اسرار الحلويات بانواعها الجزء 1 الوصفات

تقليص
هذا الموضوع مغلق.
X
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • اسرار الحلويات بانواعها الجزء 1 الوصفات

    السلام عليكم حبيباتي لاباس عليكم
    =الكروكيت باللوز=



    غنحط ليكم مقاديرحلوى سااااااااااااااااهلة وراقية و لديدة معلكة حتى المبتدئات يصايبوها نبداو على بركة الله
    المقادير=




    350غ اللوز خضر مطحون بقشورو
    600 غ السكر كلاصي
    150 غ ابيض البيض 4 ابيض البيض قل شوية
    اصفر بيضة
    250 غ الطحين
    فاني بودرة 2 نقيطات روح اللوز

    الطريقة =



    غنخلطو المقادير كلها فمرة




    تنكوروهم كوير صغيرة



    نعملها فمول السلكون 027 ديال الدولار كندهنها من الفوق ببيضة كاملة مطربة مع شوية فاني و كنعمل شوية اللوز افلي من الفوق



    كندخلها تطيب على عافية مهيلة



    و لما نخرجهم نتسنى 7 دقايق عاد نديموليهم و منطيبهومش بزاف باش ميقساحوش



    و الصور غتوضح

    للاشارة انا خدمت غير بجزء قليل من المقادير المقادير اللي عطيتكم كتخرج بزاف و كتجي معلكة مممممممممممم

    سمحولي ابيض البيض غلطت انا كتبت ابيض بيضة قل شوية لا هاديك باش خدمت انا
    اما لازم تكون150ج ابيض البيض و دققو عافاكم فالمقادير باش تجي الحلوى مزيانة البيض لازم نوزنوه بلا قشور



    [sigpic

  • #2


    هده وصفة الحبيبة oum hedayah



    اشخباركم انيقاتي لاباس عليكم
    سابلي ديال اليوم ساهل و لديد نتمنى من الله يعجبكم


    اذن نخلطو الزبدة السكر والفاني



    اذن على بركة الله سنحتاج ل
    250ع زبدة فحرارة المطبخ
    110 غ سكر كلاصي(انا عملت فقط 50 غ)
    فاني
    شوية دالملح
    2 اصفر البيض
    60غ كوكو
    250 غ طحين (يمكن نحتاجو اكثر )

    اذن نخلطو الزبدة السكر والفاني

    غير نمزجو العناصر فقط

    نضيفو البيض و نطربو حتى يتخلط البيض

    نضيفو الكوكو و نخلطو

    ثم نضيفو الطحين بشوية بشوية

    نجمعو العجينة مزيان و خصها تكون خفيفة ثم نديروها فالتلاجة لمدة ليلة كاملة فالتلاجة
    انا قسمت لعجينة على 2

    اليوم التاني خديت كورة و طلقتها بلمدلك و قطعتها مربعات
    دخلتهم لفرن متوسط الحرارة مابين 15 حتى ل 20 دقيقة

    منين طابت خرجتها من الفرن

    منين بردات دوبت الشكلاط و عملتهم فيه

    منين برد الشكلاط فيهم شوية عملت فيهم شريطات بلموس



    و ها هما منين وجدو نتمنى من الله يعجبكم و في امان الله









    تعليق


    • #3

      هده وصفة الحبيبة oum hedayah



      النوكاتين الطريقة رقم 1 و الساهلة ههههههههههه






      اذن على بركة الله سنحتاج ل
      200 غ سكر
      20 غ كليكوز تقدرو تستغناو عليه ولكن للمبتدئات ننصحكم به لانو كيساعد باش النوكا نخدمو بيها بسهولة
      150 غ لوز افيلي او مهرمش محمر












      نعمل كاسرونة او مقلة على نار مهيلة ندير السكر و الكليكوز و نبدا نحرك فالسكر حتى يبدا يتغير اللون و يصبح كرامل
      نطفي البوطا لانو غادي يتحرق بسرعة







      منين كيصبح فلون الكارامل كنطفي البوطا
      و عملت عليه اللوز المحمر و بديت كنخلط















