حليواتي في العيد حصريا على أناقة و إهداءا لmyriama وجميع الأنيقات

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • حليواتي في العيد حصريا على أناقة و إهداءا لmyriama وجميع الأنيقات

    السلام عليكم حبيباتي الأنيقات اليوم وبعد إنتظار طوييييل هههه لقيت وقيت فاش نحط ليكم حليواتي دياول العيد وخا ماقدرتش نصور كلشي بالتفاصيل ولكن نواعدكم أنني نبقى في كل مرة نحط ليكم شكل من المطبخ ديالي
    هذا هو البلاطو ديالي نهار العيد




  • #2
    حلوة العرايش
    العجينة:
    نصف كيلو فورص
    50 غرام زبدة
    شوية الملح
    وماء الزهر للعجين من الأحسن إستعمال بلعامري

    العقدة:
    هي إختيارية انا طحنت شوية اللوز والزنجلان خليتو غير صحيح جمعتهم بالعسل وشوية ماء الزهر فقط للتنسيم

    الطريقة:
    نخلطو الدقيق مع الزيدة والملح ونبداو نزيدو في ماء الزهر بشوية بشوية حتى تولي عندنا عجينة لينة نخليوها شوية ترتاح في بلاستيكة او علية بلاستيكية




    نورقو العجينة مزيان ونقطعوها على شكل دوائر



    نكونو حضرنا العقدة



    نوضعو شوية من العقدة على دوائر العجين ونحاولو نشكلوها بالطريقة اللي تتشوفو



    ونسدو كيفما تيبان في الصورة على شكل مثلث



    تنقلبوها الجهة اللي فيها لملاقية للتحت ونحاول نحرفو ليها الجناب باش تاخذ شكل منحرف شوية



    نصففوهم في لاطة وندخلوها للفرن



    منين تخرج من الفران نطربو 2 بياض البيض مع 500غرام سكر كلاص و2 معالق عصير الحامض حتى يدوب داك السكر مزيان نلونوه بالألوان اللي بغني ونغطيو العرايش بالهداك الخليك ونصففوهم فوق ورق الأليمنيوم او الفيلم الغذائي حتى ينشفو مزيان يمكن يتعطلو حتى الليل كلو و انا حطيت عقيق فضي

    تعليق


    • #3
      وهادي حلوة القلب ديال أختي ديدو بشكل ثاني قمت فقط بنقل الصور والتفسير من الموضوع الأصلي ديالها حتى للمرحلة اللي قمت فيها بالتغيير
      المقادير

      رابعة الزبدة ماركرين
      2كيسان سنيدة
      2كيسان زيت
      2خمارات
      1فاني
      حامضة محكوكة
      3بيضات
      الدقيق حسب الخليط
      للتزيين
      بياض 2 بيضات
      150غ الكوك
      الطريقة
      في قصعة نخلط السكر والزبدة جيدا حتى تصير مثل كريما

      ثم نضيف البيض والزيت



      نخلط جيدا ثم نضيف حامضة محوكة


      من بعد نضيف الخميرة وفاني


      ثم نبدأ في اضافة الدقيق شيئا فشيئا حتى نحصل على عجين لين



      فوق طاولة مرشوشة بالدقيق نسرح العجين بالمدلك ثم نقطعها بواسطة مرشم القلب او اي مرشم حسب اختياركن أنا هنا قمت بإختيار مرشم دائري والنصف من الحلوة متقوب من الوسط


      ثم نمرر الحلوى في ابيض البيض والكوك


      ثم نعملها في طاوة وندخلها للفرن الساخن (لكن يجب مراقبة الحلوى في الفرن لانها بسرعة كتطيب)


      عند اخراجها من الفرن تلصق بالشكلاط الابيض المذاب أنا قسمت الشكلاط ل3 الأقسام كل واحد عملت ليه لون








      وعملت كل 2 في خنيشة من ديول الحلوة باش يكون كل خنيشة فيها 2 الألوان الأصل في الفكرة هو أن الطوابع تكون أصغر باش نوضع الألوان ب3 في نفس الخنيشة ولكن الطابع عندي كبير لذا اكتفيت فقط ب 2 حلوات في كل خنشة

      تعليق


      • #4
        حلوة العرش من عند أُخْتَي حسناء الرودانية وديدو
        مقادير العجين

        -كيلو الدقيق
        -كأس الزبدة
        -4المعالق الكونفتير
        - ماء الزهر على حسب الذوق في النسمة ديالكم
        -نخلطو الدقيق مع الزبدة والكونفتير ومن بعد نبقاو نزيدو في ماء الزهر حتى تجمع العجينة

        العقدة
        كاوكاو مطحون مزيااااااااااااااااااااان حتى يتعلك ونزيدو نجمعوه بالعسل

