إعـــــــلان

تقليص
لا يوجد إعلان حتى الآن.

لي عندها أخت صغيرة أو بنت تدخل و ما غتندمش ان شاء الله

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • لي عندها أخت صغيرة أو بنت تدخل و ما غتندمش ان شاء الله

    :s8659:السلام عليكم أنا اليوم بغا نهدر مع كل وحدة فيكم بصراحة و عندي واحد الطلب:s8659:
    نبداو أولا بالمعلومة
    نعاودها ليكم بحال خرافة انا بنت عادية قريت و خدمت وتزوجت ولكن لي ماشي عادي هو أني منين درت 15سنة ف عمري دخلت لثانوية بنظام ديال الداخلية خديت الباك و دخلت لتكوين الممرضين حتى هو بالداخلية!!!!!!!!!!!!!!!
    غاتقولو و فين المشكل حتى أنا المشكل محسيت بيه و فهمتو حتى تزوجت من بعد عام ديال الخدمة فواحد من جبال تارودانت
    المشكل أحبيباتي أني مكنعرفش نطيب و مكانحملش شقى ديال الدار من بعد مفكرت لقيت أني فالعمر لي خاصني نكون حدا ماما نتعلم كنت فالدخلية بالشهر ولا 20يوم عاد نجي نهاية الأسبوع حتى العطل كانت ماما مكتبغيش تحكّر علي"وياريتها حكّرات وشداتني من ودني وعلماتني بزز" الله إسمح ليا منها
    ملي تزوجت لقيت مشكل راجلي قلتلو لي كاين وفهمني ومعاون معيا لكن أنا ما مرتحاش كل مرة ندير شي غد ولا عشا سويرتي إكون بنين ولا لا
    بقيت كنقلب كنلقا وصفات ولكن محتاجة للاسرار ديال الطبخ : شحال نقلي اللحم إمتى ندير العطرية............ فاللحم و الدجاج،الطجين والطنجرة................
    أنا اليوم كنكتب هاد الموضوع باش نقول للأم أنت لي عارفة مصلحة بنتك فين خديها باللين والخطر و نقول للبنات قدما قريتي وخدمتي لابد تديري دارك و تكوني مسؤولة عليه و ديري وليداتك و خاصك تمرري ليهم الاسرار ديال الحياة واش عندك الزاد واش موجدة ؟ راه مزال الوقت بنادم كيتعلم تايموت لكن المثل لي كيقول "الفياق بكري بالذهب مشري" انا عاد فهمتو انه الفياق غير مجاز كيعني انك تعيق بكري وتفهم قبل ميفوت الوقت
    وعندي واحد الطلب باسم كل البنات لي فنفس الوضع كنطلب اي وحدة كتحس انها كطيب مزيان تعطينا اسرار لذة الطبخ ديالها كما غتعطيهم لبنتها إمتا كدير لعطرية شحال دالوقت كتقلي الطجن او الطنجرة اي حاجة كتشوفي انها غاتعاون وربي اجازيك علا قد نيتك ويكون هاد الموضوع فيه نفع للبنات وحتى تبادل المعارف
    إو كونو كتارات:s11873:


    اللهم اعوذ بعزتك من شر ما اجد

  • #2
    الله المستعان اختي هذا حال اغلب بنات اليوم ..

    حتى انا كنت بحالك ما كنت نعرف والو حتى شقا ديال الدار كان عزيز عليا ولكن الوالدة كانت معكزاني بزاف .

    انا ما نقدر نفيدك من ناحية الطياب واسراره .

    ولكن من ناحية شقا الدار فانا كنصحك تتابعي مع الاخت الغالية على قلبي (( قرة عين زوجها )) او الى تكنى باسم ام عبد الرحمن ،،

    انا شخصيا استفدت منها بزاف وكيرجع ليها الفضل بعد الله لهذا التغيير في نظام البيت واستراتيجية تنظيفه واختصار الوقت دون تضييع حق احد .






