couscous b tefaya

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • couscous b tefaya

    aafakom li kataaraf kifach tsawab couscous b tefaya t3tqni bghit nderou lyoum laylat qadr mobaraka

  • #2
    السلام عليكم ورحمة الله وبركاته


    شوفي احبيبة انا غنعطيك الطريقة ديالي لي متعودة نديلاها ولي كلاها تتعجبو بزاف

    باسم الله

    في برمة غتعملي بصلة شرائح رقيقة غير حبة متوسطة ولا 2 واللحم لي بغيتي دجاج ولا لحم بقري او غنمي اوديري التوابل :

    ملح +بزار قليل منه + سكين جبير انا كندير منو شوي بزايد كيعجبني الداق ديالو فالطياب + خرقوم+ تحميرة +زعفران +زيت وتخليه اتشحر مزياااااان على نار مهيلة اويزيدي عليهم نصف كاس صغير ديال الماء فقط غير باش ما تحرقش لك التوابل وملي يشرب زيدي نفس الكمية او خليه اتشحر مزياااااااااااان ماديريش الماء بزاف من الاول لا باش اللحم اشرب لك التوابل ويكون لديد فالمداق من بعد زيدي الكمية ديال الماء لي تكفيك للطياب

    من بعد غتعملي مع الطعام كيف المعتاد تشلليه شوي بالماء الا كان من النوع المزيان حيت مكيتعجنش وخا تصبي عليه الماء بزااف من الاول تشلليه زعما او تصفيه من الماء او تخليه ارتاح شوي حتى يشرب اسقيه مرة اخرى بشوي ماء وهكا المهم راكي عارفة طريقة الكسكس

    من بعد غتاخدي طنجرة تقطعي فيها كمية كبيرة ديال البصلة جوانح مشي مشلظة او تزيدي عليها شوي توابل ملح سكين جبير شوي بزار شوي شاونية خرقوم او تحطيها على نار مهيلة تبقا تشحر في ماها البصلة ملي تشوفها بدات تتنشف زيديها الماء الكافي لي يطيبها او خليها حتى تطيب نصف طياب زيدي عليها السكر بكمية كبيرة باش اتعسل+ الزبيب + قرفة او خليها تكمل طيابها حتى تشوفها تعسلات مزييييييان او وقفات يعني نشفات من الماء تقريبا والبصلة طاايبة على خاطرها صافي

    سقي الكسكس ديالك عادي او خضريه بالتفاية ديالك


    ملاحظة


    ممكن ديري البصلة او الحمص فازك من قبل مزيان او الزبيب اطيبو مع بعضهم او ممكن تكتفي غير بالبصلة او الزبيب



    ممكن تاخدي شوي من المرق لي تعسلات فيه البصلة او زبيب او تزيديه في مرق الكسكسو وتخليه اغلي معه شوي باش اتنسم ينفس المداق قبل ما تسقي الكسكس ديالك انا شخصيا هدشي لي تندير تعيطيه مداق بنين ولكن كاين لي ماتيديرهاش

    هدي طريقتي بالتفصيل الممل صراحة تتجي لديييييييييييييييييييييييدة بزاااااف

    الا عندك اي سؤال انا موجودة اختي وان شاء الله نكون قدرت نفيدك او ماتنساينيش فهاد العواشر بشي دعوة زوينة


    السلام عليكم ورحمة الله وبركاته




    http:// http://www.anaqamaghribia.co...taoxk0td6o.gif


    استغفر الله لي ولوالدي ولجميع المؤمنين والمؤمنات الاحياء منهم والاموات

    ثمار قيام الليل :
    http://www.youtube.com/watch?v=KgnpQxLk5-4

    تعليق


    • #3
      الوصفة ديال الاخت عاشقة الجنة
      الله الرحمن الرحيم السلام عليكم ورحمة الله وبركاته الحمدلله والصلاة والسلام على رسول الله وعلى آله وصحبه أجمعين

      *دجاحة كاملة

      كيلو غرام من الكسكس
      * كيلو غرام ونصف من البصل
      * كأس شاي من الزيت للطهي
      * ملعقة كبيرة من السمن البلدي لدهن الكسكس
      * ملعقة صغيرة من السمن البلدي
      * 250 غرام زبيب بلا عظام
      * 250 غرام حمص مبلل بالماء ليلة كاملة
      * ملعقة صغيرة إبزار (فلفل حار أسود)
      * ملعقة صغيرة زنجبيل
      *1 حبة كبيرة مطشة (طماطم)
      * باقة صغيرة من البقدونس والقزبر
      * الزعفران الحر مدقوق
      * زعفران عادي
      * ملح
      * 100غرام سكر سميد
      * ملعقة كبيرة من القرفة
      * 150 غرام لوز مقلي

