إعـــــــلان

تقليص
لا يوجد إعلان حتى الآن.

تطبيقي لكيكة الكوكوط بالصور طبعا

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • تطبيقي لكيكة الكوكوط بالصور طبعا




    السلام عليكم ورحمة الله

    عيد مبارك سعيد

    اليوم هدي اول مشاركة ليا بالصور نتمنى تصدق

    هدي كيكة الكوكوط درتها وصدقات ليا فنة



    شكرا بزاف لصاحبتها

    :s10293:

    اد الكيكه نقلتها من منتدي اخر

    ساحاول نقل المقادير و الصور لي

    اد الكيكة ديال الكوكوط هي كيكة ساهلة و لذيذة


    عمرها ما كاتخطاني من الدار غير كل مرة كنديرها بشكل جديد و لكن بنفس المقادير


    اليوم غادي نقدم ليكم جوج أشكال و من بعد ان شاء الله نقدم الاشكال الاخرى


    كنت بغيت نحطهم كاملين فمرة و لكن ما قدرتش تخالطو لي التصاور و جاتني متعبة اللهم نكتفي بشكلين و من بعد الاشكال الاخرى ان شاء الله




    المهم كيف ما دكرت المقادير هي نفسها


    اذن ما غاديش نبقى نعاودها مع كل شكل


    نبدا باسم الله


    المقادير



    4 بيضات


    2 خميرات الحلوى


    1 لاباني


    6 معالق كبار عامرين مزيان دقيق /فورص/


    2 معالق كبار عامرين مزيان كاوبيل/ ممكن نستعملو بودرة الكاكاو فبلاصة كاوبيل


    كاس صغير سنيدة


    كاس زيت /كاس صغيرو ادا كان ديال العنبة كاس الا ربع باش ما تجيش الكيكة مزيتة

    كوكوط و زبدة باش ندهنوها و شوية الطحين باش نرشوه

    دابا ندوزو للطريقة


    ندهنو الكوكوط بالزبدة و نرشوها بالطحين و نحطوها جانبا


    في اناء نديرو البيض و السنيدة و لاباني و نخلطوهم مزيان حتى تدوب سنيدة

    و نزيدو الزيت و نخلطو مزيان




    عاد نزيدو الطحين و كاوبيل و الخميرة و نحركو حتى يتجانس الخليط

    http://img641.imageshack.us/img641/3205/photo10i.jpg

    نكبوه فالكوكوط و نسدوها و ما نديروش الصفارة

    نديروها فوق البوطة على نار مهيلة بزاف يعني ننقصو البوطة على حدها


    نخليوها من 20 حتال 30 دقيقة تقريبا على حسب البوطة كاين لي واخا كتنقصها مزيان كتبقى مجهدة شوية


    المهم منين نشوفو دخان ابيض خرج من بلاصة الصفارة نعرفوها طابت و نطفيو عليها

    دا بغينا الكيكة تجينا متقوبة من الوسط بحال ديال المول ناخدو قرعة الكونفيتير و ندهنوها بالزبدة و نرشوها بالطحين و نحطوها فوسط الكوكوط عاد نكبو الخليط


    القرعة راها ما كاتتهرسش ندورو القرعة فبلاصتها عاد نحايدوها باش ما تجرش لينا معاها شي طرف ديال الكيكة و يخسر المنضر

    http://img200.imageshack.us/img200/9340/photo12ag.jpg

    عد المرات كنلقاوها تحرقات شوية من لتحت



    ماشي مشكل


    نكرطوها بشوية بالموس
    و نقلبوها و شي باس ما كاين

    غادي نحتاجو


    كيكة الكوكوط
    نصف لتر حليب
    2 معالق كبار عامرين مزيان كريم باتيسيير
    2 معالق كبار سنيدة
    2 شكلاطات

    نقسمو الكيك على جوج فكاسرونة نديرو الحليب ونضيفو ليه السنيدة و الكريم باتيسيير عاد نديروه فوق البوطة يتغلى و نبقاو كنحركو حتى يغلى و يختار