    [sor2]http://www.quraan-sunna.com/vb/Green/stt.gif[/sor2]

    تعليق


    • #3
      عندك الحق حتى انا عندي نفس المشكلة نتسناو المساعدة من الاخوات
      sigpic[warning]
      اللهم إني أستغفرك وأتوب إليك لا اله إلا أنت سبحانك إني كنت من الظالمين [/warning]

      تعليق


      • #4
        سلام عليكم اختي جميع البنات هاكاك لكن الفرق بينكم كانت ماما الله يخليها ليا كتعلمني في العطل ولكن مني كنا كنقراو الله يسمحلينا مكنعاونهاش وتنديرو سبة بالحفاضة .تبارك الله عليك اختي على هاد الموضوع وتكرمتي وجبدتيه حيت بزاف متيرداوش يكولو مكنعرفش لطبخ مثلا وكيتكبرو مع العلم انهو الى عتارفو بهاد شي راه غيستافدو ولي كيعرف شيحاجة غيعلمها ليهوم وتيقول المثل المتكبر ولي كيحشم مكيتعلموش مافيها باس اخوات مني تقول شي وحدة مكنعرفش شيحاجة حيت تاواحد متزاد معلم ونتمنى نفيدكم.
        بالنسبة اختي المرقة ديال :s10003:دجاج سمعتها فواحد البرنامج مغربي انه مخسوش يتقلى بزاف عاد نديرو المرق لان توابل مكتخليهاش زيت مني كتقلى تدخل العطرية لدجاج ومني كيطيب دجاج وكتبداي تكليه كتلقايه بيض من الداخل . اما الى قطعتي البصلة ودرت التوابل وزيت ودجاج ومخليتيهش يتقلى ومرقتي بالماء دافي دغيا فالدجاج كدخلو العطرية مزيان وشكرا لكم.

        تعليق


        • #5
          المشاركة الأصلية بواسطة ساقية الورد مشاهدة المشاركة
          الله المستعان اختي هذا حال اغلب بنات اليوم ..

          حتى انا كنت بحالك ما كنت نعرف والو حتى شقا ديال الدار كان عزيز عليا ولكن الوالدة كانت معكزاني بزاف .

          انا ما نقدر نفيدك من ناحية الطياب واسراره .

          ولكن من ناحية شقا الدار فانا كنصحك تتابعي مع الاخت الغالية على قلبي (( قرة عين زوجها )) او الى تكنى باسم ام عبد الرحمن ،،

          انا شخصيا استفدت منها بزاف وكيرجع ليها الفضل بعد الله لهذا التغيير في نظام البيت واستراتيجية تنظيفه واختصار الوقت دون تضييع حق احد .
          شكرا اختي على مرورك عافاك عطيني شرابط فين غانلقا نصائح "قرة عين زوجها"


          اللهم اعوذ بعزتك من شر ما اجد

          تعليق


          • #6
            المشاركة الأصلية بواسطة rranya مشاهدة المشاركة
            سلام عليكم اختي جميع البنات هاكاك لكن الفرق بينكم كانت ماما الله يخليها ليا كتعلمني في العطل ولكن مني كنا كنقراو الله يسمحلينا مكنعاونهاش وتنديرو سبة بالحفاضة .تبارك الله عليك اختي على هاد الموضوع وتكرمتي وجبدتيه حيت بزاف متيرداوش يكولو مكنعرفش لطبخ مثلا وكيتكبرو مع العلم انهو الى عتارفو بهاد شي راه غيستافدو ولي كيعرف شيحاجة غيعلمها ليهوم وتيقول المثل المتكبر ولي كيحشم مكيتعلموش مافيها باس اخوات مني تقول شي وحدة مكنعرفش شيحاجة حيت تاواحد متزاد معلم ونتمنى نفيدكم.
            بالنسبة اختي المرقة ديال :s10003:دجاج سمعتها فواحد البرنامج مغربي انه مخسوش يتقلى بزاف عاد نديرو المرق لان توابل مكتخليهاش زيت مني كتقلى تدخل العطرية لدجاج ومني كيطيب دجاج وكتبداي تكليه كتلقايه بيض من الداخل . اما الى قطعتي البصلة ودرت التوابل وزيت ودجاج ومخليتيهش يتقلى ومرقتي بالماء دافي دغيا فالدجاج كدخلو العطرية مزيان وشكرا لكم.
            شكرا اختي على مرورك وشرا على النصائح جزاك الله خيرا


            اللهم اعوذ بعزتك من شر ما اجد

            تعليق


            • #7
              غادي تدخلي للقسم ( منتدى البيت والديكور ) +تدخلي ( لقسم التجارب والحلول المنزلية ) وتماك الاخت قرة عين زوجها كتكتب المواضيع المفيدة وانا غادي نعطيك دابا الروابط الي فادتني وعجباتني.

