إعـــــــلان

تقليص
لا يوجد إعلان حتى الآن.

تجربتي لدجاج بالزيتون في الفرن .........من مطبخي

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • تجربتي لدجاج بالزيتون في الفرن .........من مطبخي

    اولا تنشكر اختي ام رامي على وصافتها اللذيذة انا كنت قد دخلت موضوع لها اسمه <<دجاج بالزيتون بالفرن >> فاعجبني حاولت تطبيقه لكن بطريقتي

    وها هي الخطوات بالصور اتمنى ان ينال طبخي اعجابكم :


    اولا تناخدوا مقلاة تنشلظوا بصلة كبيرة او 2 متوسطة تخليوها تتسهر مع شوية الزيت حبدا لو كان زيت الزيتون






    تم نضيف الربيع والثومة



    ونحرك حتى يرتخي البصل هكدا متلما ترون في الصورة







    نضيف 4 الطماطم مشلظة ومقطعة صغيرة ونتركها تتحمر مع البصل ونضيف القليل من التوم والتوابل شوية شوية (الابزار-الملح-السكينجبير-الزعفران)
    انا اضفت صلصة الكاري للتنسيم وانت وشطارتك ههههههه







    الدجاج نقطعه ونزيل الجلد عنه ونغسله جيدا وونوزع عليه الحامض
    تم نغسله وندهنه بشوية السمن ونتبله اي تعملي العطرية الي هي (الابزار +السكينجبير+الملح ملعقة صغيرة غير ممتلئة +الزعفران)

    شوية الربيع المدقوق مع الثوم كتري الثوم تيعطي نسمة زوينة
    وافركي العطرية على الدجاج حتى تصبح هكدا متل الصورة





    اتركيها قليلا تم ارفعي الدجاج من وسط التوابل وضعيها في مقلاة بها زيت ساخنة وتركيه يتحمر هكدا






    انا اخدت طاجين وادخلته الفرن انا عندي فرن دائري ادخلت فيه الطاجين غير الصحن لا الغطاء هههههههههه

    المهم نكمل نضع الخليط تاع البصل والطماطم في الطاجين هكدا



    تم نضع فوقه الدجاج ونسكب عليه التوابل التي كنا قد رقدنا فيها الدجاج لا نضيعه يضاف فوق الدجاج




    وندخله الفرن ساخن طبعا لو عندك لاطة تاع الفرن وغارقة شوية عمليه فيها ماشي ضروري الطاجين انت ورغبتك

    المهم شوية خرجت الطاجين عملت فيه الزيتون ورجعتوا ملي طبخ خرجتوا وغطيتوا باش يبقى سخون ههههههههه





    [line]-[/line]

    دبا ملي انتهيت من تحضير الطاجين عملت عصير البنان والكيوي والفريز



    عملت كلشي بالعصارة والسكر حسب رغبتك



    اضفت الحليب الجمجوم ههههههه موجود هنا بالسعودية او ابو قوس تيعجبني نعمل بيه العصير ;)



    ايوى وها المائدة تاعي المتواضعة وتفضلوا تاكلوا معانا مرحبا بيكم تشرفوني


    نتمنى نكون افدتكم وعجبكم طيابي ههههههههه راني ماشي لالا مولاتي كاع غير النص :D:D:D

    شكر خاص لحبيبتي ام رامي وسلام شامل كل الانيقات احبكم في الله

  • #2
    او لالا تبارك الله عليك وعلى حداكتك صبحتي علينا اليوم بهاذ الشهيوة وما كرهت ناكلها من ايديك راه الماكلة كتجي زوينة بزاف الى طيبها ليك شي حد ولكن خسارة بعيدة بزاف على اي كنشكروك بزاف على المجهود ودمت بخير حبيبتي .


    فهرس اطباقي هنا



    تعليق


    • #3
      llah ya3tik saha okhti bayane ldid


      تعليق


      • #4
        شكرا على المرور تاعكم نورتوني مرحبا بيك ام خالد ونوارة 123 وكل الانيقات نهار كبير هدا ملي تجيو عندي وتاكلوا من اكلاتي ليا الشرف ياريت لو كنت نقدر ونعزمكم
        الله يرزقكم هدا المقام مكة المكرمة وتجيو لعندي والله يجمع الشمل باحبتي واهلي ونرجع بلادي ونحاول نتلاقاكم ههههههههه مكرهتش على الاقل سعداتي ملي غنزل المغرب معندي مشكل فين ما مشيت لاي مدينة عندي فيها اخوات غاليات رحبوا بيا ها اكادير وطنجة وبني ملال واسفي وفاس والدار البيضاء وبركان وكلميم والعيون وزيد وزيد القائمة طويلة هارا منزور المغرب
        هههههههه كنت تنخمم في الفنادق وخسران لفلوس ساعة دبا عندي عندمن نزل احبكم في الله
        يارب تكون اكلاتي عجباتكم

