إعـــــــلان

تقليص
لا يوجد إعلان حتى الآن.

ركن لمتتبعي نصائح د. محمد فايد و د. نبيل العياشي

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • ركن لمتتبعي نصائح د. محمد فايد و د. نبيل العياشي

    السلام عليكم و رحمة الله

    النصائح ديال الدكتور فايد و الدكتور نبيل العياشي خاصها ركن خاص باش ماتخالطش مع الشهيوات

    إوا هأنا قلت باسم الله


  • #2
    اضم صوتي لطلبك و بغيت نسولك فين يمكن لي نستمع ليهم الا جات على خاطرك










    تعليق


    • #3
      بسم الله الرحمان الرحيم اذن نبداو على بركة الله في كتابة نصائح الدكتور محمد الفايد الى خطأت ولانقلت شي خطأ المرجو منكن ان تنبهونني و جزاكن الله خيرا

      -الفواكه نحاولو ما أمكن ناكلوها بوحدها يعني مانكلوهاش مور الماكلة كيما تعودنا ناكلوها مع 10 د الصباح و لا قبل الغداء على الاقل 1/2 ساعة قبل ولا مع العشية ف 4 ولا ف الليل ناخدوها بوحدها لانها تعتبر سريعة الهضم
      -الماء مع الاكل يعني ملي نكونو ناكلو ما ندوزوش بالماء لانه خطير جدا اولا كيملأ المعدة ثانيا كيرشح الأكل و كينفخ المعدة
      -زيت الزيتون كتمشي مع الخبز يعني نقدرو ناكلو الخبز مع الزيت ماكين موشكل لان الزيت كتهضم ف الامعاء و الزيت كاتمشي مع القطاني أكثر من الخبز والزيت مع الخضر كذلك
      -المواد الحيوانية مثل اللحوم البيض ......تستغرق وقت طويل في الهضم تقريبا 5 ساعات ولهذا فهي طويلة الهضم و النشويات كذالك كتاخد وقت في الهضم أما الفواكه فكتاخد وقت قصير في الهضم
      -الخضر متجانسة مع كل الاغذية (الزيوت اللحوم القطاني.. ) لانها لا تحتوي على النشويات( باستثناء البطاطس ) وتتوفر على عناصر تتطلب هضم قليل كالاملاح المعدنية و الاياف الخشبية تعتبر الخضر متوسطة الهضم
      -العكس ديال الخضر كاين الفواكه الي ما كاتجانس مع المواد الاخرى يعني خاصنا ناكلوها بوحدها وكينصح الدكتور الناس الي كايبقاو ف العمل ديالهوم ياكلو الفواكه الطرية فبلاصت الغداء و حتى الفواكه الجافة يقدرو ياكلوها
      -وكينصح باخد الخضر الخضراء الي فيها البنولين بحال البطاطا قصبية و الحلوة و الخرشف الخص .........لانها سهلة الهضم لتوفرها على الالياف الخشبية
      -الماء نشربوه فقط ملي يجينا العطش
      -الخضر من المواد الي كتمتص حموضة الدم ولهذا ينصح الناس الي عنهم الأسيدوز ياكلو الخضر ويحيدو النشويات
      -البطاطس المقلية ماكاتهضمش من الاحسن تؤكل على شكل صلصة purée
      اتمنى ان اكون قد افدتكم بما سمعت و أسألكم صالح الدعاء

      تعليق


      • #4
        السلام عليكم الدكتور الفايد كاين هاد الأسبوع في برنامج اللقاء المفتوح في الراديو الرباط مع 9 و 30 دقيقة الأسبوع الماجي غيكون الدكتور العياشي الله يجزيهم بخير كينفعونا بكلامهم

        تعليق


        • #5
          السلام عليكم أختي حكيمة تبارك الله عليك هذاك هو الكلام أنا ماسمعتوش مافقت اليوم حتى ل 10 و 30 دقيقة و لكن الوالدة عاودات لي شكرا ليك بزاف صافي غادا نقول لمامل غير قدمي الإستقالة لقيت صحفية في أناقة مغربية

          تعليق


          • #6
            مشكوووووور والله يعطيك الف عافيه

            برنامج إحياء السنة النبوية : موضوع متجدد كل أسبوع يعرض سنة جديدة لإحيائها و تطبيقها






            تعليق


            • #7
              شكرا لك اختيhakima09 على النقل جزاك الله خيرا وجعله الله في ميزان حسناتك.