      كنحضر 2 ورقات ديال البابي سلفيريزي و ندهنهم بالزيت
      و كذلك الدلك ندهنو بالزيت
      كنعمل النوكاتين ديالي على السلفريزي و نبد ندلك
      الا حسينا بيها كتقصاح ندخلوها لفرن دقيقة او 2 منفورهمش باش ماتحرقش ونعاود ندلك
      كنشكل منها اشكال لي بغيت
      و ان شاء الله نزل اشكال اخرى قريبا بحول الله

























      ها هما الشكال لي وجدت و لي بقا من النوكاتين يمكن ليكم تحتفضو به فعلبة ديال البلاستيك و منين نبغيه مرة اخرى نسخنو فالفران و نعاود نشكلو كيما بغيت
      اي استفسار انا رهن الاشارة
      في امان الله







      تعليق


      • #4
        هده وصفة الحبيبة oum hedayah








        اذن على بركة الله سنحتاج ل

        50 غ سكر بني
        50 غ سكر ابيد
        25 غ دقيق
        50 غ زبدة دايبة شوية
        4 م كبار عصير برتقالة
        قليل من قشور البرتقال
        قليل من الزيت لدهن المول او ورق السلفيريزي







        نعمل الفران يسخن على درجة حرارة عالية
        210 مئوية 7 تيرموستات 410 فهرنهايت

        نخلط فزلافة كبيرة السكر بانواعو الدقيق و الزبدة
        تم نضيفو عصير و قسور البرتقال
        نخلطو مزيان بملعقة خشبية او معدنية
        العجين ماخاصوش يكون خفيف و مايكونش قاصح فنفس الوقت

        كنحط شوية ديال العجين فورق السلفيريزي المدهون الزيت

        كنسرحو بحال لي فالصورة









        كندخلو للفرن مابين 4تال 5 دقايق
        اي دقيقة زايدة ممكن يتحرق
        انا شخصيا كنعمل وحدة بوحدة لابهم غير كيضربهم الريح كيقصاحو
        غير كنخرJها من الفران مباشرة كنكون موجدة الالمدلك مدحون بالزيت كنقلب عليه السلفيريزي لي فيه التويل و كنخليها تبرد
        هادي هي النتيجة


        بالنسبة لهاد الزلافة ديال لاكلاص كنعمل التويل كبيرة شوية و كنكون محضرة الزلافة مدهونة بالزيت غير نخرج التويل نقلبها عليها
        و كتعطيني هاد المنظر
        نتمنى من الله اني نكون توفقت فالشرح و اي استفسار انا رهن الاشارة
        في امان الله









        تعليق


        • #5
          هده وصفة الحبيبة badiakh


          هنا حتى انا جيت نشاركم بهاد الحلوة اللي عزيزة عليا بزاااااااااااااف وكنديرها في المناسبات والعائلة كتعجبهم وكيطلبو من عندي المقادير ديالها وتبارك الله كتخرج بزاف هاد المقادير كتخرج تقريبا شي 160 الى 180 قطعة تقريبا على حساب التقطاع
          ها المقادير واخا أنا كنت حطيتها في موضوع مستقل مافيها باس نقل ليكم الاقتباس ههههه




          أخواتي هاد الحلوة كانت طلبتها مني صديقتي منارة الخير أسأل الله ان يرزقها الذرية الصالحة عاجلا غير آجل واعدتها باش نصورها ليها بالتفاصيل ملي جات مناسبة العمرة اللي قام بيها اخي في رمضان قررت باش نصورها ليها ويستافدو منها جميع الاخوات حيت من الحلويات اللي كانحماق عليهم وكنعملها في المناسبات واللي ذاقها عندنا كيطلب المقادير ديالها



          نبدأ على بركة الله بالمقادير


          1 كلغ معجون التمر أو تمر مفور ومزولين ليه العظم يكون مذاق ألذ
          4 بيضات
          2 كيسان زيت
          2 كيسان فورص
          250 غ كركاع مقطع باليد
          الشكلاط ابيض و250 غ شكلاط أسود للتزيين سمحولي ماصورتهمش

