إعـــــــلان

تقليص
لا يوجد إعلان حتى الآن.

صحباتي ساعدونى الله يرحم لوالدين

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • صحباتي ساعدونى الله يرحم لوالدين


    لبنات عافاكم هاد رمضان لي ديرتها ماشكيت عليكم ماكاتسسديكش عييت لا بيتزا لا مسمين معمر لا مسمين خاوي والو والو الله يستر أ صافي أ راجلي مسكين تقهر ب صبر أش ندير عطوني شي حاجة كاتسديك عافاكم

  • #2
    كيفاش ما كيزدقش والو شني هو المشكل بعدا فين كاين الديفو
    واش العجين واش الفران واش يدك ههههههههههه
    سمحلي الزين غير كنضحك معاك ولكن قلينا شني كاين باش نقدرو نفيدوك




    صفحة الدروس الحصرية لفن الحلويات و الطرطات المناسبات
    http://www.anaqamaghribia.com/vb/sho...=443791&page=4


    تعليق


    • #3
      اختي جربي هاد البيتزا انا اخديتها من المنتدى وكتصدق 100 فالمية غير تبعي معايا
      500غرام طحين فورص
      4 معالق زيت زيتون
      الملح
      قريسة ديال الخميرة معجونة
      زوج خمارات د الحلوة
      والزعتر محكوك تاخدي العود ديال الزعتر وتسوسي منو الاريقات باش تنسمي العجين
      والماء اللي يجمعليك العجين
      تخليها ترتاح شي نصف ساعة
      ومن بعد تعمليها على شكل كرصات دائرية هاد المقدار غادي يعطيك 3 البيتزات كبيار او ممكن تخليهم 4
      ونصيحتي ليك انك تقرصيهم مزيان لانهم كيتفخو ومتعطليش عليهم باش ميخمروش وملي تقرصيهم تقبيهم بالفورشيط مزياان
      العجينة كتجي رطبة وبنينة
      الحشوة:
      مطيشة محكوكة +شوية الملح+شوية البزار+شوية الزعيترة+ورقة سيدنا موسى كتغسليهم وتزيديهم مع مطيشة +وشوية ديال زيت العود والا كنتي غادي تعمريها بالطون زيدي الزيت ديال الطون اللي كاين فالمعلب باش تتنسم اكثر
      وقطعي فلفلة خضرة مربعات صغيييرة بزااااف
      والزيتون اسود مقطع صغير
      والفطر الا عندك(شوبينيو)
      والفروماج محكوك ومن الاحسن يكون عندك شوية كثير الا كان فالمستطاع
      صافي الخطوة الاخيرة كتاخدي العجين اللي طيبتي كتدهنيها مزيان بمطيشة وكتفرقي فوقها الطون المعلب انا كنفضل ايزابيل ومن بعد الفلفل الاخضر والا عندك الفلفل الملون ضيفيه كيجي روعة فالديكور ومن بعد الزيتون ومن بعد الفطر ثم الفرماج محكوك كتيحاولي تفرقيه مزيان على كل العجين وبالصحة والراحة جربي وردي عليا الخبار انا متاكدة الا احترمتي المقادير والتعليمات غادي تصدق 100 فالمية الله يرزقك السعادة مع زوجك اختي رمضان كريم

      تعليق


      • #4
        سلام عليكم شكرا على الجواب أ ختي ماعرفتش لمشكل فين لفرن مزيان ماشي أول مرة نصيب فيه طحين كندر داليا أ ليدين حتى هما فايتة مصيبة بيهم هادشي لي ضرني ف خاطري
        شكرا ل أخت سجى أنا غادي نجرب أ نريد عليك لخبر

        تعليق


        • #5
          الله يوفقك أختي


          تعليق


          • #6
            يا ربي امين

            تعليق


            • #7
              اختي تبعي الوصفات ديال الاخوات كلهم روعة اكيصدقو لله اجازيهم بخير و اتمنى لك التوفيق

              تعليق


              • #8
                أختي را حتى العين كتقبط و الله أعلم أنا الخبز كان كيصدق ليا غزال و عينوه ليا دابا ولا حالتوا واخا ماعرفت آش ندير فيه

                تعليق


                • #9
                  شوفي الحبيبة لبغيتي البيتزا مقادير رائعة وتتجي غزاااااااالة

                  المقادير

                  بيضة

                  نيدواحتى 3 معالق

                  ملعقة صغيرة او 2 خل

                  خميرة

                  3 معالق ديال سكر سنيدة

                  الطحين حسب الخليط

                  شوية الملح



                  ملاحظة

                  الخميرة خلطيها بشوية الماء مع سنيدة حتى تتفاعل عاد ديريها العجين

                  والعجين خليها تتلصق يعني خفيفة خليها تخمر وغطيها بميكة وديريها فشي مكان ساخن حتى تصايبي الحشوة




                  تعليق

                  المتواجدون الآن 1. الأعضاء 0 والزوار 1.

                  أكبر تواجد بالمنتدى كان 2,525, 26-09-2016 الساعة 21:58.

                  يعمل...
                  X