اريد وصفة ديال الخليع

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • اريد وصفة ديال الخليع

    الوالدة الله يحفضها رسلات لي القديد(اللحم المجفف) ِ وكدلك شحمة الجمل (الضروة)
    انا كاتعجبني لكن بغيت نعرف واش ممكن استعملها في الخليع
    وطلبي من الا خوات الكرام تفيدوني بوصفات الخليع
    الله يجعلها في ميزان حسناتكن

  • #2

    ممكن تستعملي الشحمة ديال الجمل

    && وصفة الخليع...خطوة خطوة &&&


    وصفة الخليع

    للأمانة فالوصفة منقولة من عند اخت إسمها farah_ch1
    جزاها الله كل خير.


    المقادير:

    قطع لحم مقطعة طويلة ومتبلة بالعطرية اللي هي:
    ( الثوم مدقوق- قسبر يابس -ملح- الخل- زعفران)...
    *قياس العطرية على حسب كمية اللحم وعينك ميزانك *.

    شحمة الكلية نطحنوها ونعملو معاها الكمون والقسبر

    قياس الماء الكافي لنضج اللحم

    زيت المائدة تساوي*نفس كمية الشحمة*

    الطريقة:

    هادي صورة قطع اللحم بعدما كنخلطوه مع العطرية ونخليوه مرقد شوية حتى يشربا



    من بعد... نعلقوه فالهواء الطلق حتى ييبس تماما... وهدا شكله وهو يابس



    نجيبو هاد اللحم المقدد نقطعوه طريفات صغار
    ونزيدو لو الشحمة مطحونة مخلطة مع الكمون والقسبر يابس



    فكوكوط كنعملو القياس اللي يكفينا من الماء باش يطيب اللحم... ونخليوه حتى يسخن



    ملي يسخن الماء نزيدو عليه الشحمة ونخليوها حتى تدوب عاد نضيفو قطع اللحم والزيت



    نشدو على الكوكوط حتى يطيب اللحم
    وملي نفتحو عليه ننشفوه تماما من الماء بحيت بيقى اللحم واقف غير فالشحمة والزيت



    ملي يبرد نعملوه فقنينات زجاجية او فعلب بلاستيكية

    وهذا شكله النهائي




    بصحتكم وراحتكم...


    تعليق


    • #3
      جديد على منتديات أناقة مغربية طريقة استعمال الخليع


      [frame="7 80"]السلام عليكم ورحمة الله وبركاته اخواتي في الله
      اليوم جبت ليكم طريقة استعمال الخليع لمن تحب الخليع اتمنى من الله ان ينال اعجابكن
      اولا نبداو بالمقادبر:
      كنحتاجو
      نصف كيلو لحم هبرة مقطع قطع صغيرة جدا
      كأس زيت الزيتون
      معلقة كبيرة قزبر كارم
      معلقة كبيرة كامون
      الثوم كثير بما بعادل 5 تومات
      شحمة الكلوة محكوكة
      نصف كأس الخل
      و شوية الملح

      الطريقة:
      نخلطو جميع العناصر


      ونخليوه يترقد في الثلاجة لمدة يومين
      ملي نخرجوه من بعد يومين غيجينا فحال هاد الشكل

      نديروه فكاميلة ونخليوه فوق البوطا يتشحر على نار مهييييييييييلة


      ههوا تشحر وطابو لينا طريفات اللحم

      نديروه فقارعة ونرجعوه للثلاجة

      ههوا الخليع ديالنا وجد


      بالصحة والراحة
      متنساونيش أخواتي من صالح دعائكم
      [/frame]


      تعليق


      • #4
        السلام عليكم ورحمة الله وبركاته



        المقادير

        هبرة الدجاج من جهة الصدر او الفخد ويمكن ايضا استعمال الفيلي اديال البيبي (الديك الرومي)

        زلافة شحمة

        زلافة زيت بلديه

        مقدار من القزبر مطحون

        ملح كثير

        ثومة مدقوقه




















        يكون الدجاج مقطر مزيان من الماء نضيفو ليه الملح والقزبر والثومه والملح ونخليوه في هاذ الخليط

        ندير الشحمة تذوب ونزيدو الدجاج









        يبقى يطيب حتى ينشف مزيان بحال طريقة الخليع باللحم




        كنستعملوه في بزاف الوصفات

        المسمن او البطبوط معمر مع البيض

        كنتمنى يعجبكم


        تعليق


        • #5
          السلام عليك اختيROMAYSATI
          الله يجازيك كل خير على وصفاتك الله يجعلها في ميزان حسناتك انا غادي نطبقها ويلا حصلت في شي حاجة نقولها ليك
          شكرا:s4912:

          تعليق

          المتواجدون الآن 1. الأعضاء 0 والزوار 1.

          أكبر تواجد بالمنتدى كان 2,525, 26-09-2016 الساعة 21:58.

          شاركي الموضوع

          تقليص

          يعمل...
          X