              الرابط الاول ===> التنظيف العميق للمطبخ ........
              http://www.anaqamaghribia.com/vb/showthread.php?114188-%C7%E1%CA%E4%D6%ED%DD-%C7%E1%DA%E3%ED%DE-%E1%E1%E3%D8%ED%CE-%E1%DE%D1%C9-%DA%ED%E4-%D2%E6
              %CC%E5%C7

              الرابط الثاني ===> ملف التنظيم والترتيب ( فيه تنظيف الدوش والتوليت والصالون ...).......http://www.anaqamaghribia.com/vb/sho...D2%E6%CC%E5%C7

              المهم انتي دخلي لهذا الركن وان شاء الله غادي تولي وحدة اخرى حتى راجلك غادي يولي ما يصدقش عينيه من التغيير الي غادي تديريه وغادي يشكر فيك ديما وهذا هو الوشاح ديال اي زوجة والثاج الحقيقي الي خاص تسعى تحصل عليه .

              وكنصحك تدخلي لتجمع ربات البيوت راه زوين حتى هو وهذا الرابط ديالو .....
              http://www.anaqamaghribia.com/vb/sho...E1%C8%ED%E6%CA






              [sor2]http://www.quraan-sunna.com/vb/Green/stt.gif[/sor2]

              تعليق


              • #8
                يعني انا سبقلي قلت ليك انني ما نقدر نفيدك من ناحية الطياب ..هذا لاني كنشوف راسي مازال ما وصلت للرضا عن الطياب ديالي بامتياز يعني عندي افكار ممكن تفيدك ستافدتهم من زوجت حمايا طيلة فترة زواجي ومن بين هذه الافكار :

                ** الى بغيتي طاجين ديال الدجاج ماتكون فيه الزفورية ديالت لحم الدجاج ..خذي القزبور وقطعيه مفروم على الدجاج مع التوابل كيف قالت ليك الاخت قبل مني وعندها الحق في اضافة الماء السخون لانه ما كيخلي الطياب باسل بالماء البارد ..المهم شحري او قلي داك الدجاج مع القزبور حتى يتنسم مزيان هكا الدجاج كتكون فيه النسمة ديال القزبور والتوابل والزفورية ما كاينا ....

                بلا شك الدجاج لا بد ما يتغسل معا الحامض باش تنقص فيه زفورية .

                **طاجين ديال الحوت كنشرمل الحوت بالتوابل ديالو في ايناء وضعتها فيه من قبل ( تحميرة ملح قليل +ابزار+ خرقوم + كامون +زيت العود 2 معالق كبار + ماطيشا محكوكة بلا زريعة +شويا ديال القرفة مدقوقة ) تنخلطها مزيان وشرمل قطع السمك بها ونخليها تتشرب الشرمولا .

                الى كنت كتستعملي خزو تفرشي بيه طاجين الحوت من التحت فانا كنصحك تسلقيه في شويا ديال الماء مدة قصير غير حتى يليم ماشي يطيب كاع وفرشي خزو وخدي السمك حطيه فوقو والى بغيتي تبنني طاجنك حاولي تزولي للففلة الحلوة ملي تقسميها ديك الطبقة البضة الي كتكون في الداخل ..حيديها حنت هي كتمرر مرقة السمك .

                والى بغيتي ايضا تلذذي المرقة ديال طاجين الحوت ضيفي فوقو ملي تكوني زينتيه وشعلتي النار عليه وبدا يطلق المرقة ضيفي عليه شويا ديال الزعتر .

