ار

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • ار

    السلام عليكم ارجو المساعدة كيف يصنع الرايب ولكم جزيل الشكر

  • #2
    الرايب ديال لباتسري وبالنكهات والالوان مرحبا


    ثبت من طرف om nawaf
    27 . 03 .2009
    السلام عليكم
    بسم الله
    اوا الحال بدا كيسخن
    جبتلكم الرايب كلشي كيعرف يديرو
    ديال الباتسري لان اخي كيصاوبو بنفس الطريقة واليوم باضافة بسيطة بالنكهة النعناع واللون اخضر و نكهة الفريز واللون الاحمر
    راه كيجي زوين و سهل التحضير

    المقادير
    1 لتر حليب
    ساشي فاني
    كاس سسنيدة
    دانون فاني

    الطريقة
    فمولنكس كتضربي نصف لتر حليب مع السكر و فاني و دانون مزيان


    االنصف لتر الي بقى كتغليه حتى يفيض و تضيفيه للخليط الاول مهع الخلك فمولنكس دائما

    كتاخدي الكؤوس و تصبي فيهم السيرو الملون بالنكهة الي حبيتي انا درت فريز و نعناع


    كتصبي معيلقة صغيرة فقط فقعر الكاس تم تصبي الخليط ديال الحليب فيهم


    تغليشوية الماء حتى يطلق السبولة ف كوكوط كبيرة و توضعي فيه الكؤوس

    و تسدي عليها بالصفارة مزيان و غطيها بشي لحاف تقيل حتى لصباح و شوفي الرايب كي كيجي غزال


    خليه يبرد فالتلاجة ويالصحة والراحة ليك ولوليداتك











    تعليق


    • #3
      داناب او الرايب من ايدي



      اليوم اخواتي الانيقات غانقدم ليكم داناب اللي صاوبت البارح

      سمحوليا ماصورتش المراحل حيت ساهلة ولكن الى بغيتوهوم المرة الجاية نصور ليكم المراحل

      المقادير
      لتر حليب
      1 دانون فاني
      1 خميرة الفاني
      سنيدة حسب الذوق


      الطريقة
      تاناخدو نصف لتر حليب ونطحنوه في مولينكس مع دانون والفاني وسنيدة
      ونصف لاخر كانديرو يغلى وما نخليهش يفيض ومن بعد تانخلطو الحليب مع الخليط دمولينكس ونصبو كلشي فقرعة
      بلاستيك وما نعمروهاش بزاف ومن بعد نسدوها ونشدو اناء غارق نديرو فيه ما سخون شوية ماشي بزاف ونحطو فيه القرعة ونغطيه بشي بلاستيكة وفي الصباح تلقايه واجد حركيه مزيان وديريه في الثلاجة وملي يبرد قدميه بالصحة والراحة
      ولا يمكن ليك بلا ما ديريه فقرعة كاتحطيه فكيسان وتغطيهم بورق المنيوم وديريهم في كوكوت تكون مسدودة مزيان ومحطوطة فبلاصة دافية وانا كانغطيها بلمانطا
      لايدربها البرد فالليل ههههه


      داك اللي كايكون فلكيسان تايجي بحال الرايب دالمحلبة
      هادي هي الطريقة باش كانصايبو وقبيلة ملي بغيت ناكلو درت معاه الخوخ

      نخليكم مع الصور









      نتمنى يعجبكم وما تنساوش دعيو معايا نجح بشي نقطة مفرحة
      في امان الله





      تعليق


      • #4
        الرايب التقليدي من مطبخي

        ثبت في 9/3/2010....ام رزان

        السلام عليكم و رحمة الله تعالى و بركاته البارح صايبت الرايب التقليدي و جا زوين نخليكم مع المقادير و الصور


        1/2 حليب ديال العبار
        السكر حسب الذوق
        3 معالق ماء الزهر
        الحك و كاين الي تيكولو تفل القوق 2 معالق كبار راه كوجود عند العطارة و الطريقة هاهي

        تناخدو الحك و تنغسلوه و نديروه يتصفى




        و من بعد تنديروه في المهراز مع ماء زهر و ندقوه مزيان و نصفيه و نعصر الحك مزيان




        الحليب يكون دافئ ماشي سخون مع سنيدة



        كنفرغو داك الماء على الحليب و نديروه في زلايف و نخليه غير في المطبخ دغيا تيقبط و عاد ندخلوهم للثلاجة و بالصحة و العافية تيجي غزال و خفيف بالصحة و العافية






        تعليق


        • #5
          الرايب من كوزينتي

          السلام عليكم
          المقادير.:
          1لتر حليب
          واحد دا نون
          6معالق سنيد ة
          الطريقة:
          ناخد نصف لتر الحليب نضعه فوق النار حتى الغليان مع 6 معالق السنيدة
          ونصف لتر الاخر يكون بارد نضع معه دانون ونحركه مزيان حتى يمتزج جيدا مع الحليب
          وفي الاخير نخلط الحليب الاول مع الثاني ونضعه في كيسان ونكونو وجدنا الكوكوت فيها الماء ساخن ونوضعو الكيسان وسطها ونسدو عليها ونديرو الصفارة ونغطيوها بشي مانطة صغيرة في مكان منحركوش الكوكوط شي 12ساعة ومن بعد نديره يبرد وبالصحة والراحة.




          تعليق

          المتواجدون الآن 1. الأعضاء 0 والزوار 1.

          أكبر تواجد بالمنتدى كان 2,525, 26-09-2016 الساعة 21:58.

          شاركي الموضوع

          تقليص

          يعمل...
          X