              تعليق


              • #8
                تبارك الله عليك
                جميل أن تزرع وردة فى كل بستان لكن الأجمل ان تزرع ذكر الله على كل لسان

                تعليق


                • #9
                  تجانس الاطباق المغربية
                  معظم الاطباق المغربية جيدة مثل الطاجين بالخضر و قليل من اللحم و زيت الزيتون هدا الطبق متجانس لان اللحم ماكيكونش بزاف والخضر كتكون متنوعة والخبز هو اللي كيغلب على هاد الطبق يعني ماكاينش مشكل ف هاد الطبق فهو متجانس وصحي غير مانكتروش من اللحم نرجعو لعادات القديمة كانو كيديرو غير شوي د اللحم و كانو تبارك الله صحاح و ماشاء الله عليهم

                  بكري كان الخبز حامض لان كانو كايعجنوه بالخميرة البلدية ولهذا فكان يساعد بدرجة كبيرة على الهضم
                  الطريقة المغربية في الطهي كانت ذكية حيث كتستعمل بعض التوابل المفيدة الي كتساعد على الهضم مثل الكركم سكينجبير قرفة قرنفل
                  الي كاياكل زيت الزيتون + كركم او خرقوم عرق +سكينجبير لا يصاب بأمراض الجهاز الهضمي
                  الكسكس + خضركتكون متوسطة ماشي بزاف ماشي قليل+ اللحم قليل هاد الطبق جيد لان اللحم قليل و النشويات كثيرة
                  الي عندهم مشكل بالجهاز الهضمي لا ينصح ان ياكلو الاكل الي فيه الابزار
                  الكسكس الي فيه اللحم ممنوع يسقى بالحليب الى ماكانش اللحم ف الكسكس يعني غير الخضر ما عليش نقدرو نسقيو بالحليب
                  سيكوك باللبن الحامض مع الشعير جيد لان الشعير قليل النشا و اللبن مع الذرة هائل و أحسن لان الذرة مافيهش النشا
                  سيكوك الى كان جاري كيضر شوي ايكون عاقد احسن قدما غلبت النشويات كان أحسن
                  اللبن مع الكسكس جيد و نقدرو ناكلو سلطات مور الكسكس
                  سكان فاس سايس و حتى سلا والرباط كايخلطو البيض مع الخليع هاد الطبق متجانس من الاحسن ما يزيدوش الزيت و لا سمن لانه غني بالدهون الناس الي خدامين ف الاعمال الشاقة والي كتطلب مجهود كبير ماعليش الى كلاوه لان غدي يحرقو الدهون أما الناس الي ماكيتحركوش بزاف لا ينصح بأكل هاد الوجبة
                  الخبز + زيت الزيتون + أتاي نعم مزيان
                  الخبز + زيت الزيتون + حليب + قهوة ليس متجانس

                  تعليق


                  • #10
                    نصائح الدكتور نبيل العياشي

                    اليوم الدكتور تحدث على هاد المنتوجات les produits allégés و les produits lights

                    و les produits a faible teneur
                    المواد لايت كتكون خالية من السعرات الحرارية و لهادا ولا الاكثرية من الناس كيتقداو هاد المنتوجات لانها كتكون ناقصة شوية على المنتوجات الاخرى من حيث السعرات الحراية والسكريات و الدهنيات هادا لا يعني اننا نتيقو ونكثرو منها
                    les produits allégés : كتعني ناخدو مثلا الزبدة كتكون ناقصة 25% من السعرات الحرارية او المواد الدهنية بالمقارنة للزبدة العادية
                    0% سكريات هذا لايعني انه خال تماما من السكر مثلا الحليب الي مكتوب فيه بدون اضافة سكريات هدا لايعني انه مافيهش سكر لان الحليب يحتوي اصلا على السكريات
                    نحاولو ما أمكن نقصو من المشروبات الغازية و لو كانت لايت بحيت كاين شي ناس غير كيشفو لايت كيثر من داك المنتوج ضنا انه لاتحتوي على السكريات ولهدا يجب على المستهلك ان يقرا المحتويات و نحاولو نردو البال للسعرات الحرارية خصوصا بالنسبة الي عندهوم الكولسترول او السمنة

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    يعمل...
                    X