                فحالت ما اذا ما ختارت ليك مرقة طاجين الحوت وكانت كثيرة انا كنصحك تطفي على الطاجين بعد ما يكون السمك استوفى طيابو ..خودي المرقة من الطاجين وحطيها في كاصرولا وديريها فوق العافين مجهدة وقابليها حتى تختار ..باش تعرفي واش ختارت رفعي الكصرولا من على النار وحركيها بيديك بشويا على شكل دائري وشوفي واش الرقة كتجري بحال الماء او بحال لعسل ..الهدف هو ينقص منها الماء .
                الى ما ختارت رجعيها فوق النار وقابليها وما تغفلي راه غادي تحرق ليك ..وتزنكي :))

                هادشي الي جا على بالي هاد الساعة .

                تنمنى لك التوفيق.






                [sor2]http://www.quraan-sunna.com/vb/Green/stt.gif[/sor2]

                تعليق


                • #9
                  شكرا ليك أختي على هده الفكرة وحتى أنا زيدني عليك نتمنى من خلال هده الفكرة نستفدوا

                  تعليق


                  • #10
                    شكرا أختي ساقية الورد الله يعطيك ما تتمناي ويفرحك ويرقك و جميع المسلمين الجنة


                    اللهم اعوذ بعزتك من شر ما اجد

                    تعليق


                    • #11
                      انا الصراحة من كنت صغيرة و انا كتعجبني الكوزينة والطياب واي واحدة حادكة فالكوزينة فالعائلة منين كنمشي عندهم كنبقى مخشية معاهم فالكوزينةوالحمد تعلمت بزاف دالاسرار و كلشي ولا كيصدقلي خصوصا المعجنات فحال المسمن و غيره والكيكات ...والله يسمحلي الوقت اللي كانت ماما كتكون خارجة و انا ماقرياش كنبدا نجرب شي حلويات واللي صدقات هي هاديك و اللي ما صدقات كنرميها بلاما كتصيق لي لخبار...و شحال رميت ....ههههه ...انا اول مرة زعمت و طيبت كسكسو كان فعمري 9سنين ...لان كانت الوالدة وخالتي ضيفة عندنا و خرجو وجاو معطلين و جابو سندويتشات فيديهم ..هههه...وااوالدة كانت منقية الخضرة وجابدة اللحم اللي غادا طيب...من شفتهوم تعطلو ...رديت لغدا يطيب والحمد الله ما خيبنيش الله لانني كنت دايما كنحضي ماما اش كدير وكنحرقلها راسها بالسؤال...وخلتي ما صدقاتش انا اللي صاوبتو لانه جا لديد بزاف ...ومن داك الساع وهي كتعاير بناتها بي ...هههه...وما نساش اول مرة غادي ندير لمولاوي...جاو يابسين حجرة وما فهمتش علاش...ولكن فالعطلة كنت عند عمتي وكل نهار مخشية معاها فالكوزينة حتى تعلمت السر ديال الملاوي وغيره...سمحولي طولت عليكم...ولكن اللي بغات تعلم...خاصها تكون عندها الرغبة وتكون دقيقة الملاحظة وتسول وتجرب وتعاود ...ماشي ضروري حتى تقولها لها الوالدة ديالها

                      تعليق


                      • #12
                        تبارك الله عليك اختي salimamaroc

                        راكي حادكا ..اللهم بارك.

                        فعلا عندك الحق لازم للزوجة يكون عندها حب لاشغال المنزل من طبخ وتنضيف باش يكون ساهل عليها واهم شيئ ان بالها يكون كيقدم الاولويات الي خاصها تدار .كاينا الي دارها كبيرة وكاينا الي عايشا بوحدها وكاينا الي سكنها دغيا يتجمع بيت وصالة وكوزينة ودوش .المهم كلشي كيتوقف عليك يا اختنا صاحبة هذا الموضوع المتميز .

