سؤال بخصوص ماطيشا

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • سؤال بخصوص ماطيشا

    السلام عليكم.كنحك ماطيشا وكنكونجيليها ومكتصدقش لحقاش كنكون فيها ماء بزاف وبفيت عفاكم شي طريقة مجربة وجزاكن الله خيرا

  • #2
    مساء الخير
    راه واخا كيكون فيها الماء راها مزيانة
    انا كنطحنها بكولشي ليها وكنصفيها وكيكون فيها الماء
    المهم هو انك تخليها حتى تشحر
    في الحريرة راكي غديريها مع القوام كاملين حتى اتشحر كلشى عاد تزيدي الماء
    وف لاصوص غاتديريها مع الربيع والثومة والعطرية ديالك حتى تشحر عاد تزيدي القيمرن ولاالطون ولا,,,,,,,,,,,,,,,,,








    تعليق


    • #3
      السلام عليكم و رحمة الله و بركاته






      من أجل 5كلغ طماطم تحتاجين لملعقة كبيرة ملح و 3 ملاعق كبيرة زيت

      في طنجرة كبيرة, ضعي الطماطم وضعي عليها الماء الدي يغمره, اتركيها تطهى جيدا 35د, صفيها واطحنيها بالطحانة اليدوية, ارمي البدور.

      اضيفي لها الملح والزيت, خلطي وضعيها في قارورات, ضعي ميكة على القارورة تم اغلقيها بالغلاقة ديالها.

      ضعي القارورات في طنجرة او الكوكوت المملوءة بالماء, اتركيها تطهى 30د.

      بالصحة والراحة





















      تعليق


      • #4
        اصنعي مطيشة الحك صحية ورخيصة



        لسلام عليكم ورحمة الله وبركاته تحية طيبة الي كل المسلمات العربيات المغربيات
        وبعد بغيت نفيدكم بواحد الفكرة قالتها ليا استادي الله يرحمها دنيا واخرة
        كلنا تنعرفو بانهم مطيشة يعني طماطم ملكة المائدة المغربية وماكايناش شي دار مافيهاش
        عزيزاتي تنحتاجو في حريرة او في معجنات الي مطشة العك معجون طماطم وكاينين
        شيء اخوات ما تتعجبهمش ومنهم الوالدة الله يخليها لينا ويخليها لكل مسلم
        فممكن نصنعوها بيدينا مافيها لا مواد حافظة ولا شيء حاجة تخافي منها طريقة
        هي كل ما قشرتي شيء ماطشية حتى لو كانت حبة وحدة ماترميش القشور خبعيهم في
        مجمد في بلاستيك ابيض والي درتي حريرة كدلك خبعي قشور حتى تجمعي كمية
        كبيرة وكلنا في رمضان تنشريو مطيشة بزاف وتنطحنوها ونديروها في مجمد هادوك
        القشور اديريهم في طنجرة وتضيفي عليهم شوية الملح وزيت وابزار والي حبيتي
        فللفل يعني تحميرة وتخليهم يتصلقو مزيان حتى ما تبقا ففيهم الماء وهما
        تيطلقو ماء بزاف
        من بعد تخليهم يبردو وتطحنيهم في طحانة كهربائية ومن بعد تصفيهم في غربال
        الرقيق وتتحصلي على مطيشة الحك صحية ولديدة وتستعمليها لاي حاجة لحريرة
        لكفتة الي منتي زربانة لبيض الي حرتي في لعشا وهانتي هنتي راسك من مطيشة
        الحك ووفرتي ثمنها واهم حاجة انهو صنع يدك وصحية والله يرحمنا ويرحمكم
        ويرزقنا ويرزقكم بالخير وتيسير وقولو اميييييييييييييييييييييين


        تعليق


        • #5
          بلا متبقي تشري مطيشة الحك صوبيها في الدارك

          هده الطريقة إن شاء الله غدي تسهل عليكم تحضير الحريرة خصوصا في شهر رمضان الكريم أو اي وقت تشهيتي الحريرة .



          المقــــــــاديــــــر
          • 3كيلو مطيشة
          • زيت المائدة
          • ملح
          • تحميرة
          • حك صغير ديال مطيشة الحك

          الطـــريــــقة
          ساهلة ماهلة نقوم بتقطيع مطيشة على 4 ونزيل الزريعة ديالهامنخليو حتى زريعة من بعض نغسلوها ونوضعوها في الكسكاس حتى تبن لينا ترخات من بعد نزيل قشورها ونقوم بطحنها في الخلط الكهربائي مع 2 معالق كبارزيت مائدة + قليل من الملح +2 معالق صغر ديال التحميرة +1 معلقة كبيرة مطيشة الحك .
          وفي الاخير نقوم بتعليبها في قارورات زجاجية من افضل يكونوا صغار نحكم إغلاقها جيدا ثم نضعها في الكوكوط مع بطاطس كمعيار لطهي لمدة نصف ساعة .وها مطيشة الحك ديالنا واجدا فينما تشهيتي الحريرة فكي قريعة .
          نتمنى تجربوها
          ما تنسونيش من الدعاء الصالح



          تعليق


          • #6
            تبارك الله على هاد الوصفات

            تعليق


            • #7
              اختي احسن خودي الطماطم لي طويلة مافيهاش الماء
              بسم الله الرحمن الرحيم


              لا تنسى ذكر الله ;)
              :s11556:

              تعليق


              • #8
                جزاك الله خيرا ام سعد
                sigpic

                دعواتكم معي و مع كل المنتظرات.
                اللهم فرح قلبي وآنس وحشتي ونفس كربتي وفرج همي وأزل ضيقي وعوض صبري وقرعيني بطفل صالح معافا ليس في خلقه زيادة ولا نقصان وجعله خيراً لي ومن البارين بي ومن المستغفرين لي عند مماتي وجعله من الصالحين ومن حفظة كتابك الكريم.
                اللهم امين يا رب العالمين.

                تعليق


                • #9
                  جزاك الله خيرا
                  على الوصفات

                  تعليق


                  • #10
                    السلام عليكم اختي
                    مطيشة فاش كتحكيها عاد تكونجليها كيولي فيها الماء بزاف وماكتبقاش في لونها كتولي بيضا ومافيها مداق
                    هاكي جربي هاد الطريقة ودعي معايا دعوة خير ليا والام ديالي حيت هي لي قالتها ليا

                    كتاخدي مطيشة كتغسليها مزيان وتحيدي ليها هاديك النباتة الفوقانية،وتقسميها على 4 وديري في بلاستيكة القياس لي يقدك في صوص او حريرة او اي حاجة كتحتاجي فيها مطيشة،وديريها في مجمد،نهار تبغيها جبديها غير شوية تطلق وطحنيها وصفيها وهانتي عندك صوص مطيشة بحال الا يلاه جبتيها ،كتبقا مزيانة بزآآآآآآف
                    تقدري فاش تجبديها ديريها تصلق وخليها حتا تبرد وطحنيها،المهم بجوج مزياننين
                    في امان الله


                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X