        تعليق


        • #5
          tbarkellah 3lik o khti raki chahiti wana sayma had nhar hhhh, ywmokom s3aid inchallah o sba7 lkhir 3la kol nawarat montada ana9a maghribia wlah charfto bnat lmaghrib

          تعليق


          • #6
            أحسنت

            هذا هو التطبيق الفعلي ماشي غير نقرا و نروح تفاعل و لا أروع

            تعليق


            • #7
              تبارك الله عليك

              تعليق


              • #8
                [align=center]
                راكي طباخة مع راسك و خا محنززتش مزيان الصور صغيرة هههههههههههههههه

                شهيتيني و نا صايمة الله يعطيك ما تاكلي

                تبارك الله عليك
                [/align]






                سأغيب لمدة ، لا تنسوني من صالح دعائكن أحبتي

                تعليق


                • #9
                  المشاركة الأصلية بواسطة لالا مولاتي مشاهدة المشاركة
                  شكرا على المرور تاعكم نورتوني مرحبا بيك ام خالد ونوارة 123 وكل الانيقات نهار كبير هدا ملي تجيو عندي وتاكلوا من اكلاتي ليا الشرف ياريت لو كنت نقدر ونعزمكم
                  الله يرزقكم هدا المقام مكة المكرمة وتجيو لعندي والله يجمع الشمل باحبتي واهلي ونرجع بلادي ونحاول نتلاقاكم ههههههههه مكرهتش على الاقل سعداتي ملي غنزل المغرب معندي مشكل فين ما مشيت لاي مدينة عندي فيها اخوات غاليات رحبوا بيا ها اكادير وطنجة وبني ملال واسفي وفاس والدار البيضاء وبركان وكلميم والعيون وزيد وزيد القائمة طويلة هارا منزور المغرب
                  هههههههه كنت تنخمم في الفنادق وخسران لفلوس ساعة دبا عندي عندمن نزل احبكم في الله
                  يارب تكون اكلاتي عجباتكم

                  او صافي مدينتي كاع مذكرتيها معند الحبيبة غير تشدي الفندق هههههههه


                  فهرس اطباقي هنا



                  تعليق


                  • #10
                    السلام عليكم ورحمة الله وبركاته
                    تبارك الله عليك آلآلآ مولآتي إسم على مُسمَّى
                    آآآش بغيتي عندي لُعابي سال
                    بلحق لك مِني جزيل الشكر

                    تعليق


                    • #11
                      chokrane okhti
                      hta ana rani mogtariba bhalak
                      hhhhhhhhh khasni hta ana ndare ala fine natsara bla mankhsare flose fi lfanadi9 hhhhhhhh


                      تعليق


                      • #12
                        تبااااااااااااااااااركا الله عليكم اش هاد النور الي نور صفحتي مرحبا بالغزالات نورتم مطبخي عجبكم الطاجين ايوى تفضلوا تاكلوا ههههههههههههه قبل ما يبرد

                        احبكم في الله شكرا بزاف على كلامكم الحلوا والعدب بزاف عليا هاد الكلام يارب نكون في المستوى المطلوب

                        تعليق


                        • #13
                          تبارك الله عليك لالا مولاتي إسم على مسمى

                          تعليق


                          • #14
                            شـكــ وبارك الله فيك ـــرا لك ... لك مني أجمل تحية .






                            ]]



                            تعليق


                            • #15
                              تبارك الله عليك حتى انا ناوية نجربو ان شاء الله.


                              فهرس اطباقي متجدد دائما
                              http://www.anaqamaghribia.com/vb/showthread.php?t=39936

                              اللهم اجعل خير عمري اخره وخير عملي خواتمه و خير ايامي يوم القاك امين

                              تعليق

                              المتواجدون الآن 1. الأعضاء 0 والزوار 1.

                              أكبر تواجد بالمنتدى كان 2,525, 26-09-2016 الساعة 21:58.

                              يعمل...
                              X