عفاكم لي عمرها طيبت فشي وليمة تساعدني ضروري

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • عفاكم لي عمرها طيبت فشي وليمة تساعدني ضروري

    السلام عليكم كيراكو دايرين لباس عليكم توحشتكم كلكم بزاف بزاف
    المهم انا غادي ندير واحد الوليمة وبغيت نجرب انا نطيب حيت انا عمري مطيبت فشي عرس او وليمة وبغيت ندشن هاد المرة او نجرب يديا فضاري
    عافاكم قولولي كي ندير نطيب اللحم باش يجيني بحال اللدة نتاع الوليمة حيت هادي وليمة لي غادي ندير يعني خروف كلو غادي نطيبو اما البرقوق انا كنعرف نطيبوا بغيت غي الطريقة نتاع اللحم والمقادير الله يجازيكم بخير
    ا

  • #2
    السلام فالحقيقة مافهمت واش باغيا الشوا ديال الخروف او باغيا اللحم المحمر جاوبيني وبالنسبة للشوى راه كيصاوبو مول الفران ولكن اللحم محمر الى بغيتي الوصفة قولي هالي راه كنعرف ليها
    ]


    لاتتخيل كل الناس ملائكة ,, فتنهار أحلامك ,,
    ولاتجعل ثقتك بهم عمياء,,لأنك ستبكي يوماً على سذاجتك
    ولتكن فيك طبيعة الماء ,, الذي يحطم الصخرة ,, بينما ينساب قطرةً قطره




























    .
















    تعليق


    • #3
      شوفي الزينة نتاعي انا بغيت طريقة الطياب نتاع اللحم مرقة بالبرقوق فالطنجرة كيما كيديروا فالولايم والعراسا كيحطو اللحم والبرقوق واللوز والبيض مستف ولكن البنة نتاع الطياب نتاع العرس ماشي هي اللدة نتا الدار انا بغيت ندير وليمة فالدار وبغين نطيب وتجي اللدة بحال لي كتكوم فالعراسات بغيت المقادير بالضبط
      ا

      تعليق


      • #4
        اختي العزيزة
        الطياب ديال اللحم بالبرقوق راه ساهل ماواعرش شوفي بالنسبة للمقادير راه غير انتي وعينيك ميزانك
        كيلو داللحم ديري ليه واحد نصف كيلو بصلة مشلضة رقيق والابزار والسكين جبير والخرقوم االبلدي شوية و الزعفران الحر وقليل من الجوزة والسمن والزيت شوية بزايد
        وتخلي اللحم حتى يتشرب المرقه ديال هاد الخلطة هادشي فوق نار هادئة من بعد زيدي شي كاس صغير من الماء وخليه يطيب ومرة مرة قلبيه حتي يطيب اه نسيت ليك الملح ديريه شوية ناقص باش يجي قد قد مع الحلاوة دالبرقوق
        البرقوق غسليه وديري له الماء مع قليل من سكين جبير وشوييية دالبزلر خليه حتى يطيب عاد اضيفي له السكر والقرفة وقليل من العسل وخليه قليلا فوق النار على ما يبانليك تعقد وحيديه وبهاد الطريقة يمكن ليك تعوضي البرقوق بالمشماش واللوز بالكركاع
        اللوز صلقيه وقليه فالزيت عنداك تدخلي له الطياب اما الكركاع دخليه للفرن حتى ينشاف وتحمر شوية فالتالي لصقيه بالعسل فوق كل مشماشة وزوقي بيه اللحم فالحطان والبرقوق ازيلي له النوات وعوضيها باللوز ومرري البرقوق من الجلجلان محمر من قبل
        وبالصحة والله معينك غير توكلي على الله
        كنتمنى نكون افدتك انا هده طريقتي باش تنطيب الى كنت عارضة على احبابي
        sigpic

        تعليق


        • #5
          الله يعطيك الستر ويجازيك بالخير اختي ام الكتامين لهلا يخاطيك او براك الله فيك والله يعطيك متمنيتي
          ا

