إعـــــــلان

تقليص
لا يوجد إعلان حتى الآن.

الطبخ أسرار أدخلي لتفيدي و تستفيدي

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • الطبخ أسرار أدخلي لتفيدي و تستفيدي

    ثبت من طرف أم آدم 2007


    [frame="9 80"]اخواتي
    العزيزات والله يحز في نفسي منشاركش معاكم بوصفاتي بالصور لان الظروف ممساعدانيش داعاو معايا يفرج عليا الله باذن الله ودعاو معايا غادي نتهلا فيكم كيف ما نتوما مهلين فيا بهاد الموقع الرااااائع
    وعندي اقتراح متردوني عليه
    هو كل وحدة فينا متميزة فشي اكلة وتتجيها غزااالة وتتعجب كلشي تقول كيفاش تتعمل ليها وخا تكون غير البيض لانه كيف ما تتعرفو كل وحدة كفاش تتعمل الوصفة ديالها ولكن كاين التمسز والاسرار هاد الاسرار اجي نعتارفو بيهم ويكونو فميزان حسناتنا باذن الله.
    وانا غادي نبدا ليكم
    الى بغيتي تحمري الدجاجة وتحد ميعرفك كدرتيها وتجي حمممممرا وتتبري
    ذهنيها بخليط فيه الزبدة .شوية عسل صفار بيضة .وردي علي[/frame]
    اسعدني تواجدي في هذا الجمع المبارك
    شكرا لكل من تبدل من اجل نفع اخواتها في الله



  • #2
    الله يعطيك الصحة على المعلومة ربي يخليك لينا وانا في الدجاج لمحمر في المرقة كندير غير بزاف ديال المعدنوس والقزبور مكندرش فيه البصل وكتجي لصوص ديالو واعرة وكهنيك بزاف على النصائح ديالك تارك الله عليك

    تعليق


    • #3
      تبارك الله عليك فكرة ممتازة
      هادي فكرة ديال فلفة مقلية كاتجي مقلية وطايبة مزيان ومافيهاش نقطة وحدة كحلة كانزول لها الراس والزريعة ملي كانديرها تقلى كانغطيها وكانقليها على عافية مهييييلة السر هو ملي كاتغطى كترطاب من الفوق قبل ماتقلبيها

      تعليق


      • #4

        الله يعطيك الصحة على المعلومة او كنتضروالمزيد

        تعليق


        • #5
          انا كندير للدجاج
          الملح ولبزار الزعفران
          وسكين جبير والثومة والبصلة بزايد باش كيطيب
          فالما ديال البصلة والربيع وشوية ديال السمن
          وملي كيطيب كندهنو بالزبدة مخلطة مع الزعفران
          وكندخلو شوية للفران يتحمر وطبعا المرقة فيها الزيتون وتكون واقفة
          وبالصحة
          اللهُمَّ إِنِّي أَسْأَلُكَ بِأَنَّ لَكَ الْحَمْدَ لَا إِلَهَ إِلَّا أَنْتَ الْمَنَّانُ يَا بَدِيعَ السَّمَوَاتِ وَالْأَرْضِ يَا ذَا الْجَلَالِ وَالْإِكْرَامِ يَا حَيُّ يَا قَيُّومُ إِنِّي أَسْأَلُكَ،ان تكتب لي حجة في بيتك الحرام.

          تعليق


          • #6
            lah i3tikom sa7a ana ba9a jdida fmtbekh nt3elem mnkom
            de7ekounni
            tbarklah 3likom
            sigpic

            تعليق


            • #7
              وااااااااااااو فكرة زوينة هادي
              انا كبدة مقطعة فيلي او ستيك مين نقليها باش تبقا مسرحة مزيان و ممعوجاش ندوزها اولا فالفورص نقليها عاد نعملها شوية ف صوص{زيت العود_ثوم_ربيع-عطرية}
              تشحر شويا او تاخد بنة


              [sor2]http://www.anaqamaghribia.com/up//uploads/images/anaqamaghribiae06dadad92.gif[/sor2]

              تعليق


              • #8
                Allah ye3tikom seha kameline
                menine netfeker chi haja n9ouleha likom

                تعليق


                • #9
                  [frame="9 80"]شكرا ليكم على التفاعل والنصائح [/frame][frame="9 80"]
                  وانا غادي نقول ليكم هاد المرة على اللحم الى كان قاسح مبغاش شكيتي فيه او مطابش مزيان
                  عملي معاه 2 او 3 عطم ديال التمر تلقايه ولا فتي بسرعة
                  اولا خمارة حمراء
                  وهدي غريبة شوية ولكن حتى هي تتفتيه اسبرو ديال الراس ** لحم ودوا ههههه
                  ولكن 70 مشاهدة و 8 اللي سخات بالعلم ديالها مشي مشكل الله يهدينا تنتمنى منكن المزيد من التفاعل [/frame]
                  اسعدني تواجدي في هذا الجمع المبارك
                  شكرا لكل من تبدل من اجل نفع اخواتها في الله


