا
    مرفقة بسلطة مشكلة خفيفة





    و ممكن ترفقوها بللي بغيتو
    و كتكال باردة او سخونة









    ممكن لو شاط ليكم العجين تحفظوه فالثلاجة للغد ليه
    و تعاودو تعمروه ببقايا ديال الاكل للي شاطت ليكم
    كتكون اكلة شهية و مغدية فنفس الوقت
    و طبعا كتكسبو الاجر بعدم رمي البقايا







    ملاحظة:
    الجودة ديال الحرشة (و العجائن عامة)متعلقة بجودة السميد او الحرش المستعمل
    يعني لو كان قديم او ماشي شي نوع زوين
    ممكن متصدقش
    او تجي ناشفة
    او تهرس ملي تبغيو تعمروها
    و ايضا كمية الماء باش كتجمع العجينة
    كتاثر فيها جودة الدقيق و نوعو
    عامة في كل المعجنات
    كاين الدقيق للي كيشرب الماء بزاف و كاين للي لا

    يعني عينك ميزانك لما تبغي تديري اي وصفة
    خوذي بعين الاعتبار ان الطحين انواع








    لأخذ الفواصل اللتي استعمل في تزيين الموضوع

    يمكنكن زيارت صفحات الموضوع اسفله :








    الله يجعل طعامكم و شرابكم حلال مبارك

    و لا يحرمكم من خيرات الدارين


    اختكن أمـنار

    أم ريــَّـان





    ان غبت عنكم
    و ساغيب في يوم من الايام
    فاتمنى من العلي القدير
    ان يكون لي نصيب خير بما خطته يدي
    يصلني بدعائكم لي
    اينما كنت فوق الارض او تحتها


    أمنارAmanarre
    أم ريان و كاميليا
















    فهرس اطباقي المصورة (متجدد ان شاء الله)




    ترقبن جديد وصفاتي المصورة بإذن الله




  • #2
    تبارك الله عليك الله يعطيك أصحى
    sigpic

    تعليق


    • #3
      السلام عليكم ورحمة الله وبركاته
      تبارك الله ما شاء الله
      طريقة تقديم رائعة و حرشات اروع
      الله يعطيك الصحة و الخير و اسهل امرك
      خمس نجمااااااااات


      وحي القبور

      http://www.anaqamaghribia.com/vb/sho...098&highlight=

      تعليق


      • #4
        حرشة واعرة و لازم نجربها

        تعليق


        • #5
          بارك الله بكم الحبيبات على الردود الكريمة

          الله يجعل طعامكم و شرابكم حلال مبارك
          و لا يحرمكم من خيرات الدارين


          الله يجزاكم عني خيرات الدارين
          نورتو الصفحات


          ان غبت عنكم
          و ساغيب في يوم من الايام
          فاتمنى من العلي القدير
          ان يكون لي نصيب خير بما خطته يدي
          يصلني بدعائكم لي
          اينما كنت فوق الارض او تحتها


          أمنارAmanarre
          أم ريان و كاميليا
















          فهرس اطباقي المصورة (متجدد ان شاء الله)




          ترقبن جديد وصفاتي المصورة بإذن الله



          تعليق


          • #6
            تبارك الله عليك الحبيبة
            حريشات ممممم م عندي ما نقول هههه
            الله يرزقك الجنة وينولك لي في بالك يا رب
            لا تحرمينا من وصفاتك المميزة





            تعليق


            • #7
              الله يعطيك الصحة افكار روعة



              لوحة المفاتيح العربية

              ترجمة العرنسية


              تعليق


              • #8
                بارك الله بكم الحبيبات على الردود الكريمة

                الله يجعل طعامكم و شرابكم حلال مبارك
                و لا يحرمكم من خيرات الدارين


                الله يجزاكم عني خيرات الدارين
                نورتو الصفحات


                ان غبت عنكم
                و ساغيب في يوم من الايام
                فاتمنى من العلي القدير
                ان يكون لي نصيب خير بما خطته يدي
                يصلني بدعائكم لي
                اينما كنت فوق الارض او تحتها


                أمنارAmanarre
                أم ريان و كاميليا
















                فهرس اطباقي المصورة (متجدد ان شاء الله)




                ترقبن جديد وصفاتي المصورة بإذن الله



                تعليق


                • #9
                  [frame="2 50"]تبارك الله و ماشاء الله عليك اختي ام منار حرشة غزاااااااالة و رائعة الله يجزيك بكل خير على الشرح المفصل تبارك الله عليك اختي على مجهوداتك معنا الله يجعلهاعمل مقبول عند الله تقبلي مروري اختي[/frame]
                  [/QUOTE]

                  تعليق


                  • #10


                    تعليق


                    • #11
                      بارك الله بكم الحبيبات على الردود الكريمة

                      الله يجعل طعامكم و شرابكم حلال مبارك
                      و لا يحرمكم من خيرات الدارين


                      الله يجزاكم عني خيرات الدارين
                      نورتو الصفحات


                      ان غبت عنكم
                      و ساغيب في يوم من الايام
                      فاتمنى من العلي القدير
                      ان يكون لي نصيب خير بما خطته يدي
                      يصلني بدعائكم لي
                      اينما كنت فوق الارض او تحتها


                      أمنارAmanarre
                      أم ريان و كاميليا
















                      فهرس اطباقي المصورة (متجدد ان شاء الله)




                      ترقبن جديد وصفاتي المصورة بإذن الله



                      تعليق


                      • #12
                        تبارك الله عليك حريشات تيشهو
                        بسم الله الرحمن الرحيم


                        لا تنسى ذكر الله ;)
                        :s11556:

                        تعليق


                        • #13

                          تعليق


                          • #14
                            lah ye3tik se7a tbarkelah 3lik
                            sigpic






                            تعليق


                            • #15
                              بارك الله بكم الحبيبات على الردود الكريمة

                              الله يجعل طعامكم و شرابكم حلال مبارك
                              و لا يحرمكم من خيرات الدارين


                              الله يجزاكم عني خيرات الدارين
                              نورتو الصفحات


                              ان غبت عنكم
                              و ساغيب في يوم من الايام
                              فاتمنى من العلي القدير
                              ان يكون لي نصيب خير بما خطته يدي
                              يصلني بدعائكم لي
                              اينما كنت فوق الارض او تحتها


                              أمنارAmanarre
                              أم ريان و كاميليا
















                              فهرس اطباقي المصورة (متجدد ان شاء الله)




                              ترقبن جديد وصفاتي المصورة بإذن الله



                              تعليق

                              المتواجدون الآن 1. الأعضاء 0 والزوار 1.

                              أكبر تواجد بالمنتدى كان 2,525, 26-09-2016 الساعة 21:58.

                              يعمل...
                              X