          الطريقة

          في أناء نضع التمر ونضيف اليه الزيت



          ثم نضيف البيض {أنا جاني الاناء صغير وبدلتو} ونخلطو جيدا باليد



          ثم نضيف الفورص ونخلط



          ثم نضيف الكركاع مع التخلاط حتى تنسجم العناصر



          ثم نعملو الخليط في صفيحة الجنوازالمغطاة بورق السيلفوريزي



          ثم نبسطوها بإيدنا المذهونة بالزيت {حيت العجين كايتلصق} حتى تقاد مزيان



          ثم تدخل الفرن حتى تطهى ثم تخرج



          ثم تزين بالشكلاط الاسود والاسود المضاف اليهم قليل من الزبدة والزيت والطريقة معروفة وباينة



          ثم يترك حتى يجف الشكلاط عاد نقطعوها انا كان الحال سخون بزاف وطريت ندخلها الثلاجة
          وهاهي بالصحة والراحة





          نتمنى تعجبكم وتجربوها حيت فعلا لذيذة]

          وأي استفسار أنا رهن الاشارة
          وشعارنا كلنا نتعلمو الحلويات الراقية من منتدى أناقة مغربية
          هههههه







          تعليق


          • #6
            يرفع

            تعليق


            • #7

              هده وصفة الحبيبة oum hedayah

              عجين الشكلاط





              ادن على بركة الله كنحتاجو ل 200 غ شكلاط دايب و بارد
              60 غ كليكوز
              15 ع ما بارد ماسي سخون
              بالنسبة لشكلاط الابيض كنعملو فقط 25 غ كليكوز و نحتفظو بنفس المقادير









              اذن نخلطو جميع المقادير مع الشكلاط الدايب و نبداو نخلطوه بلممعلقة حتى يبدا يعقد
              كنعملوه فبلاستيك و نندخلوه للثلاجة يبات ليلة كاملة
              نخرجوه من التلاجة و ننبداو نطلقوه بيدينا حتي يتطلق و نشكلاوه كيما بغينا








              عجين الشكلاط




              ادن على بركة الله كنحتاجو ل 200 غ شكلاط دايب و بارد
              60 غ كليكوز
              15 ع ما بارد ماسي سخون
              بالنسبة لشكلاط الابيض كنعملو فقط 25 غ كليكوز و نحتفظو بنفس المقادير









              اذن نخلطو جميع المقادير مع الشكلاط الدايب و نبداو نخلطوه بلممعلقة حتى يبدا يعقد
              كنعملوه فبلاستيك و نندخلوه للثلاجة يبات ليلة كاملة
              نخرجوه من التلاجة و ننبداو نطلقوه بيدينا حتي يتطلق و نشكلاوه كيما بغينا




















              تعليق


              • #8
                هده وصفة الحبيبة oum hedayah

                تحضير القشدة الطرية في المنزل


                اذن على بركة الله سنحتاج ل
                250 مل كريم سائل بدون سكر ماشي hulala
                30 مل لبن من الافضل يكون ديال العبار انا ستعملت ديال العبار ماعندناش هنا مول اللبن هههههههههههه
                اذن كنعملو الكريم تغلي على نار مهيلة
                نزولوه من من على العافية ونضيفو اللبن مباشرة
                نغطيوه ببلاستيك و نعملو عليه فوطة و نخليوه فمكان دافي لمدة 36 ساعة ثم القشدة الطرية واجدة ندخلوها للثلاجة يمكن لينا نحتفضو بيها لمدة 10 ايام









                هنا من عملتو فالتلاجة

                بالنسبة للقشدة الطرية او ماشي هي لا كريم شونتي هاد الاخير كنطلعوه بالتطراب و كنضيفو عليه السكر كلاصي و شوية ديال الفاني و كنزوقو بيه الحلوي انما القشدة الطرية كيما كتشوفو كتكون عاقدة نسبيا و هي كنستعملوها فالحلوى او فبعض الكريمات او فلكلاص







                تعليق


                • #9
                  هده وصفة الحبيبة oum hedayah



                  العجين المورق


                  بالنسبة للماء انا كنعملو فالكونجيلاتور تقريبا 30 دقيقة قبل مانبدا


                  اذن على بركة الله سنحتاج ل
                  615 غ طحين
                  15 غ ملح
                  135 غ زبدة فحرارة المطبخ
                  450 غ زبدة باردة جدا







