مساعدة لو سمحتم

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • مساعدة لو سمحتم

    اريد مقادير البيني الي تايعملوه في محلات المغربية لو سمحتم

  • #2
    خدي اختي هاد المقاديرجربتها و جاو زونين بزاف:

    4 بيضات
    كاس سنيدة
    كاس زيت
    كاس حليب
    كاس عصير برتقال
    خميرة الحلوى
    شوية د خميرة الخبز
    كاس ماء دافيء مذوبة فيه الخميرة
    طحين حسب الخليط

    للتزيين:
    شكلاط أسود مذوب او مربى او عسل مسخن
    لوز او كاوكاو مهرمش او كوك

    الطريقة :

    في البداية اشير الى ان العبار بكاس د العينبة.
    نخلطو جميع العناصر ونبقاو نزيدو الدقيق شوية بشوية حتى تجمع العجين ، ندلكوها ثم نقسموها على اربعة د الكورصات نعملوهم من بعد ف بلاستيكة . نخليوهم يرتاحو شوية باش يجيونا ساهلين ف الطليق ثم نرشو الطابلة بشوية د الدقيق ونطلقو العجينة ونقطعو بقطاعة مدورة كبيرة او زلافة ونقطعو الوسط بغلاقة د البوديزة كبيرة د الزيت باش يجينا البينيي مثقوب من الوسط ونعملوه فوق منديل و نغطيوه يخمر .
    نسخنو الزيت مزيان ونجربو بكويرة من الكويرات الصغار ديال الوسط ، ايلا طلعت لفوق نعرفو ان الزيت سخن ، ننقصو من العافية ونقليو البينيي ، نبداو بقلي البينيي الكبير ومن بعد نقليو الكويرات اللي زولنا من الوسط مجموعين . يصفى البينيي من الزيت ثم يزين حسب الرغبة . اما نغطسوه ف الشكلاط مذوب و نزينوه باللوز مقلي ومهرمش او نعملو ه ف المربى و يزين بالكوك . او نعملوه ف العسل ويزين بكاوكاو مهرمش كيجي مزيون وخاوي من داخل. ممكن ايضا نفتحوه ونعمروه باي كريما بحال كريم باتيسيير و كريم شونتيي وغيرهم .

    شهية طيبة .

    تعليق


    • #3
      شكرا اختي على المقادير احاول اجربها تسلمي حبيبتي الله يخليك

      تعليق


      • #4
        نتمنى من الاخوات يساعدوك اختي
        ينقل الى قسمه
        [/QUOTE]

        تعليق


        • #5
          بحال ديال المخبزات
          ولي كلاه كيسول على المقادير

          قلت نحطو باش تستافدو معايا وان شاء تجربوه راه كيصدق 100%



          المقادير:
          ـ 700 غرام دقيق
          ـ 2 ملع كبيرة زبدة
          ـ كاس دافئ حليب
          ـ كأس ماء دافئ
          ـ نصف كأس سنيدة
          ـ ملع كبيرة خميرة معجونة
          ـ 100 غرام زبدة للتوراق


          الطريقة
          نجمع المقادير ونخلي العجين يكون مطلوق نقسمو على 2


          نبداو فتوراق العجين انا عملتها غي 2 مرات

          ناخد ال 100 غ زبدة ونحكها فالحكاكة بحال هكذا


          نطلق الكورة الاولى كيما فالصورة




          ونرش الزبدة ونطويها على شكل مسمنة



          ندخلا للثلاجة 15 دقيقة ونخرجها ونضيف نصف الزبدة لي بقات
          نردها للثلاجة 15 د ومن بعد نخرجها


          نوجد لاكريم باتسير:

          نحتاج : 3 ملع كبيرة سنيدة + 2 ملع مايزينا + 2 ڤاني نخلطهوم فزلافة كيما فالصورة



          نشد 1/4 حليب

          ندير فيه اصفر بيضة




          نحرك ونعملو يدفا فوق البوطة من بعد نضيف الخليط نحرك

          بملعقة خشب حتى ثقال لاكريم

          هاهو واجد



          مين نخرج العجين المرة الاخيرة نطلقها بالدلاك نوضع لاكريم نسرحها ب سپاتول

          نرش الزبيب



          نلفها


          نقطعها بحال هكذا


          نستفها فصنية الفرن ونغطيها ونخليها تخمر مدة 2 ساعات ومع دبا البرد الا مخمراتش ممكن اكثر
          مين تخمر نوجد الخليط باش ندهنا
          نحتاجو 1 ملع كبيرة حليب + اصفر بيضة + قبصة ڤاني



          ندهنا بالخليط وندخلها الفرن


          نشد الناپاج


          3 ملع كبيرة
          نسخنو في كسرول
          مين نخرجها ندهنها بيه
          وهاهي واجدة

          بالصحة والراحة



          اللهم ادمها نعمة واحفظها من الزوال





          تعليق


          • #6
            السلام عليكم

            اليوم جبت ليكم طريقة البيني نتمنى يعجبكم تيجي لذيذ وفي المتناول
            رابعة الفورص بيضة سنيدة على حساب نصف خمارة الحلوى خميرة الدار شوية وملعقة الزبدة وشوية الملح





















            تعليق


            • #7
              البيني بالصور من مطبخي

              السلام عليكم اخواتي اليوم جبت ليكم البيني بالتفصيل الممل من مطبخي نتمنى يعجبكم وتجربوه راه كيجي لديد وغزال

              المقادير
              3زلايف دقيق فورص - معلقة كبيرة خميرة الخبز
              شوية الملح - نصف كاس مخلط مابين زيت وزبدة
              كاس حليب - كاس ماء دافئ- بيضة - فاني - شوية خرقوم (ملون غدائي)
              زيت للقلي





              للتزين سكر سنيدة - كونفتير .

              الطريقة

              ندوب الخميرة في شوية الماء
              نضع الدقيق في وعاء نضيف له الملح+ الزيت والزبدة +الحليب + الفاني + البيضة +الخرقوم(راس المعلقة) نخلط جيدا


              ثم نبداو نزيدو الماء شوية بشوية حتى تجمع العجينة خاصها تكون لينة

              ثم كندلكوها مزيان باليد
              من بعد كنديروها تخمر في مكان دافئ لمدة ساعة تقريبا او حتى كيضاعف الحجم



              من بعد ما تخمر كنعملو منها كويرات
              كنرشو بالدقيق ونطلقوهم بالمدلك

              ثم كنقطعوهم دوائر (بالقطاعة او زلافة )

              كنردوهم يخمرو واحد ربع ساعة تقريبا
              ثم كنبداو نقليوهم في زيت ساخن


              كنقلبوه على الجهتين حتى يتحمر


              كنحلوه نعمروه بالكونفتير ومرمدوه في سنيدة


              او كنقدموه بالصحة والراحة





              تعليق

              المتواجدون الآن 1. الأعضاء 0 والزوار 1.

              أكبر تواجد بالمنتدى كان 2,525, 26-09-2016 الساعة 21:58.

              شاركي الموضوع

              تقليص

              يعمل...
              X