    بحال ادا كانصاوبو لفلان منين يغلى نطفيو عليه

    نديرو شوية وسط الكيكة و نرجعو النصف الفوقاني


    و نكبوالباقي فوق الكيكة و نحاولو نزلوه شوية من الجناب

    نحكو الشكلاط فوق الكيكة و نمسحو جناب الطبسيل و ندخلوها للثلاجة حتى تبرد

    http://img193.imageshack.us/img193/6333/photo16ae.jpg

    نتمني نكون شرحت شرح مفصل
    لا تنسوني من دعائكم



  • #2
    السلام عليكم ورحمة الله وبركاته
    تبارك الله عليك جاتك فنة همممممممممم باينة لذيذة
    والو يأختي مصدقتليش كبيتها هكاك في زبل [ حشاك ]
    file:///C:/Users/khadija/Pictures/2009-12-25%20001/024ul1.gif

    تعليق


    • #3
      مساء النور بعدا

      غير عاودي الكرة

      ان شاء الله تصدق

      الا بغيتي نعطيك المقادير ديالي


      تعليق


      • #4
        تبارك الله عليك اختي ما شاء الله طلعت زوينة
        يالله الى جات على خاطرك تعطينا رابط الوصفة او المقادير
        بدئنا المنافسة يوم الجمعة 18 يونيو 2010






        سبحان الله وبحمده عدد خلقه ورضا نفسه وزنة عرشه ومداد كلماته

        تعليق


        • #5
          المشاركة الأصلية بواسطة مغربية بافتخار مشاهدة المشاركة
          مساء النور بعدا

          غير عاودي الكرة

          ان شاء الله تصدق

          الا بغيتي نعطيك المقادير ديالي
          السلام عليكم ورحمة الله وبركاته
          شكرا على ردك أختي أنا طلعت لي شوية وعاد تحرقتلي من تحت وبقات خضرة من فوق
          file:///C:/Users/khadija/Pictures/2009-12-25%20001/024ul1.gif

          تعليق


          • #6
            صباح سعيد

            84 مشاهدة وغير 2 اللي جاوبوني

            إوا فينا هو التشجيع ديالكم زعما هادي اول مرة كنزل صور وخصوصا التطبيق


            تعليق


            • #7
              تبارك الله عليك جاتك غزالة
              وبالصحة والراحة

              تعليق


              • #8
                جابك الله بنت بلادي الله يعطيك الصحة على كيكة قدرة قادر جربتها نهار ثاني عيد وحمرات ليا وجهي مع حباب راجلي دابا ان شاء الله نزل تطبيقي ليها

                دابا صافي تعلم نزل الصور .... حهريكوووو تصاور ههههههه


                تعليق


                • #9
                  تبارك الله عليك والله يحفض ليك وليداتك

                  تعليق


                  • #10
                    ila briti el kika tjik raw3a o kolchi yèhma9 3liha bè al ha9 ana dayra dyal el fèran nafs el ma9adir dyal el okht dyal kika dyal el kokot ri tzido 3lihom kass dyal danoun dèrbo lèbyèd bohdo m3a 9absssa dyal el malha o tkhalèwèh f talaja o sfèr dèrbo m3ah sanida o el ma9adir lakhrin o kass dyal danoune o hta tètla3 o tzido 3liha byèd dyal el bid bè el ha9 dèrbouh ri b yèdèkom bach yètkhalèt o ri b chwiya hta yènssajèm el khalit o dèkhlo el fèrane,sèd9ouni ratjikom kika manfoukha o 3atya el 3in jèrbouha 3la damanti

                    تعليق


                    • #11
                      الله يعطيك الصحة
                      http://tickers.doctissimo.fr/get_tic...uttexte=khalil [http://www.anaqamaghribia.com/vb/ima...ine=1330975154sigpic

                      تعليق


                      • #12
                        تبارك الله عليك

                        تعليق


                        • #13
                          تبارك الله عليك تنا تنديرها تتجي زوينة










                          ربي هب لي من لدنك الذرية الصالحة الساليمة والمعافاة لا زيادة ولا نقصان


                          تعليق


                          • #14
                            حادكة مع رساك ونتيجة باينة فى ولداتك

                            تعليق


                            • #15
                              تبارك الله عليك جاتك غزالة
                              وبالصحة والراحة


                              قال تعالى : ** مَن يَعْمَلْ سُوء اً يُجْزَ بِهِ ** النساء123

                              تعليق

                              المتواجدون الآن 1. الأعضاء 0 والزوار 1.

                              أكبر تواجد بالمنتدى كان 2,525, 26-09-2016 الساعة 21:58.

                              يعمل...
                              X