اش تحطوا مع اتاي واش تحطوا مع القهوة

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • #11
    تبارك الله على الحادكة المتولة أم الهدى ياك مهربتي علبنا بصح أجي رجعي لدارك مانقدرو نبقاو بلا بيك .... وبغبت نقوليك واحد الفكرة حنا في الشمال مشهورين يواحد كيكس دبال الماكينة كبجي غزال مع اتاى ومع القهوة ورجال ونسا كيموتو عليه حسن من الحلوة د اللوز دغبان متكهمك ولا بغبتى نزل المقادبر نزلهالك

    تعليق


    • #12
      زلافة الزنجلان منقي ومحمر زلافة البيض زلافة الزيت زلافة السكر1 الحامضة محكوكة 2فاني 1خمبؤة حمرة والطحبن على حسب وحشيها فى الماكينة غدي تحرج على شكل لقالب لي بغيتى مدوار او طولي وديها للفران بحمرا كتجي غززززالة

      تعليق


      • #13
        السلام عليكم .
        اختي ام الهدى كنشكرك على هاد الموضوع لي غادي نستفد منو ان شاء الله.
        اختي ام عصام الا كان ممكن تصوري لنا المراحل من فضلك.
        ومتقلقيش اختي ام الهدى رجعي عندنا لدار الاخرى.

        تعليق


        • #14
          ام عصام تبارك الله عليك وعلى الكيكس اوا نزلنا الطريقة وبالصور باش نفهمو اكثر
          ام الهدى تبارك الله عليك اوا ارجع لينا احنا يالاه ما بدينا نولفو الوصفات
          sigpic

          تعليق


          • #15
            السلام عليكم ورحمة الله وبركاته
            اتبارك الله على ام الهدى موضوع زوين ولكن متقلقيش خاصك ترجعي للدار الكبيرة راحنا ولفناك او ولفنا الشهوات ديالك
            ام عصام اوا حطي لنا ديك الحلوة بالصور باش نفهمو اكتر

            تعليق


            • #16
              موضوع زوييييين...بصح كلكم غادي تتفقو معايا اننا ما كانحيروش في آش غادي نحط مع القهوة او الشاي......لما يجي شي ضيف كنحطو قهوة اوشاي ونحطو معاها لي كاين موجود عندنا وحتى الى ما عندنا والو اليوم كلشي ولا يندار على برا ...جريةللباتسري وشري الحلوى والمسمن والحرشة والبريوات....المهم على حساب جيبك.......
              انا شخصيا كنوجد بيتزات صغار...وبريوات ومسمن وملوي ورزيزة وكانديرهم في الكونجيلاتور......كانكلو منهم حنا نيت بلا ضيف..بصح كي نكملوهم يجينا الضيف ونمشي للباتسري...هههه

              تعليق


              • #17
                شكرا اختي والله موضوع في محل نتعاون انشاء الله وانجبوا المقادير ونتبادلوا شكرا بزاااااااف اوكنسلم على جمييييييييع الاخوات

                تعليق


                • #18
                  شكرا اختي ام عصام على الكيكس نجربوا ونرد ليك الخبار ودابا بغيت نزل ليكم الكرص الي شرت ليه فالمقدمة كيجي كالبونج تبعوا معايا
                  بالنسبة لمقادير الكرص هي كالتالي تاندير بيضة, كاس الزيت ,كاس السكر (الكاس ديال العنبة),3 معالق كبار نيدو غبرة ,خميرة الزا ,ملعقة كبيرة خميرة معجونة مدوبة فكاس ديال الما دافي كبير يعني ماشي دالعنبة
                  نخلط هاد المقادير كلها غاتكون جارية و نزيد عليها 2 كيسان و نص طحين بنفس عبار الكاس دالما و نخليه يخمر ساعة , ثم نعملهم في الطاوة مدهونة , و مرات تاندير فيهم قطع الشكلاط صغيرة وسط كل برييوشة اوكنخليهم هاكاك ندهنهم بالبيض مع شويا دالخل و الحليب و ممكن نسكافي باش تعطي اللون


                  كيجو كالقطن وبنان كنسموهم حنا كرص نيدو
                  هو الله الواحد الاحد

                  تعليق


                  • #19
                    رغيفات مقليين ومطفيين فالعسل الد ما يكون قلت نحطهم حتى هما ينفعوا الا عندنا شي حد واليوم غا تكون سابقة لي غنحط الطريقة بالصور وخا الصور ماشي تطبيقي تطبيق صاحبة الوصفة الاصلية نبداو بالمقادير والطريقة ومن بعد ندابز معا الصور حتى نحطهم ليكم اوكي
                    المقادير
                    2 بيضات
                    كاس مزهر
                    كاس زبدة ديب
                    دقيق هي ومارفدات
                    شوية ملحة
                    ميزنا لي تسراح العجينة
                    التزيين
                    عسل
                    أي حاجة موجودة أنا ستعملت مكسرات مهارمشين
                    يمكلك تستعملي لوز مهارمش ولا زنجلان لمهم أي حاجة موجودة



                    الطريقة

                    كانخالطو بيض وماء الزهر وزبدة مدوبة أقبسة ملح ونزيد دقيق بشوية بشوية خصها تبقى لينة ماتكونش قصحا وندلكوها شوية باش تجمع مزيان ونقسموا الكواري على 4 نخدموا بوحدة ونخبوا 3 فالكونجلاتور لاستعمال اخر حيت غير 1 الكورة كتخرج بزاف لدلك درت غير نصف المقادير اول مرة
                    نطلقوا الكورة بالدلاك بعد ما نرشوا سطح العمل بالمايزينا ونرشوها مزيان بميزينا من الفوق ونلووها ونبداو نقطعواها بحال الشنبك ونوقفوهم ونكرصوهم كاملين عاد باش نقلوهم وهما كيتنفخوا وكيجو مورقين ومقرمشين ندهنوهم بالعسل ونرشوهم بالمكسرات او اللوز او جنجلان الي بغيتوا وعلى ضمانتي هادو راه عجبوا مول الدار الي مكيعجبوا عندي لعجب
                    ومن هنا نشكر صاحبة الوصفة والله يرزقها خير الدارايين اللهم امين
                    ها المراحل بالصور
















                    نتمنى نكون توفقت فوضع الصور ونتمنى حتا نتوما تفيدونا بالي كتعرفوا اي الوصفات الي كتعتامدوا الا جاوك الضياف





                    هو الله الواحد الاحد

                    تعليق


                    • #20
                      تبارك الله عليك اختي

                      يخلي ليك صحيحتك ومايعز على قلبك



                      شكرا بزاااف.. نيت ولدي احمد يمووت على المسمن وانا شيء مرات نعكز ليهم بلحق هادو ساهلين ومافيهم شيء تمارة
                      sigpic

                      ليكن حــرفكِ كالمـطـر ..أينما وقع نفع

                      تعليق

                      المتواجدون الآن 1. الأعضاء 0 والزوار 1.

                      أكبر تواجد بالمنتدى كان 2,525, 26-09-2016 الساعة 21:58.

                      شاركي الموضوع

                      تقليص

                      يعمل...
                      X