أرجو المساعدة من الطباخات الأنيقات

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • أرجو المساعدة من الطباخات الأنيقات

    السلام عليكم أخواتي أنا عندي مشكل مع العدس مكتزدقليش مع العلم أنني وبشهادة ماما و حماتي وجداتي طيابي كلو زوين ومتقون إلا العدس حتى راجلي كيقلي كلشي تقنتيه إلا العدس ماعرفتكش مالك مدابزة معاها, والله حتى عقداتني . لهاذا بغيت منكم الحبيبات خصوصان اللي كتجيهم العدس لديدة تقولولي كيف كطيبوها , أنا في انتظار نصائحكم جازاكم الله خيرا

  • #2
    اختي بحالي بحالك بالظبط الله يجيب اللي ينصحنا
    _______________________________________________________________________________________________


    sigpic

    تعليق


    • #3
      آمين أختي و شكرا ليك ونستيني مابقيتش بوحدي

      تعليق


      • #4
        تخدي العدس تراطبيه فلمأء من بعد تخدي طنجرة ديري فيها بصلة كبيرة محكوكة املحه البزار ازيت بلدية أضفي لعدس أتشهري مزيان كلش من بعد ضيفي مطشة محكوكة أتوم شي ٤ فصوص أمرق ألما الكافي ديك اساعة ضيفي ربطات قزبر ومعدنوس أكمون تحميرا إلى كان عندك لحام ديره شحريه فلاول ديري كنور ومطشة ديل الحك شي معلقة كبيرة أخاله يطيب مزيان اختري نوع ديل لعدس أيكون مزيان إلى بغيتي ضيفي لخضرة بهل خيزو البطاطا ضيفهم مقطعين صغار وفالاخر ضيفي مزود ديل الحار ولكن أختي إلى بغيتي أعدس أعلى حقو أطريقو ديري لعضوم ديال ألحم راح كيعسله أكيجي أغزال ونتمنى لك اتوفق أحبيبة


        تعليق


        • #5
          انا نعطيك طريقتي ديال العدس واللي جربوها خوتاتي امبقاوش يستغناو عليها مع العلم انني عندي التجربة حيث اكبر منهم ندوزو للطريقة بلا منطولو كتاخدي الالا العدس تغسليها مزيان انا كنسلقها غير شوية باش تيزول منها اللون البني ومللي كتكون كتصلق كنوجد انا الشرمولة ديالها..مطيشة مقطعة بدون بدور بصلة مقطعة شنانف قزبور ومعدنوس مقطع كدلك ثومة مقطعة ملح بزار كمون والسر ديالي هو انني كنستعمل معاها معلقة كبيرة حلبة مغسولة وشوية الزعتر غير محكوك باليد وفي الاخير كنزيد معيلقة مطيشة الحك والله مكيشبعو منها اولادي كنتمنى تجربي طريقتي اتردي عليا الاخبار..

          تعليق


          • #6
            السلام عليكم ورحمة الله وبركاته
            هادي الطريقة ديال العدس اللي كندير انا من النهار الاول اللي درتها وانا حاصلة غير يبغيو العدس يعيطو عليا ههه حتى بديت نندم علاش درتها هههه
            المهم انا كنشد العدس وكنقيها ونغسلها ونديرها فكاسرونة مع الما ونخليها تغلي شوية على مانكون شلضت واحد البصلة مع شوية الزيت بلدية ورومية وشوية الملح والابزار والخرقوم والسكينجبير ومعلقة صغيرة ديال مطيشة الحك ونخليهم يتشحرو شوية من بعد نصفي العدس ونديرها فالطنجرة ونضيف ليها الما ونسد عليها حتى تطيب
            هادي العدس ديالي ونتمنا هاد المرة تسدقليك وتدعي معايا ههههه

            تعليق


            • #7
              بارك الله فيكم ألحبيبات و الله يعطي لكل و حدة فيكم ماتمنات والله يزقها الصحة و كل خير ,شكرا بزززززااااااااف ور اني غدي نجرب الطرق اللي عطيتوني و نرد عليكم الخبار.

              تعليق


              • #8
                كنخد العدس كنغسل مزيان فى كوكوت احك2مطيشات او1كبيرة تم زيت الزيتون والربيع مدقوق والعطرية وثوم صاين وشوية مطيشة حك وكنور الا بغيتى واشحر الكل ثم اصب العدس واشحره والماء الساخن الا كنت زربانة واغلق كوكوت اذا اردت تشحرين كدلك بصلة صغيرةمشلضة رقيق

                تعليق


                • #9
                  بارك الله فيكن حبيباتي الطيبات على مروركن الطيب

                  تعليق

                  المتواجدون الآن 1. الأعضاء 0 والزوار 1.

                  أكبر تواجد بالمنتدى كان 2,525, 26-09-2016 الساعة 21:58.

                  شاركي الموضوع

                  تقليص

                  يعمل...
                  X