                  نعملو جميع المقادير تعجن بالماء البارد



                  نشكلوها كورة و نلويوها فبلاستيك غدائي و ندخلوها للتهلاجة اقل حاجة ساعة او تبات ليلة كاملة
                  انا شخصيا كنخليها تبات فالثلاجة







                  فاليوم التالي كنبدا بالزبدة كيخصها تكون باردة جدا
                  كنعملها مابين 2 بالستيكات او نعملوها مابين 2 من ورق السلفيريزي و نبد نضربها بالمدلك بحال لي فالصورة
                  نحاولو نعملوها مستطيل قدر المستطاع

                  كناخد الكورة ديال العجين و نشكلها مستطيل بحال هكا

                  نطلقها بالمدلك الكورة خاصها تكون باردة جدا
                  نعمل المستطيل 30على 46 سم

                  نطوي ورقة الزبدة على 2 بحال هكا
                  و نعملوها على التلت الاول من العجين

                  نطويها على التلت التاني

                  تم التالت
                  نضغط على الجناب مزيان باش ماتخرجش لي الزبدة

                  خاصنا نتاكدو ان العجين باقي بارد الا حسيتو بالعجين بدا كيسخن دخلوه للتلاجة حتى يبرد
                  كنبدا بالمدلك نطلق العجين كنعمل فيه ضربات بالمدلك بحال لي كتشوفو فالصورة باش نحاول مامكن مانخليش الزبدة تخرج لي



                  كنطلق العجين 25 على 60 سم
                  دائما كنرشو الطابلة بالطحين و منين كنطويو العجين كحاولو ما امكن نزولو بقايا الدقيق

                  نطويه على 3 و نعملو فبلاستيك غدائي ندخلو للتلاجة يبرد لمدة ساعة



                  كنعملو فهاد الاتجاه بحال لي فالصورة و نطلقو مرة اخرى 25 على 60 سم



                  نطويه مرة اخرى و نعاود نفس العملية 5 ديال المرات و كل مرة كندخل العجين للتلاجة 30 دقيقة




                  هدا هو العجين منين ساليتو دخلتو للتلاجة يبات

                  في امان الله




                  ادن على بركة الله سنحتاج ل
                  برالين بالشكلاط ها هي فهاد الرابط
                  http://www.anaqamaghribia.com/vb/sho...1%C9-%CC%CF%C7
                  كريم باتسيير
                  عجين مورق
                  سكر كلاصي
                  شكلاط فرميسيل


                  فاليوم التالي خرجت العجين ديالي و هاك عامل الشكل ديالو



                  طلقتو بالمدلك

                  قطعتو دخلتو للفرن و خليتو يطيب
                  الفران خاصو يكون سخون مسبقا

                  خلطت لكريم باتسيير و البرالين











                  عمرت بيهم العجين و عملت عليه السكر كلاصي و الفرميسيل
                  نتمنى من الله انو يعجبكم و في امان الله







                  تعليق


                  • #10
                    هده وصفة الحبيبة oum hedayah



                    عجين اللوز
                    120 غ لوز مصلوق وناشف
                    120 غ سكر سنيدة
                    40 غ كليكوز
                    ربع كاس صغير دالما
                    ملون ابيض
                    ملونات اخرى غذائية حسب الرغبة



                    كنطحن الوز مزيان





                    ندير السكر يغلي و الما و الكليكوز حتى تجانس العناصر لمدة 15 دقايق على نارمهيلة

                    ندير اللوز المطحون فزلافة مقاومة للحرارة




                    و نضيف عليه السيرو و نخلطو و نخليه حتى يبرد تقريبا 2 حتى ل 3 دالساعات او ممكن ديروه فالتلاجة
                    ثم نديروه مرة اخرى تطحن و نضيفو الون الابيض

                    كنضيفو اللون الابيض باش نحصلوعلى عجين لونو باهت باش حيت نضيفو الالوان الاخرى ما تتاترش باللون المصفر فاللوز


                    ها هو منين وجد

                    وهنا منين ضفت الالوان لي انا باغا
                    هادي هي الطريقة لي كنعمل من شحال هادي الحبيبة ان شاء الله تعجبك







                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X