تجربتي الناجحة وبامتيازلاحلى كيكة لهداية الرحمان روعة روعة مذاق هايل

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • تجربتي الناجحة وبامتيازلاحلى كيكة لهداية الرحمان روعة روعة مذاق هايل

    السلام عليكم الانيقات راني جربي احلى كيك للاخت هداية الرحمان الله يجزيها بخير ويسهل عليها جزاها الله عني خيرا وخا نعيا مانوصف مانعطيهاش حقها راها كيكة رووووعة انيقة فالمنظر وهايلة ومنعشة في المداق رجلي حماق عليها وعجباتو بزاف شكرني عليها وانا بدوري كنشكر مولتها هداية الرحمان تمنيت نورهالكم ولكن ما كنعرفش نحط الصور فالمنتدى



  • #2
    بصحة اختي ولاكن خصنا الرابط ولا المقادير


    رب لا تدرني فرداً وانت خير الوارتين

    تعليق


    • #3
      شكرا اختي مشتاقة لكلمة ماما
      مكنعرفش نحط الرابط لدالك هنا حطيتلكم لوصفة ديال الاخت هداية الرحمان هي هي كما طبقتها وراها جاتني غير هي تقولو توام الله يعطيها صحة نتمنى تجربوها ومتاكدة غادي تعجبكم اعمرها تخطاكوم

      السلام عليكم ورحمة الله وبركاته

      ليوم غانوجدليكم كيك لفلان


      نبدا أول حاجة :)

      *****المقادير=

      الكيك=

      2 بيضات
      1خميرة حلوى
      كاس صغير سنيدة
      كاس صغير زيت
      كاس كبيرعصير ليمون(البرتقال)
      الطحين حسب الخليط

      التزيين=

      نصف لتر حليب - 2معالق كبار كريم باتيسيير- سنيدة حسب الذوق

      2 فلان بنكهة الفاني - كاس كبير ليمون(البرتقال) - سنيدة حسب الذوق



      راني نسيت ماصورتش كاس لعصير ديال ليمون(البرتقال) معا مقادير الكيك:p


      الطريقة=

      تخلط مقادير الكيك وتفرغ في مول مدهون بالزبدة ومرشوش بالطحين. يجب أن يكون إما يفتح من الجانب أو مول من الزجاج الخاص

      بالفرن ليسهل إ زالة الكيك. في حالة مول الزجاج يقدم به.




      ملي كيطيب الكيك كانخليوه يبرد

      وكانحضرو طبقة الأولى ديال لاكريم

      كريم باتيسيير+حليب + سنيدة = يوضع على النار حتى يعقد مع التحريك

      ويفرغ على الكيك دون أن تلمسيه بالملعقة


      يحرك المول كما في الصورة حتى يتوزع لكريم على الجوانب



      دخلوه للثلاجة حتى يجمد لاكريم

      ثم خرجوه لتحضير طبقة تانية من لاكريم



      يخلط الليمون وسنيدة ولفلان يوضع على النار مع التحريك حتى تحسي بيه تقال

      ثم يفرغ على الكيك باستعمال ملعقة كما في الصورة للأن لفلان سخون إلى خويتوه مباشرة وبسرعة

      غايتقب الطبقة الأولى دلاكريم



      راه مالقيتش لي يشدلي لمعلقة باش نصور وانا نحطها هههههههه:D

      يللاه نكملو

      كاندخلوه الثلاجة عاوتاني يجمد



      ملي كايجمد زينيه بالفواكه اللي عندك

      بنان تفاح لافوكة أنناص كيوي......

      أما أنا هادشي اللي وجدلي زوقتو بيه :rolleyes:


      كاتقدموها باردة

      وبالصحة والراحة


      .................

      .........


      ..........
      وهادا حقكم

      يلاه برعو لوليدات ودعيو معايا شي دعوا غزالا راه امتحانات قربو

      ياربي تعجبكوم لكيكة را كاتجي لذيذة;)

      شـكــ وبارك الله فيكم ـــرا لكم ... لكم مني أجمل تحية .


      تعليق


      • #4
        had kika ana kandirha raha ldida bazafe walakine ana kandire tab9a dyale fraise awe aye desere 9bale kouche dyale flan limoune hade lwasfa 3tatha liya sahbti raha twafate d3iwe liha barahma 9ablo aliya khatkome omiya fi pc makana3rafche kif nhate tsawere awe aye haja rana yallah kant3alame hata rodode li kansifete makana3rafche fine kayamchiwe

        تعليق


        • #5
          مرحبا بك اختي حتى انا بحالك مكنعرف والو فهد pc حيت عاد ولا عندي ولكن اختي دبا نتعلمو مع لوقت والله يرحم صحبتك ويدخلها في رحمتها ومع عباده الصالحين ويغفرلها ذنوبها ويغفرلنا اجمعين


          تعليق


          • #6
            تبارك الله عليك اختي .. ان شاء الله ضروري أجربها .. شكلها يشهي

            من أجل الرابط أختي .. فقط اذهبي الى الوصفه وانقلي( كوبي - كولي) العنوان المكتوب أعلي الصفحه ..دايما يبدأ ب http

            مشكوره أختي الكريمه








            تعليق


            • #7
              tatbi9 momtaz ma3ndi mankol

              تعليق


              • #8
                تبارك الله عليك ا على الاخت صاحبة الوصفة

                تعليق


                • #9
                  ام السعد جزاك الله خيرا اختي على لمساعدة وغير جربيها رها كتجي روووعة


                  تعليق


                  • #10
                    amat alah2 شكرا اختي ربي يحفظك


                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X