          تعليق


          • #6
            1. أختي لكريمة لابغيتي طياب إجي بحال ديال لأعراس هاكفاش طيبيه ويحمر ليك لوجه ـ مثلا 3 ك ديال للحم ملح إبزار نصف م ك سمن ـ شوية لملون ـ م زعفان لحر نصف كأس زيت عادي ونصف كأس زيت بلدي م ك راس لحانوت 2 ك بصلة ملشظة رقيقة مزيان ـ نصف م ك سكينجبير ـ طريقة خلطي كولشي ورقدي فيه للحم نصف ساعة ورديه يطيب ملي يتقلاَّ مزيان عاد زيدي لبصل وخليه طيب علي لفحم مع لقاس ديال لماء ونوبَ نوبَ قلبي لحم حتي يطيب وتوقف لمرقى تبقى غير دمعى ـ أما بنسب لبرقوق سلقيه وزولي ليه لعصفة وعمريه بللوز محمر وطحون وعسليه ـ أردي علي لخبار ـ شي دعوة في هاد شهور لمباركة

            تعليق


            • #7
              السام عليكم ورحمة الله وبركاته اختي ديري القدر اللي يخصك ديال اللحم ويكون اطراف متوسطة البصل مشلد رقيق على حسب كمية اللحم لكل كيلو لحم تقريبا بصلة كبيرة او2متوسطين ربيطة صغيرة فزبر ومعدنوس مقبطين ومغروس فيهم 2او 3 اعوادقرفة شوية بسيبيسة وقاعقلة شوية زعفران بلدي وشعرة مسخن ومحكوك بالكف ملح سكينجبير شوية سمن بلدي ماشي بزاف نعمل الكل في الطنجرة ندهن به اللحم مزيان ثم نعمل البصل ونشعل النار او نعمل الفحم طبعا يكون افضل ونتركه يتشحر مزيان ولما يشرب اللحم كل الماء ونكونو قلبناه جيدا تياخد اللون جيدا نضيف كاس ماء اواكثر حسب كمية اللحم نتركه يغلى جيدا ثم نضيف الزيت نعم الزيت حتى هذ الاثناء ادا كان الزيت البلدي حلو ومزيان نعمله دون الرومي اوالعكس نتركه ينضج مزيان والتزيين لك الاختيار كما سبق وذكرو الاخوات

              تعليق


              • #8
                المشاركة الأصلية بواسطة ملكةجمال المغرب مشاهدة المشاركة
                الله يعطيك الستر ويجازيك بالخير اختي ام الكتامين لهلا يخاطيك او براك الله فيك والله يعطيك متمنيتي
                شوفي اختي سمحيلي راه الطريقة الجديدة ديال المنتدى مبقيت كنعرف للجديد ولا القديم انا كنت تترقب ترسلي لي المهم المساء هاني معاكدابا راه عندي شيشغل برا
                ]


                لاتتخيل كل الناس ملائكة ,, فتنهار أحلامك ,,
                ولاتجعل ثقتك بهم عمياء,,لأنك ستبكي يوماً على سذاجتك
                ولتكن فيك طبيعة الماء ,, الذي يحطم الصخرة ,, بينما ينساب قطرةً قطره




























                .
















                تعليق


                • #9
                  بسم الله الرحمن الرحيم السلام عليكم ورحمة الله وبركاته
                  راكم اختي واعرين , يالله غتوحلي اش غا تختاري او مزال يزدوك ههههه, ولكن معرتيش علينا, الله عاونك على ضيوفك.

                  تعليق


                  • #10
                    امدرا الجميلة ديالنا فاينك وفاين وصلات العراضة
                    واش دازت ولا باقى
                    مالكي غطستي ودربتها بسكتا
                    هههههههههههه
                    الى باقى محتاجة لشي حاجة راحنا انا والاخوات فالخدمة
                    :s8719::s8719::s8719::s8719:
                    sigpic

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X