      طريقة التحضير
      * في قدر الكسكاس، توضع قطع الدجاج، السمن البلدي، بصلتان مقطعتان، الزعفران الحر والزعفران العادي، الملح، الإبزار، الزنجبيل وكأس الزيت.
      * يخلط الكل جيدا حتى تتشبع قطع اللحم بالتوابل ثم يوضع القدر فوق نار معتدلة.
      * عندما يتقلى الكل جيدا تضاف الطمطماية المطحونة وباقة القزبر والبقدونس ثم يحرك الكل جيدا.
      * عندما يتقلى الكل جيدا، يضاف3 لترات من الماء، ثم الحمص ويترك الكل يطهى لمدة 45 دقيقة.
      * خلال هذه الأثناء يحضر الكسكس بالطريقة المعروفة.
      * عندما تمر 45 دقيقة، يضاف البصل المقطع إلى شرائح رقيقة ثم الزبيب المنقي والمغسول.
      * يترك الكل ينضج لمدة 20 دقيقة تقريبا مع الحرص على ألا يذوب البصل وينحل الزبيب ويتعجن.
      * تضاف القرفة والسكر، ثم يطهى الكل لمدة 10 دقائق.
      * بعد ذلك يوضع الكسكس في القصعة، ويذهن بالسمن البلدي ويرش عليه قليل من الملح حسب الذوق، ثم يجوف وسطه وتوضع فيه قطع الدجاج ثم تغطى بالبصل والزبيب والحمص، ويسقى الكل بالمرق ويزين باللوز المقلي و البيض المسلوق.
      * تقدم هذه الأكلة ساخنة مصحوبة بزليفات من المرق بألف صحة وعافية
      و هده صورتي للطبق بالصحة و العافية

      [IMG]file:///C:/DOCUME%7E1/ADMINI%7E1/LOCALS%7E1/Temp/moz-screenshot-5.jpg[/IMG]




      ملحوظة ممكن عوض الدجاج كيلو لحم ماتنساوش تدعيو معايا




      بسم الله الرحمن الرحيم


      لا تنسى ذكر الله ;)
      :s11556:

      تعليق


      • #4



        السلام عليكم ورحمة الله
        الكسكسو بالتفايه كل المغربيات كيعرفوه واليوم زدت عليه اضافه بسيطه
        نخليكم مع المقادير والطريقه
        الدجاج
        الزعفران الحر
        الخرقوم البلدي
        الملون الغدائي
        الملح
        الابزار الاسود
        الابزار الابيض
        سكنجبير
        السمن
        كنشرملو الدجاج ديالنا ونخليوه جانبا






        التفايه ...البصله مشنفه
        السكر حسب الذوق
        القرفه
        ماء الزهر
        شويه ديال الزعفران شعره
        شويه ديال البسيبيسه والا مكانش شويه ديال الكوزه
        شويه ديال قاع قله او الهيل
        قبيصه ديال الملحه باش نزولو الحلاوه
        شويه ديال الابزار الابيض
        شويه ديال القرنفل مدقوق
        الزبيب مفزك


        الخضرة المعسله
        خيزو مقطع ومبخر
        الكرعه الحمرا مقطعه
        مطيشه مقطعه صغيره
        السكر حسب الذوق
        ماء الزهر
        القرفه






        للتزيين
        البيض مسلوق
        شويه ديال اللوز مفسخ ومقلي
        شويه ديال الكركاع




        الطريقه
        الكسكسو كل النساء كتعرف طيبو
        كنديرو الدجاج مع بصله مشنفه وزيت الزيتون وربيطه ديال القزبر والمعدنوس ومنمرقو بالماء الكافي ونقفلو الكسكسو ديالنا
        وكل مره نريحوه بالماء وشويه ديال الزيت (انا كندير غير زيت زيتون)
        ندوزو للتفايه
        كندير على نار مهيييييييييله البصله اللي قطعنا وقطرناها مزيان بلا ماده ذهنيه حتى تطلق الماء ديالها وطيح
        كنزيد عليها الزبيب والعطريه وفي الاخير السكر وماء الزهر مع التحراك والمراقبه باش متحرقش حتى تعلك





        *الخضره المعسله
        كندير كل خضره على حدى مع شويه ديال الزبده ونغطي عليها حتى تولي كتمعك
        نزيد نمعكها بالفرشاة وندير شويه ديال ماء الزهر والقرفه والسكر حسب الذوق وقبيصه ديال الملحه باش نكسر الحلاوه
        منين كتعسل كنزولها



        *التقديم
        كندير الكسكسو عادي وندير الدجاج ونسقي وندير التفايه
        ونزين بالخضره المعسله ونغير الشكل ديال كل خضره باش نفرق بيناتها
        نزينها بالكركاع الا كان والبيض مسلوق واللوز










        وبصحتك وراحتكم





        كنتمنى يعجبكم وتجربوه ورمضان كريم

        جزا الله خيرا صاحبة المجهود


        تعليق


        • #5
          chokran khwatati allah yshal aalikom ma saab we yaatewkom ma tmanitou f had 3wachar

          تعليق

          المتواجدون الآن 1. الأعضاء 0 والزوار 1.

          أكبر تواجد بالمنتدى كان 2,525, 26-09-2016 الساعة 21:58.

          شاركي الموضوع

          تقليص

          يعمل...
          X