إعـــــــلان

تقليص
لا يوجد إعلان حتى الآن.

عتقوني خسر اللبن..

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • عتقوني خسر اللبن..

    الله يجازكم بالخير الانيقات ساعدوني،خسرتلي 5lداللبن احرام يترما!!بغيت شي وصفه درايب،وله اي حاجه يمكاها دار به،فيدوني الله يخليكوم

  • #2
    أختي كون كان الحليب تقدري تعملي رايب أو تصايبي بيه زبدة البلدية
    أما البن إلى خسر كيحماض ويولي مار

    تعليق


    • #3
      عندي ليك 2 وصفات
      1 الكليلة: غلي اللبن و خليه حتى يتكور اويكلل خليه شي 15 دقيقة فوق النار وصفيه وها الكليلة واجدة.
      ممكن تعمليها في المجمد ولا يبسيها وخليها في شي بواطة حتى تحتاجيها.
      2 الجبن : عبري اللبن لي عندك، مثلا 1ليتر عملي نصف لتر حليب حتى يغلى وزيده وهو غليان على اللبن لي تكوني زدتيه الملح او السكر او شي نسمة لي كتعجبك وخلي الخليط شي ساعة او اكثر و صفيه وها الجبن واجد.
      ما شاء الله

      تعليق


      • #4
        شكرا اختي.ولكن معرفتش شنو هي الكليله؟

        تعليق


        • #5
          أختي خليه فالثلاجة وبقاي تعجني به الخبز والله العظيم كيجي روعة ، والصورة أكبر دليل لأنها من تجربتي صدقيني




          sigpic

          تعليق


          • #6
            الله يعطيك الصحة اختي خبيز كيشهي،او كملي خيرك وقليلي كيكديري ليه؟حيت كيجيني لخبز ديما قاصح

            تعليق


            • #7
              هههههههه
              كنت عارفة غتسولي شكون هي الكليلة.
              حتى انا ما كنتش نعرفها حتى قالتها ليا عكوزتي . هي اللبن طايب ومصفي سواء لبن البقر او المعز او الناقة.
              كيعملوها مع الحريرة كتحمض وتعطيها بنة عجيبة. مفيدة بزاف في حالات الاسهال احسن دواء وعن تجربة. انا ديما محتفضة بشوية للإسهال كنعمل شوية روز وملح وماء وشوية كليلة و ملي يطيب الروز نسمو بالكامون وها الدواء واجد.
              هذه وصفة قديمة حيت شحال هادي ماكانوش التلاجات و اللبن داغيا كيخسر. لقاو هاد الحل باش يحتافضو بيه كيطيبوه ويصفيوه ويبسوه ويستعملوه لبزاف د الحاجات انا غير هادو لي وراتني عكوزتي الله يجازيها كل خير ولكن اكيد كاينين استعمالات اخرى.
              ممكن تفتحي موضوع جديد وتسولي ومع مزيد من التفاعل نزيدو نستافدو جميع .....
              ما شاء الله

              تعليق


              • #8
                شكرا اختي على المعلومة.اولهلا يخطيك.

                تعليق


                • #9
                  تبارك الله عليكم اختي خبزك مشهي تبارك الله عليك اعطينا الطريقة الله يرحم الوالدين
                  sigpic

                  تعليق


                  • #10
                    سمحيلي أختي تأخرت عليك كنت جد مشغولة ، والوصفة على عيني وراسي كيف ماكندير ممكن تدوبلي العبار:
                    رابعة دقيق سبيسيال(٢٥٠غ)
                    رابعة دقيق فورص(٢٥٠غ)
                    ٢م،ك زيت
                    ١م،ص سكر
                    ١م،ص ملح
                    ٢كيسان ديال اللبن (عبريهم بالكاس ديال العنبة) ويكونو عامرين مزيان
                    ١م،ك خميرة فورية
                    عجني الخبز بالطريقة الاعتيادية والزيت زيديه فالأخير، بلا دليك غير جمعيه وخليه يرتاح شي ربع ساعة ، قسمي العجينة كريصات صغار
                    وخليهم يخمرو مرة ثانية لمدة نصف ساعة ، سخني الفران على درجة حرارة متوسطة وفلحيهم برازوار طبعا جديد ودخليهم حتى يتحمرو
                    sigpic

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    يعمل...
                    X