عتقوني طيبت العسل و جات قاسحااااااااا

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • عتقوني طيبت العسل و جات قاسحااااااااا

    السلام عليكم و رحمة الله تعالى و بركاته
    عفاكم اش ندير للعسل اول مرة كانطيبها
    جات زوينة و لكن قاسحا بزاف
    انا بغيت نصايب بها الشباكية ولكن الى بقات قاسحا سباكيات غيلسقو على بعدياتهوم
    اش ندير عفاكم واش نزيدها الما شخون ولا زهر ولا شنووووو
    شكراااا
    اللهم يسرلي امري

  • #2
    زيدي فيه ماء زهر ورضيه فوق البوطة إغلا شوية وحيديه


    تعليق


    • #3
      الله ينورك فهاد الشهر الكريم
      اللهم يسرلي امري

      تعليق


      • #4
        لعسل الا قصاح معناه انه طاب بزاف .زيدي الما طايب وهو فوق العافية حتى يتحل وولي جاريي وانت كتحركي لما يغلى تخدي مرة مرة ملعقة منه وتبردها وتشوفي الا عاد كما بغيتي تطفي النار .
        اتمنى اكون افدتك.
        بصحتك الشبكية مسبقا.
        sigpic

        تعليق


        • #5
          شكرا بزاف الله ينولك ما تمنيتي
          ولكن را حيرتوني ندير الزهر ولا لما
          اللهم يسرلي امري

          تعليق


          • #6
            ومالك علا تمارة زيدي لفلوس واشريه احسن ليك بلا ما اتعصبي راسك احنا المغربيات تنقلبو علا تمارة كل شيء موجود في الاسواق بلا اغدايد بلا امحاين المهم مرة اخرى اشريه واتهناي بلا تضياع الغازوالسكر ولغدايد ههههههههههههههه هدا شهر العبادات وشهر البركات والمغفرة والثوبة والصلاة لكن انتم تبدان الشهر بالعصبية وتمارة والعسل يباع في الاسواق احسن من عسل البيت لدلك نصيحتي لك بالشراء وعدم الطبخ في المنزل .

            تعليق


            • #7
              اختى انا را عارفاه كايتباع و لديد ولكن شكون قالك نقي و شكون عرف واش لي كايساوبوه كايغسلو يديهم ولا الالات لي كايديرو فيهم
              اختي انا صايبتو حيت راجلي كاتعجبو كل حاجة صنعاتها يديا كيف ما جات
              و فوق هادشي انا ما تعسبت ما تفقستغيز طلبت مساعدة
              و توجادنا ل ما ناكلو ما كايعنيش اننا مفرطين اولا ناقصين من عبادتنا
              و نصايبو الشهوات حسن ما نبقاو كانتفرجو فالتفاهات
              اللهم يسرلي امري

              تعليق


              • #8
                اختي زيدي الماء طايب راه تانا وقعاي لي وزدت فيه الماء طايب وتصاوب عندك الحق حاجت الدار احسن من طياب الزنقة تنشجعك باش ليتشهيتيها طيبيها في دارك وشكررررررررررررررررررررررررررررررررررررررراااااااااااااا

                تعليق


                • #9
                  لهلا يخطيك ا ختي
                  اللهم يسرلي امري

                  تعليق


                  • #10
                    سلام اختي شوفي زيديه الماء و شوية الشبة قد لحمصة و خليه فوق لبوطة راه غيتسرح لك نتمنى نكون فدتك


                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X