إعـــــــلان

تقليص
لا يوجد إعلان حتى الآن.

مساعدة الله يخليكم

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • مساعدة الله يخليكم

    انا عضوة جديدة في المنتدى محتاجة مساعدتكم
    بغيت طريقة عمل السفة ديال الشعرية انا حاولت نديرها
    كتلصق لي

  • #2

    غاليتي غالية
    صباح الخير عليك

    شوفي حبيبتي غادي نوريك واحد الطريقة لي علمتها ليا امي الله يطول لي فعمرها
    راني باقي كنستعملها الى الان

    شوفي حبيبتي خودي شوية داللحم القياس لي بغيتي وقطعيه صغير واضيفي له الابزار
    سكين جبير
    قرفة اعواد
    قليل من السمن
    ملون اصطناعي
    ملح قليل حيث باقي غنضيفو ليه العسل او السكر
    بصلة او زوج مشلضين رقيق
    وشي كاس الى كاسين من الماء
    اه والزيت
    نخليو هاد المقادير كتطيب ونمرو للشعرية

    كنشدو الشعرية كندهنوها بالزيت او الزبدة حسب لي متوفر عندك
    وكنعملوها تفور الفورة الاولى
    كنعاود ناخدوها وكنحلوها شوية بالماء مملح ونعاودو ندهنوها من جديد ونردوها تفور
    كنعاودو العملية للمرة الثالتة
    وفي الرابعة كنصبو عليها الماء لي كيغلي تحتها اي الماء لي فالطنجرة وسخون
    كنصبوه عليها ونعاودو نصفيوها ونعاودو نصبوه عليها 2مرات عاد مني تصفى مزيان كندهنو لاخر مرة وكنردوها تفور
    مني تفور كنشدو اللحيمات لي طيبناهم من بعد منكونو زدنا عليهم العسل او السكر باش يحلاو كنديرو تفريشة اولى بالشعرية وكنصبو خليط اللحيمات بمرقته وكتكون عاقدة ثم كنغطيو من جديد بالشعرية وكنزوقو حسب الموجود اما فقط بالقرفة والسكر كلاصي او نزيدو اللوز
    يمكن ليك تزيدي الزبيب فاخر فورة مع الشعرية الى بغيتي
    وبالصحة حبيبتي
    الى حتاجتي شي حاجة اخرى انا رهن الاشارة

    ملاحضة كل مرة خليها تفور مزيان عندك تزربي عليها
    sigpic

    تعليق


    • #3
      السفة ديال اشعرية بطريقة سهلة جدا

      بسم الله الرحمن الرحيم

      السلام عليكم ورحمة الله وبركاته

      اليوم موعدي معكم باش نحضر ليكم السفة ديال الشعرية.
      المقادير
      نديرو نصف كيلو ديال الشعرية ديال السفة المزيانة
      ندهنوها بالزيت ثم نوضعو 2 لتر من ماء في البرمة
      ونردوها تفور فوق منو.
      من بعد غادي نخوي الشعرية في البرمة بعدما طفينا
      على النار ونحسبوا 1 دقيقة... ثم نرجعوها للكسكاس
      باش تصفا من الماء ونديروها في القصرية او الكصعة
      ونرشوها بشوية ديال الماء والملح.. ونغطسو طريفات ديال الزبدة
      وصطها... ثم نديرو ماء جديد في البرمة بعدما يغلى نوضعو الزبيب
      لي غسلنا مزيان ثم نوضعو فوق منو الشعرية ونغطيوهو ونخلو كل شيء
      افور ويطغطا بالميكا البيضاء.
      وهاهي السفة واجدة ومكمولة وبالصحة والراحة.






      تعليق


      • #4
        السفة الحلوة بالصور


        المقادير
        شعرية رقيقة جدا خاصة بالسفة
        زبيب بدون عظم
        زبدة
        لوز مسلوق ومقشر ومقلي في الزيت ومجروش
        قرفة للتزيين
        سكر كلاصي
        ملح
        ملاعق كبار زيت المائدة 4
        طريقة التحضير

        في اناء كبير، ضعي الشعرية الرقيقة، واذهنيها ب2 ملاعق كبار زيت.
        خذي قدر الكسكس، واملئيه الى النصف بالماء، ثم ضعيه فوق نار معتدلة.
        عندما يغلى، خذي الكسكاس وضعي فيه الشعرية الرقيقة المذهونة بالزيت، واتركيها تتبخر لمدة 20 دقيقة.
        في كصرونة كبيرة، ضعي 2 ليتر من الماء تغلى.
        صبيها فوق الشعرية عندما تتبخر ثم اتركيها تتقطر جيدا.
        في اناء كبير، ضعي الشعرية عندما تتقطر جيدا من الماء، وحاولي أن تذهنيها ب 2 ملاعق كبار زيت.
        عندما تبرد ضعيها في الكسكاس واتركيها تتبخر لمدة 20 دقيقة.








        تعليق


        • #5
          شكرا البنات انا هاد السفة لي كندور عليها هي ديال اللوز و الزبيب
          و لكن راني مفهمتش الطريقة

          تعليق


          • #6
            اختي انا غادا نعطيك طريقة مضمونة 100 ف 100
            اتاخدي الشعرية اتكون ارقيقة دهنيها بالزيت وديريها اتفور تقريبا 20 دقيقة من بعد ديريها في القصرية وبرديها بالما نفس طريقة عمل الكسكس ورديها اتفور وكرري العملية احتي طيب وماتنسايش اديري الملح
            وفي المرة الاخيرة ديري الزبيب ايفور امعاها
            وماللي اتطيب حاليها بالزبدة وزينيها باللوز مقلي ومطحون والسكر كلاصي والقرفة
            واي استفسار انا رهن الاشارة








            تعليق


            • #7
              حبيبة دخلي شوفي الصفحة الخاصة بالاخت امينة سامي راها حاطة السفة بطريقة زوينة بزاف حتى هي
              و السفة لي حاطة الاخت romysati الله يجازيها بكل خير تا هي باللوز و باينة عليها لديدة ماشاء الله
              ينقل الى قسمه
              [/QUOTE]

              تعليق

              المتواجدون الآن 1. الأعضاء 0 والزوار 1.

              أكبر تواجد بالمنتدى كان 2,525, 26-09-2016 الساعة 21:58.

              يعمل...
              X