طلب مساعدة لحرشة

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • طلب مساعدة لحرشة

    بخيت نظلب منكم مقادير لحرشة تاع المقلة تقيلة تاع الفران
    وتكون بالتفصيل الممل






    اللهم إجعل والدي ممن تقول له النار اعبر فان نورك أطفأ ناري






  • #2
    نصف كيلو سميدة رقيقة تلاتة دراهم زبدة شوية الزيت شوية الملح شوية السنيدة خمارة الحلوة واحد فاني الماء الكافي باش تجمع
    الطريقة
    ناخد السميدة نزيد عليها الزبدة من غير دوبان الى كان عندك اكثر زيديها وزيدي الزيت وخلطيهم مزيان حتى ولي بحال كسكسو عاد زيدي خمارة وفاني والملح والسنيدة خلطيهم وفي الاخير الماء وتكون مرخوفة ومن بعد خودي منها كويرات صغار وفنديهم في السميدة وطيبيهم في المقلة الثقيلة صديقني كتجي زوينة ورطبة كنتمى باش تجربيها وترد علي الخبار والله لن تندمي

    تعليق


    • #3





      المقادير




      زلافة سميدة حرشة شوية ماشي بحال ديال البغرير
      2 معالق سنيدة
      2 معالق نيدو
      معلقةصغيرة ملح
      خميرة ألزا
      نص كاس زيت
      الما اللي غادي يجمع السميدة حتىتصبح كورة

      الطريقة بالصور بالتفصيل








      تعليق


      • #4
        تبث في 31/03/2010
        bent bladi


        السلام عليكم أنيقات المغرب

        صباحكن / مساؤكن معطر


        المقادير

        450 جرام سميدة رقيقة
        1 دانون فاني أو بدون نكهات
        مسوس أو حلو ، ماشي مشكل
        1 خمارة ألزا
        كاس صغير ديال الزيت
        1/4 لتر ديال الما
        شوية ديال الملحة






        أول شي كيف العادة كنديرو الخمارة و الملحة و الزيت على السميدة ونفركوها بأطراف الأصابع حتى تولي كلها مزيتة ، و تتخلط مزيان ، كنطلقو دانون فالما لي عندنا باش ما يكورش لينا السميدة يلا درناه عليها مباشرة ، ثم كنكبو الخليط و نخلطو برؤوس الأصابع بلا دليك بلا مجهود
        ، كنلاحظوا أنها جارية شوية ، ولكن معليش ، السميدة معروفة كتشرب دغيا





        فهاد الأثناء كتكون المقلة كتسخن على النار ، كناخدو معلقة ديال الزيت و ندهنوا بيها المقلة من بعد ما سخنت ، من القاع و الجوانب ،
        عنداكو تحرقوا إيديكم ، دهنوا بالشيتة طبعا




        ثم كنرشو فيها شوية ديال السميدة ، كتلاحظوا أنها كتبان كتغلي فالزيت حيت سخونة المقلة



        كنكبوا الخليط ديالنا كيف ما هو و كنمشيوه بإيدينا بسرعة بعد ما نفزكوهم بشوية ديال الما ، حتى تولي الحرشة مبسطة فالمقلة كلها




        كناخدو شوية ديال السميدة ونرشوها على الوجه عاوتاني و نقرصوها باش تشد فالعجينة مع مراعاة تنسيق شكلها ، و كنخليوها تطيب على عافية متوسطة ، ومن بعد كنقلبوها تطيب على الجهة الأخرى و تقدم ساخنة




        **********


        هذي الحرشة الثانية ، نفس الطريقة و المقادير ولكن درت الزبدة مذوبة عوض الزيت ، وجات غزالة وبنينة و هشيشة أحسن من الأولى







        تعليق


        • #5
          حرشة ولا أروع من مطبخي


          المقادير:
          كأس زيت + كأس سنيدة + قبصة ملحة + شوية خميرة العجينة + 2 خمارات حمرين + 500 غ سميدة رقيقة + نصف لتر حليب دافئ + 4 معالق كبار زبدة طرية




          كنخلطو العناصر كلها معادا الحليب حتى نرمل السميدة أو من بعد نزيدو الحليب الدافئ





          ندهنو المقلاة التقيلة بالزبدة أو ندردرو شوية دسميدة عليه نصبو الخليط لي حصلنا عليه أو ندخلوه للفران سخون طيب





          هاهو شكل الحرشة النهائي بالصحة والراحة






          الموضوع مجهودي الخاص ولا أحلل لأين كان نقله دون أخد موافقتي


          تعليق


          • #6


            لمقادير


            3 كوب كوك

            كوب سكر

            كوب طحين

            6 بيضات

            ملعقة فانيلا

            ملعقة كبيرة خمارة الحلوى

            كوب وربع حليب سائل

            العسل او سيرو

            الطريقة

            نضع كل المقادير ما العسل او سيرو ونحركها جيدا باليد







            ندهن صينية متوسطة الحجم بالزيت ونضع الخليط








            والآن نتركها 4 ساعات على الأقل واذا الجو حار ممكن 3ساعات



            نضعها بالفرن على نار متوسطة حتى تتحمر الأطراف


            وهذاشكلها بعدما خرجت من الفرن ووضعنا القطر قبل التقطيع


            ولا ننسى رش الكوك على الوجه









            صحتين وعافية





            تعليق

            المتواجدون الآن 1. الأعضاء 0 والزوار 1.

            أكبر تواجد بالمنتدى كان 2,525, 26-09-2016 الساعة 21:58.

            شاركي الموضوع

            تقليص

            يعمل...
            X