إعـــــــلان

تقليص
لا يوجد إعلان حتى الآن.

لعندها طريقة تصبير الدرى وشكرا

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • لعندها طريقة تصبير الدرى وشكرا

    الله يخليكم لي عندها طريقة تصبير الدرى تعطيها ليا والله يعطيها مانوات
    راجلي جابليا لكبال بزاف وفكرت نستاغلو فعوض الدرى لمعلبة ولكن ماعرفتش الطريقة الصحيحة
    وشكرا


  • #2
    حبيبتي انا سبقلي استعملت الدرة معلبة بالكبالاالطرية ونجحات ليا

    المهم ان الدرة لازم تكون مازال طرية بش تطيب لانها كتاخد الوقت في الطياب

    بلا مانطول عليك هاهي الطريقة :

    زولي حبات الدرة من الكبالا اي فركيهم كلهم من بعد ماتمسحيهم بفوطة مبللة بالماء بش يزول منها كل الخيوط

    ثم غسلي الحبات وضعيهم في قراعي المربى فارغين بعد ما تغسليهم مزيان وتعقميهم في الماء المغلي

    عمري القراعي وصبي عليهم الماء لاكثر من النصفاالمهم ان الماء ميوصلش لحافة القرعة يبقى تقريبا ناقص ب 2 سنتيم

    اضيفي نصف معلقة ملح وسدي القرعة مزيان زيريهم لاتستعملي الاغطية البلاستيكية فهي لا تصلح لانها لا تحتفظ بالهواء داحل الزجاجة

    ونزليهم في كوكوت واضيفي الماء لحد نصف القراعي وسدي الكوكوت وتطيب ساعة من بعد ما تصفر

    مدة الطياب على حسب الدرة واش طرية او لا اذا كانت طرية تحتاج اقل من ساعة واذا كانت بدات كتقصاح كتحتاج اكثر من ساعة

    المهم عاينك ميزانك امل تكمل مدة الطهي خليها تبرد شويا في الكوكوت ثم نزليهم على فوطة وخليهم يبردوا ثم احتفضي بهم

    لوقت الحاجةماتفتحيها حتى تكوني غتستعمليها بش متخسرش يمكن لك تحتفضي بهم لمدة سنة تقريبا بلا متخسر متكنش في مكان فيه الحرارة

    ابالصحة والراحة كنتمنى نكون فيدتك تحياتي

    تعليق


    • #3

      أختي جمعي حبات الدرىَ وضعيهم في وعاء ثم أضفي الماء حسب كمية الدرى
      المتوفرى لديك وضعيهم فوق النار لمدة 5 دقائق ثم ضعي درىَ بلماء في علب
      زجاجية وضيفي ملعقة أو أكثر من عرق ليم حسب كمية درىَ ثم قليل من الملح
      وحكمي إغلاقهم جيدا من الهواء وضعيهم فوق طنجرة فيها الماء فوق النار لمدة
      10 دقائق حتى الغليان ثم نزيليهم من فوق النار وحركي العلب عدة مرات
      وضعيهم في مكان ونتيجة تبان بعد 20 يوم

      تعليق


      • #4
        شكرا اختي على هاد الطريقة درة هاد وقتها ولكن اختي واش القراعي ديال المربي ميتهرسوش بالحرارة ملي يطيبو فالكوكوت
        سبحان الله وبحمده عدد ماكان وعدد مايكون وعدد الحركة والسكون

        تعليق


        • #5
          شكرا اخواتي على الطريقة الله يجازيكم كل خير انجربهم انشاء الله بجوج الله يسهل امركم

          تعليق


          • #6
            لا اختي ام حاتم وعفاف

            انا مجرباهم مكيتهرسوش غير متنزليهمش وهما سخان على مكان بارد

            تعليق


            • #7
              اختي خدي الذرة دريها فالقريعات ديال الزاج معقمين ضفي الملح و الماء او سدي كوكوط الى كانت فتية حسيبلها 10 دقائق و الى كانت عاقدة 15 دقيقة و متفحيش كوكوط خليها حتى تبرد عاد حيدي القراعي منها
              بسم الله الرحمن الرحيم


              لا تنسى ذكر الله ;)
              :s11556:

              تعليق


              • #8
                الله يجازيكم كل خير راني درتها والكمال على ربي غير وكان شي قرعات اتحلو ليا فالكوكوط واش خاصني نعاود نطيبهم اولا
                وشكرا الله يسر امركم ويفرحكم كيف مابخلتوش عليا بالرد

                تعليق


                • #9
                  بقات ليا الدرة قاسحة من بعد الطياب

                  تعليق


                  • #10
                    السلام عليكم
                    تتسلقي الدرة كبال نصف سلقة وتكرطيها بالموس تاخدي غير الحبيبات وتعمليهم في قراعي معقمين +م ملح لكل قرعة +الماء لتسلقات فيه وتشديهم مزيان وتعمليهم في كوكوط ومنين ادور الصفارة حسبي 20د واطفي وخليها حتى تبرد عاد فتحيها باش ميطرطقوشي القراعي وقلبيهم على فمهم 12ساعة ومن بعد خزنيهم 60يوم تكون جاهزة اوخليهم للسنة كاملة

                    منقول
                    صاحبة الفكرة ريم 2012

                    تعليق


                    • #11
                      شكرا براك الله فيك وفمولات البفكرة الله يجازيكم بالخير

                      تعليق

                      يعمل...
                      X