أجيو تشوفو عشاي ديال البارح

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • أجيو تشوفو عشاي ديال البارح



    كيدارين الأخوات لباس عليكوم عواشركوم مبروكة جربت العيش ديال الأخت أم سندس وجا غزال وخفيف شهوة منو أول مرة نجرب العيش فالدار كونت غير كانشريه تبارك الله على أم سندس والسلام.



    بالنسبة للمقادير ديال الخبز العيش أو الباتي أستعملت:

    الطحين نص القمح ونص الفورص رطب.
    شوية الخميرة.
    شوية الملح.
    والماء الدافئ.
    ندلكو ومانخليوش يخمر مباشرة مني ترتاح العجينة شوية نعملوها كويراة صغار جدا ونكرصوهوم بالمدلك ونحطو فالمقلة ودغيا نقلبو باش يتنفخو.


    أم الحشوة أنا استعملت:

    الخس.
    بيبي سلقتو وقطعتو مكعبات صغار.
    شوية البصلة شلضتها مع البيبي المسلوق مع شوية الملح والإبزار والمعدنوس.
    ماطيشة مقطعة دواور.
    الفرماج ديال السندويش
    المايونيرز والكيتشوب.

    وعملت حتى الخضرة على شكل خبيزة :
    حكيت خيزو والكرعة الخضرا على طول وشحرتهوم مع البصلة مشلظة والملح والإبزار والفلفلة خضرا مقطة أطراف والزيتون أطراف حيدتهوم من على النار وضفت ليهوم البيض للي يجمع لينا الخضرة للي عندنا وعملتهوم على شكل كويرات وقليتهوم في الزيت البلدية .

    والطريقة كما هي مبينة في الصور:





    هذا الخبر مني طيبتو راه وجدتو مع الفطور ومكانش عندي الوقت باش نصورو راكوم عارفين مع الفطور مكاين غي جري جري ههههه.



    وهادي الخضرة مني طابت










    هاكدا عمرتهوم وخشيتهوم في آلة البانيني واحد 2 دقايق.








    هنا فاش قليت الخبيزات مع شوية الفريت.





    وها العشا واجد خفيف وبنييييييييييييييين عجب السي سيد والدراري.





    عطاك الله الصحة أختي أم سندس.

    رمضان كريم تقبل الله منا ومنكم خالص الأعمال.

  • #2
    تبارك الله تبارك الله تطبيق مميز الله يعطيك الصحة وعواشركم مبروكة

    تعليق


    • #3
      بارك الله فيك حبيبتي بالصحة والراحة ونشكرو حبيبتنا أمنار صاحبة الوصفة الأصلية

      تعليق


      • #4
        tbarkallah 3lik akhti

        تعليق


        • #5
          المشاركة الأصلية بواسطة nadra مشاهدة المشاركة
          تبارك الله تبارك الله تطبيق مميز الله يعطيك الصحة وعواشركم مبروكة

          بارك الله فيك وافين غبورك الزين عواشر مبروكة علينا وعليكوم

          تعليق


          • #6
            المشاركة الأصلية بواسطة أم سندس مشاهدة المشاركة
            بارك الله فيك حبيبتي بالصحة والراحة ونشكرو حبيبتنا أمنار صاحبة الوصفة الأصلية


            تبارك الله عليكوم بدون استثناء حادكات كاملين عطاكوم الله الصحة والهنا والإيمان

            تعليق


            • #7
              المشاركة الأصلية بواسطة najmaton مشاهدة المشاركة
              tbarkallah 3lik akhti

              جزاك الله خيرا

              تعليق


              • #8
                الله يعطيك الصحة

                تعليق


                • #9
                  بالصحة و الراحة
                  [frame="7 80"]
                  استغفر الله العظيم من كل دنب عظيم
                  [/frame]

                  تعليق


                  • #10
                    تبارك الله عليك انشاء الله نجربها




                    ]

                    sigpic



                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X