دجاج مشوى في الفران ديال الضو

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • دجاج مشوى في الفران ديال الضو

    السلام عليكم أنيقات المنتدى
    سمحو ليا ولكن نتوما اللي كاتنقدوني ديما
    راجلي تشهى ليا دجاج مشوي في الفرن في هاداك السلك اللي الوسط
    اللي عندها شي وصفة والطريقة ماشي ضروري الصور الله يجازيكم بيخير هو غادي يجي مع 17.30 والدجاجة مغسولة ومرقدة في الحامض والملح والخل والى كان ممكن تقولو لي باش نرافقها حيت عندي جميع الخضر وحتى الديسير موجود والله يعطيكم ماناويين ويخللي ليكم وليداتكم ويرزق المحرومة ويرزق اللي مامزوجاش بالزوج الصالح
    نمشي نعس بنتي خديجة 6 شهور ونرجع راها محيحة حيت فاقت بكري وخاصها تنعس دابا

  • #2
    عافاكم عتقوني وشوفو من حالي

    تعليق


    • #3
      دجاج مشوي بالفرن
      ان شاء الله تكون هادي تاوصفة لي بغيتي



      المقادير:


      نبدأ بمقادير التتبيلة:
      1 حبة دجاجة مغسلة ونظيفة من الداخل
      1 حبة بصل تقطع لأنصاف
      2 فص ثوم مهروس
      3 ملاعق طعام زيت
      5 ملاعق طعام خل
      1 ملعقة طعام صلصة صويا
      3 ملاعق طعام حليب سائل
      4/3 ملعقة طعام ملح
      1ملعقة طعام كزبرة ناشفة مطحونة
      2/1ملعقة طعام فلفل أسود
      2/1ملعقة طعام فلفل أحمر
      2/1ملعقة طعام حار حسب الرغبة


      2/1ملعقة طعام زنجبيل مطحون احسن الى كان طري






      التحضير:

      تخلط جميع المقادير في وتترك مدة نصف ساعة في الثلاجة حتى تخرج عصارة البصل والثوم في التتبيلة ويأخذ البصل والثوم طعم التتبيلة

      ثم توضع الدجاجة وتحشى بالبصل والثوم وجزء من التتبيلة وتدهن من الخارج بباقي التتبيلة وتغطى وتترك في الثلاجة أقل شئ 6 ساعات ( أنا خليتها 12 ساعة )


















      بعدين ندخلها الفرن ونشغل الشواية ونتركها تلف أقل شئ ساعة أو على حسب درجة حرارة فرنك أنا خليتها ساعة على درجة حرارة 250 درجة مئوية












      نطلعها من الفرن ونقدمها مع الرز الأبيض زينيه باللوز مقلي و الزبيب و شرائح من الانناس معلين أو مع الخبز والسلطات
      بسم الله الرحمن الرحيم


      لا تنسى ذكر الله ;)
      :s11556:

      تعليق


      • #4
        شكرا شكرا شكرا أختي mounia maaroufi هاديك هي الوصفة اللي بغيت الله يجازيك كل خير ويعطيك ماناوية في خاطرك
        كل المقادير موجودة إلا صلصة الصويا وماكاين اللي يتسخر ليا نعدي دابا باللي كاين ومرة أخرى نطبق الوصفة كاملة
        سيري الله يرزقك الجنة

        تعليق


        • #5
          دري بلاصت الصويا معلقة كبيرة من الموطارد
          بسم الله الرحمن الرحيم


          لا تنسى ذكر الله ;)
          :s11556:

          تعليق


          • #6
            تبارك الله عليك عزيزتى مونية ديما كتجى في الوقت المناسب و كتعتكينا الله يعطيك متمنيتى
            sigpic

            ma petite loulou

            تعليق


            • #7
              مشكوووووور والله يعطيك الف عافيه
              sigpic

              تعليق


              • #8
                شكرا أختي المعروفي الله يفرحك،حبيبا قولي لي أنا عندي الفران ديال الضو ولكن مافيهش هاديد العصا ،فيه غير شبكة و3 ديال اللاطات،حبيبا قولي لي كيف ندير باش نشوي الدجاجة بلا عصا!؟

                تعليق


                • #9
                  اختي الى كانت عندكي الشواية ديال الفران كتزول باش يمكليك تغسليها كتحطي مباشرة الدجاجة فوقها ولكن قبل دهنيها بالزيت باش متلصقليكش فيها الدجاجة واللاطة دريها من تحت يكون فيها شوية ديال الماء و الخل باش يقطر فيها الماء لي كينزل من الدجاجة . هو من المفروض الفرن ديال الضوء تكون فيه ديك العصا لان واخا الفرن ديال الغاز هاديك العصا كتخدم بالضوء
                  بسم الله الرحمن الرحيم


                  لا تنسى ذكر الله ;)
                  :s11556:

                  تعليق


                  • #10
                    السلام عليكم
                    سيري يا اختي المعروفي الله يعطيك الصحة ويحبب فيك خلقه ويرزقك كل ماكتمناي راني جربت وطبقت كل ماقلتي لي الله يجازيك بخير وجاتني كاتحمق واخة مادرتش لا صوجا ولا موطارد ورقدتها غير 4 ساعات حيت ماكانش عندي اختيار وحاجة أخرى أنا زدتها واحد 20 دقيقة على حساب فراني ومن حسن الحظ والصدف حتى عدوزتي داقت منها وعجباتها:d وشكرا مرة أخرى

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X