        نورقو العجينة مزيان ونقطعوها ولكن ماشي كلها بشوية بشوية باش ماتنشفش


        ونمددو العقدة أيضا ونقطعوها كلها باش يسهل علينا العمل


        نبداو نوضعو عقدة الكاوكا بين 2 ورقات من العجينة ونشرطوا العجينة على شكل ورقة ونثبتوا عليها حبة عقيق فضي وندخلوها للفرن



        منين تخرج من الفرن ندهنوها بالعسل مطلوق بشوية ماء الزهر



        ملاحظة:
        شفت بزاف الأخوات تشكاو من أن العجينة تفرقت ليهم على كاوكاو وحتى أنا رديت البال أنها بدات تتوقع ولكن بقيت تنخرج الحلوة مرة مرة من الفران وتنضغط عليها بشوية بسباتيل حتى صافي مابقاتش تتنبل وتفرق على العجينة

        تعليق


        • #5
          حلوى الشربيل
          العجينة: 500g القشدة الطرية+ 1kg دقيق: ندلكها مزيان

          العجينة ديال كاوكاو: 1kg كاوكاو مقلي بقشوره ومطحون مزيان مع 250g سكر+2ملاعق ماء الزهر+ نصف ملعقة ص مسكة بلدية مدقوقة
          ثم نشكل من عجينة كاوكاو حرابل طويلة

          ثم نطلق العجينة ونعمل فيها حرابل الكاوكاو ونقطع الزيادة:

          نبدا نقطع بشكل مائل:
          ونبدا نشكل الشربيل

          ثم بالمنقاش نشكل زواق الشربيل ونزين بالعقيق


          ثم نصففو فاللاطة

          تعليق


          • #6
            وهاذي حلوة التمر من عند غاليتي ام الحلوين
            المقادير العجيين
            250غرام زبدة بدفئ المطبخ
            كاس حليب جاف نيدو
            نصف كاس زيت
            كاس سكر كلاصي
            1خمارة1بيضة
            كاس سميدة الرقيقة
            5 الى 6 كؤوس من الفورص حتى تجمع العجينة
            مقادير الحشو
            معجون التمر منسم بماء الزهر والقرفة

            الطريقة

            نعمل قليل من الطحيين في قالب المعمول ثم نفرش قليل من العجيين ونضع قليل من الحشو ونجمعها باطراف الاصابع ....ونقلوبها وتتعطينا شكل جميل
            ندخل الحلوى للفرن غلى نار هادئة
            لما تخرجو هي سخونة نعملوها في سكر كلاصي











            تعليق


            • #7
              حلوة المسوسة

              رابعة زنجلان
              رابعة لوز مهرمش
              رابعة زبيب بلا عظم مغسول مزيان ومرطب في ماء الزهر ومقطع
              رابعة سكر gلاصي أو سنيدة
              نصف كيلو زبدة
              نصف لتر زيت
              قرعة ماء الزهر
              1 خميرة الحلوى
              الفورص حسب الخليط


              تحكي الزبدة مع السنيدة والفواكه الجافة تزيدي الزيت بشوية وتخلطي مزيان ومن بعد ماء الزهر وتبداي تزيدي في الفورص معاه الخميرة تتجمع مزيان من بعد تديريها كويرات وتطبعيها بالطابع اللي بغيتي وتدخليها للفرن منين تطيب تصفيها في طاوة نقية وحدة حدا وحدة وتغربلي عليها سكر gلاصي وتخزنيها تتجي رااااااائعة

              تعليق


              • #8
                كعب الغزال:
                العجينة:
                نفس العجينة ديال العرايش
                العقدة:
                كيلو لوز مصلوق ومفسخ
                نصف كيلو سنيدة
                تنطحنو اللوز في ماكينة الكفتة ونخلطوه بالسنيدة ونعاودو نطحنوه ونعملوه صبيعات وها الطريقة خديتها من الموضوع ديال واحد الأخت غير أنا في الأخير نقشتو وخليتو الليل كلو عاد في الصباح دهنتو بشوية الزيت الرومية وطيبتو والكحك حتى هو نفس العجينة ونفس الشيء







                تعليق


                • #9
                  رائع يا ام سندس الله يعطيك الصحة و تبارك الله عليك ان شاء الله في عرسي نعيطلك تصاوبيلي الحلوى الى قبلت ههههههه جازاك الله خيرا على هاد الحليوات الزويونين

                  تعليق


                  • #10
                    شكرا لك حبيبتي على الاهداء
                    5 نجمات على المنضر أما المذاق ملي نجي أن شاء الله و ندوقها عاد نقوليك عنداك تكليها كاملة

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X