إعـــــــلان

تقليص
لا يوجد إعلان حتى الآن.

مكايجينيش دجاج محمر مز

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • مكايجينيش دجاج محمر مز

    :s1737:لله يجازيكم بخير مكايجينيش دجاج محمر مزيان أنا كانبغيه بحال ديال لعراسات ، لعندها شي وصفة زوينة ومجربة تكتبها لينا

  • #2
    من ناحية اش ما تيعجبكش واش البنة و لا ما تيتحمرش ليك مزيان و لا من ناحية تيتفرتت وضحي اكتر




    " اللهم بلغنا وسلمناإلى رمضان وسلم لنا رمضان وتسلمه منا متقبلا "

    تعليق


    • #3
      أختي الكريمة كلنا مرينا بنفس المشكل وبشوية بشوية بدينا كنتعلمو ههههههه
      شوفي أختي هذ الطريقة وتبعي معيا ـ بسم الله ـ

      المقادر
      دجاجة من وزن 2 كيلو أختي قبل كل شيء دجاج خاصو يكون مغسول
      مزيان بلمح والحامض ويكون ناشف مزيان ـ نكملوـ
      قلنا دجاجة ذقي شوية القزبر والمعدنوس ولمح وثوم في المهراز
      وشوية زعفران إبزار سكنجبير شوية لبابة ديال الحامض شوية من
      السمن أبداي كتطلي دجاجة مزان وعمليها كتقلى




      وضيفي لشرمولى لبقات
      وأضفي كأس من الماء وخليه يطيب على نار مهيلة

      ونتي كتقلبي مرة مرة




      ملي يطيب دجاج وتختر المرقة رمي زيتون والحامض 5 دقائق ونزلي


      أنزليه أختي فشي طبيسيل هههه مزوق بالحامض وزيتون


      بصحة والراحة

      تعليق


      • #4
        اختي بعد متغسلي الدجاج مزيان بالملح والحامض رقديه في بانيو فيه الماء+قليل طحين فورص+ملح+سكين اجبير +بصلة مقطعة غليظة+حامضة مقطعة الماء يكون مغطي الدجاج ويبقى لمدة 4ساعات ويغسل جيدا وينشف ويشرمل بربيع مقطع مدقوق مع التوم وقليل ملح + ابزار + سكينجبير + خرقوم بلدي + خرقوم + لب مصير قليلا مشي بزاف + مروزيه دجاج + سمن +كنور دجاج محكوك تشرملي بيه الدجاج جيدا من الداخل والخارج وكتفيه وخليه وحد 2 ساعات وديريه فطنجره وضيفي عليه مباشره الماء حتى نصف وديريه فوق نار قويه وملي تبدا تغلى الطاجره زيدي عليه مقدار كأس زيت روميه وبلديه + واحد البصله مشلده ومتقويش البصله حيت هيه الي كتخصر المداق ديال الدجاج وانقصي عليه العافية وغطي طنجرة غال نصف ديا لها ومر مر تكيه بقطيب وحركيه باستمرار ورا كيخد الوقت ما بين ساعة حتى ساعة ونصف ديال تطياب حسب وزن الدجاج وملي يطيب زوليه وخليه حتى يبرد مزيان وعاد قليه في شمقلة غارقة او طنجرة يكون الزيت عايم عليه او لا دهنيه بشوي ديال سمن مخلط مع شوي ديال زعفران حر محكوك + كنور محكوك + قليل موطارد ودخليه الفران يتحمر وميكونش فران مجهد وبالنسبة للطنجرة المرقة لبقة في الطنجرة كنزيدو عليها الكبادي والكناصي ديال الدجاج مسلوقين ومقطعين ونخليو المرقة حتى تتركز وتوقف في يدامها ونقدموه مزين بالزيتون وقشور الحامض المصير مطبوخين في قليل من مرق الدجاج على جنب. نسيب مقوتلكش ملي تبدى تغلى الطنجرة زيدي فيها قرفة عواد + ورقة سيدنا موسى+ قليل من زعفران حر محكوك وبالصحة والراحة

        تعليق


        • #5
          أختي أنا كثر منك، و دخلت غير نستافد، شكرا للأنيقات







          تعليق


          • #6
            شكرا أخواتي لله يعطيكم صحة

            شكرا أخواتي لله يعطيكم صحة ، أنا ليوم انشالله نفرح به زوجي أولادي :s5364:

            تعليق


            • #7
              السلام عليك اختي راه الاخوات تبارك الله قامو بلازم الله يخليهم و لكن انا بغيت نضيف سر ماما

              الحبيبة في تحمار الدجاج و هو من بعد ما تعطريه و ترقديه خودي ملون اصطناعي اي خرقوم

              بكتات و دهني بيه الدجاج كامل و غيجيك محمر واعر و ما تنسينيش بي شي دعوة في ضهر الغيب





              تعليق


              • #8
                سمحيليا اخبيبا راه خرقوم مسمووووووووووووم ديال الكاغيط، استعملي غي خرقوم بلدي والزعفران الحر وبالصحة والراحة

                تعليق

                المتواجدون الآن 1. الأعضاء 0 والزوار 1.

                أكبر تواجد بالمنتدى كان 2,525, 26-09-2016 الساعة 21:58.

                يعمل...
                X