                        تواصلي معانا اختي بخصوص جديدك باش نطمؤنو عليك.وشكرا على الدعاء الجميل ..آآآآآآمين






                        [sor2]http://www.quraan-sunna.com/vb/Green/stt.gif[/sor2]

                        تعليق


                        • #13
                          السلام عليكم أخواتي سمحولي أنا ماشي ناسيكم ولكن "المضيم" ديال نيت كايديه راجلي معاه ل لخدما هوفمدينا خرا
                          المهم هادشي لقالت الاخت مهم بزاف انا هادشي كايوحي لي بواحد الفكرة مهمة و هي اننا خاصنا نزرعو فلبنات حب لكوزينا و نخليو ليها مساحة فين تتعلم انا اول مرة عجنت كان ف عمري 10سنين ماشي كانتسنا لوالدا ديالي تقولي ندير بعد لمرات كاتكون لبنت باغا دير شيحاجا كتصتادم ب قلة الشي يعني مكاينش ماتخسري و ترميه ناس يالله كايتكفاو مع روسهم
                          واخا هاكداك انا كانعراف ندير كسكسو لحوت ...........لمشكل ان ليدايرين بيا مولفين واحد لمذاق ديال عجوزتي الله يرحها كلشي كايشكر ف ماكلاتها و شقاها واخا هادي 12 عام باش توفات
                          كانشكركم على هاد الاهتيمام وكانتمنى يكون تافاعل و اراء وافادات لينا جميعا وربي ا
                          عاون لجميع و اهدينا لما يحب و يرضى


                          اللهم اعوذ بعزتك من شر ما اجد

                          تعليق


                          • #14
                            انا غانوريك كيفاش طيبي المرقة لانها كاتجي زوينة
                            اللحم او الدجاج اول حاجة قوي الزيت لانه سر الطياب وزيدي عليه اللحم و بصلة كبيرة و 2 ريوس ديال تومة و الربيع بالزايد و معيلقة صغيرة ديال البزار و معيلقة ص تحميرة و معيلقة ص خرقوم عرق و نص معيلقة سكينجبير و 2 عواد ديال القرفة و معيلقة صغيرة ص ملحة و نخليوه يبقى يتشحر حتى ينشف مزيان ما يبقاش فيه الماء ديال تم نزيدوا عليه الماء و نخليوه يطيب شوية عاد نزيد الخضرة اللي عندك و نخليوه يطيب و مرة مرة حركي الكوكط باش تعرفي واش باقي فيها الماء و لا لا و الى كان مابقاش فيها الماء زيديه و شربي فهاداك الماء حتى يوقف على الزيت و نتمنى انني نكون عاونتك اختي

                            تعليق


                            • #15
                              فعلاً هدى موضوع يستاهل الإهتمام كلنا كنتعلم وخى انكونو معلمين لكن كيبقى ديماً الجديد يوم أعلى يوم كتلقي راسك معرفا والو بنسبة الطبخ سهل مشي حاجة صعبة المهم هو الخاطر تعطيه لحاجتك أطيب الحاجة أعلى لمهل ديالها حيت زربة مكتنفع بوالو هدى هو أهم حاجة ديمة فطبخ ديلك الواحد ميبدى حتى يدكر إسم الله بش الله كيعون فهديك الحاجة أتاني حاجة إلى كان عندي الوقت نخلط شرمولة العادية ألي كندير أرقد فيها اللحم أو دجاج بش يشبع من أتشرملة ايجي لديد أنحولو منقلوش العطرية بش ايجي هدشي لديد أماً بعد انحطو هدشي فشي طنجرة + بصلة مقاطعة حتى كدبل مزيان أعلى نار مهلة أكتبد طيب ديك ساعة كنمر قو أنخلوهى أنحولو منكترش الما أره كل حاجة العطرية ديالها المهم ديمة منكترش لم أنشحرو الحاجة مزيان أنمهلو العافية بش الحاجة كتجي معلكة اخاترة ابنينة ولي راسها أخفيف راه أتعلم اطبخ ف أيام قليلة غي أتكون بغى أعندها أرغبة فيه والله أيعون الجميع


                              تعليق

                              المتواجدون الآن 1. الأعضاء 0 والزوار 1.

                              أكبر تواجد بالمنتدى كان 2,525, 26-09-2016 الساعة 21:58.

                              يعمل...
                              X