إعـــــــلان

تقليص
لا يوجد إعلان حتى الآن.

اش تحطوا مع اتاي واش تحطوا مع القهوة

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • اش تحطوا مع اتاي واش تحطوا مع القهوة

    ل


    سلام عليكم و رحمة الله
    مساكم الله بالخير اخواتي
    خطرت ببالي فكرة و قلت نشارككم بيها حتى نستافدو من بعض
    كيف عادتنا حنا المغاربة غالبا ملي تايدخل علينا شي ضيف تايكون اول ماتنقدمو الشاي او العصير ايلا كان الصيف ويلا طول الجلسة تانحيدو الشاء و نحطو القهوة و الحليب كاينة ولا مكايناش ههه؟
    و تاتكون عندنا فمعظم الاحيان بعض الوصفات المعتمدة اللي تانرافقوها مع الشاي و القهوة يعني تاتجي فشي شكل تحطيها هاد المرة و تعاوديها مرة اخرى ههه
    بغيت كل وحدة تقول لينا شنو الاطباق اللي تاتقدمها عادة مع الشاي يعني اللي هي معتامداها فاكيد كاينة شي حاجة مجربها اكثر من مرة و غير مكلفة و تاتصدق ومع القهوة و حليب كذلك
    ايلا كل وحدة قالت فقط الوصفات القارة نزيدو الوصفة ديالي على ديالك و نكونو جمعنا مجموعة من الوصفات اللي نوعو بيها
    نتمنى الموضوع يعجبكم ونغنوه وبهاكا الكل غا يستافد ويكون عندوا رصيد من الوصفات تنفعوا خصوصا الصيف قرب والضياف غا يبداو يجيو
    هو الله الواحد الاحد

  • #2
    شكرا اختي ام الهدى على طرحك لهاد الموضوع
    نتمنى من الاخوات نفيدو ونستافدو كلنا
    وكيفما قلتي الصيف هادا غاتكتر الزيارات -ومرحبا بالضياف- مايجي عندك غير لي كيبغيك ههههههههههه
    اختي مازال نرجع ان شاء الله ونحط ليكم وصفاتي


    تعليق


    • #3
      كيفما قلتي الكل يفيد ويستفيد وننتضر عودتك بالسلامة
      هو الله الواحد الاحد

      تعليق


      • #4
        اي اي اي 82 مشاهدة وحتى وحدة ماعطات شي افادة هي مكيجيكم ضياف سعداتكم
        هو الله الواحد الاحد

        تعليق


        • #5
          tandiro chi rrrifat olla hrrcha ochi tabssil halwa mchakal iwa m3ah zabda o l3assal

          تعليق


          • #6
            فكرة زوينة ، حتى انا كنوحل في هاد لعشيات ، نتمنى من الانيقات يفيدونا حيت الصيف هادا و اكيد غادي يجيونا الضياف

            تعليق


            • #7
              سلام أختي هذا موضوع مزيان وكايهم أي واحد فينا نقولكم على طريقة ديالي إلى جوني ضياف على غفلة
              أنا دايما إلى طيبت لغدا ولا بدا نوجد شي حاجة لكاسكرووت إوا إلى دخل لواحد كندر شي عصير من أي فاكهة عندي إما بليمون أولى لحليب ومن بعد نحط لحاجة لمجدا مع شي فاكيه نتسنا حتى نصلو لعصر عاد نوجد أتاي مع حلويات أسمن أعسل أملو هادو ماكايخطاونيش إوا نتسنا شوية حتى نجمعو مع بعضنا عاد نمشي نوجد قهوة مع بريوات معمرين أو بيتزات أو حاجة كاينة عندي معمرة حيت خاص ديما تكون حاجة موجودة على تساع هدى هي طريقة ديالي :s11873:

              تعليق


              • #8
                المهم نبدا انا مثلا مع الشاي تنقدم حلويات ديال الدار ايلا كانت او طارت او كيك ممكن les choux تانعمروهم بالكريم باتسيير ويلا كانت شي فواكه جافة بحال اللوز و الكركاع الخ
                ومع القهوة الخبز مع مسمن او حرشة تاندير حرشة ديال رشيدة امهاوش زوينة بزاف و تاتصدق و مرات الحرشة ديال تيفال او كرص او مخيمرات معمرين باللي متوفر جربت 2 انواع ديال رشيدة امهاوش صدقو غزالين و تايحمرو الوجه او الكريب الا كانت راشقة ليا عليه او بيتزا صغيرة وهادي مكتخطانيش حيت كينفعوني للعشا الا مافيا مايدير شي حاجة
                المهم على حساب الموجود و ماكرهناش شي وصفات جديدة ههه
                هو الله الواحد الاحد

                تعليق


                • #9
                  و طبعا ايلا كنا غانحطو القهوة مع الشاي فوقت واحد راه نعملو شويا شويا من الحاجة
                  و اللي عجباتها شي وصفة عند شي عضوة ماعندهاش مقاديرها نتبادلو المقادير
                  ايوا في انتظار ردودكم وتفاعلكم ايلا عجبكم الموضوع داكشي اللي بغينا
                  اوهادي مجرد فكرة و اقتراح لمن يهمهم الامر
                  هو الله الواحد الاحد

                  تعليق


                  • #10
                    اي اي اي اي ازيد من 300مشاهدة وغا 4 ديال الردود هي الموضوع معجبكمش
                    هو الله الواحد الاحد

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    يعمل...
                    X