                  تعليق


                  • #10
                    chokran akhti fikra mazyana

                    تعليق


                    • #11
                      هادي نصيحة للمبتدات باش المرقة تجيهوم بنينة احسن حاجة هي الخضرة تكون طرية وملي ينصبو المرقة مايكثروش الما على حسب الخضرة باش مخضرين واش كاتشرب الما او كاتزيد طلق الما لان الى كترات الما خاصها تعاين حتى تختار المرقة وباش تختار المرقة كاتهرى الخضرة وكايفوت فيها الطياب وكاتجي باسلة
                      على حسب اشنو عاملين واش الدجاج ولى اللحم بالاضافة للعطرية ماتاخدش بزاف وطول عندها حتى تفقد النكهة لي فيها
                      نعطيكوم مثال بحال الكرعة فيها نسبة كبيرة ديال الما بالاضافة انها مكتاخدش وقت فالطياب لدا خاصنا نوضعو هاد الاعتبارات فراصنا واحنا كانصبو الطنجرة مانكثروش الما
                      والبصلة تاهي نفس الشيء
                      وكاينة خضرة لي كاتحتاج وقت فالطياب بحال الخرشوف
                      تفكرت واحد الحاجة الخرشوف عندو نكهة زوينة وكاين لي كايضيعها بكثرة العطرية بالنسبة للنصيب ديالو كايبغي اللحم وبصلة وحدة مشلظة ليبزار بيض ماشي لحكل والزعفران والحامض مسير لي كانضيفوه فالتالي كايجي روعة كايتواتى بزاف مع ليبزار الابيض وكاين لي كايقولو سكنجبير
                      سمحولي مكانعرفش نوصل مزيان كانتمنى تكون فهمتو قصدي
                      واهم حاجة ماتنساوش دكر الله وتسميو الله وطيبو من قلبكومههههههه يعني وانتما حابين طلعو احسن ماعندكوم للاسرة ديالكم وكولشي يكون بنين بادن الله وخا غير بصيلة وماطيشة

                      تعليق


                      • #12
                        سلام عليكم انا عضوة جديدة في هاد المنتدى اوهادي اول مشاركة ليا وخا انا ماشي حدقة بزاف ولكن بغيت نفيدكم كيما فدتوني
                        لمهيم الا طيبتي شي حاجة اخويتي فيها لقرعة ديال الملحة يعني جات مالحة قشري واحد لبطاطة وزيديها في الطنجرة او خاليها واحد ربع ستعة او نصف
                        راها كتمس هاديك الملحة
                        اتمنى اكون افدتكم

                        تعليق


                        • #13
                          li bghate l cake dialha ytla3 maziane, match3al l farrane hta dakhal lou lcake dialha
                          wli bghate l cake dialha ykoune noir bezaf b chocolat khasseha mli dawab chocolat f hammam mariam tzid m3ah m3al9a dial lhlib f blasset m3al9a dial lma w tzid m3ahoum m3al9a dial l9ahwa mat7ouna :)

                          تعليق


                          • #14
                            [frame="9 80"]اهلا اختي malak sahrawiya تنمنى انك تبقاي ديما معانا ;lومرحبا بيك وشكرا على النصيحة
                            واختي rajay شكرا بزاف هدي نصائح غزااالة ولكن تيقولو ان من اسرار الكيك انك تشعلي الفران هو الاول هاد الطريقة مجرباها احبيبة
                            وانا عندي ليكم نصيحة للكيك ايضا لبغيتيه يطلع مزيان طربي البياض بوحدو بحال التلج والصفار بوحدو وضيفيهم على المقادير الاخرى ونت تتحركي وترجعي ماشي تحركي دائريا باش يدخل الهوا وتجيك طالعة مزيان
                            [/frame]
                            اسعدني تواجدي في هذا الجمع المبارك
                            شكرا لكل من تبدل من اجل نفع اخواتها في الله


                            تعليق


                            • #15
                              الانيقات السلام عليكم ياريت يتفاعلو الاخوات و يتبت الموضوع
                              بغيتي الكيكة تجيك متقبة من الداخل اوا ديري قبيصة الملح مع الدقيق
                              [sor2]http://www.anaqamaghribia.com/up//uploads/images/anaqamaghribiae06dadad92.gif[/sor2]

                              تعليق

                              يعمل...
                              X