إعـــــــلان

تقليص
لا يوجد إعلان حتى الآن.

اريد طريقة كسكس بالتفايا (البصل/الزبيب/الحمص)

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • اريد طريقة كسكس بالتفايا (البصل/الزبيب/الحمص)

    بسم الله الرحمان الرحيم

    ارجوا ان تلبوا طلبي من فضلكم اريد طريقة كسكس بالتفايا (البصل/الزبيب/الحمص)
    اريد ان اطبخها لزوجي و اصدقائه لكي يقولوا له تبارك الله على هدوك ليدين


    شكرا لكم و جزاك الله بمليون خير

  • #2
    كسكسو بالتفايه والخضر المعسله للأخت hello kitty

    ثبت في 17/8/2010...أم رزان

    السلام عليكم ورحمة الله

    الكسكسو بالتفايه كل المغربيات كيعرفوه واليوم زدت عليه اضافه بسيطه
    نخليكم مع المقادير والطريقه
    الدجاج
    الزعفران الحر
    الخرقوم البلدي
    الملون الغدائي
    الملح
    الابزار الاسود
    الابزار الابيض
    سكنجبير
    السمن
    كنشرملو الدجاج ديالنا ونخليوه جانبا






    التفايه ...البصله مشنفه
    السكر حسب الذوق
    القرفه
    ماء الزهر
    شويه ديال الزعفران شعره
    شويه ديال البسيبيسه والا مكانش شويه ديال الكوزه
    شويه ديال قاع قله او الهيل
    قبيصه ديال الملحه باش نزولو الحلاوه
    شويه ديال الابزار الابيض
    شويه ديال القرنفل مدقوق
    الزبيب مفزك


    الخضرة المعسله
    خيزو مقطع ومبخر
    الكرعه الحمرا مقطعه
    مطيشه مقطعه صغيره
    السكر حسب الذوق
    ماء الزهر
    القرفه






    للتزيين
    البيض مسلوق
    شويه ديال اللوز مفسخ ومقلي
    شويه ديال الكركاع




    الطريقه
    الكسكسو كل النساء كتعرف طيبو
    كنديرو الدجاج مع بصله مشنفه وزيت الزيتون وربيطه ديال القزبر والمعدنوس ومنمرقو بالماء الكافي ونقفلو الكسكسو ديالنا
    وكل مره نريحوه بالماء وشويه ديال الزيت (انا كندير غير زيت زيتون)
    ندوزو للتفايه
    كندير على نار مهيييييييييله البصله اللي قطعنا وقطرناها مزيان بلا ماده ذهنيه حتى تطلق الماء ديالها وطيح
    كنزيد عليها الزبيب والعطريه وفي الاخير السكر وماء الزهر مع التحراك والمراقبه باش متحرقش حتى تعلك





    *الخضره المعسله
    كندير كل خضره على حدى مع شويه ديال الزبده ونغطي عليها حتى تولي كتمعك
    نزيد نمعكها بالفرشاة وندير شويه ديال ماء الزهر والقرفه والسكر حسب الذوق وقبيصه ديال الملحه باش نكسر الحلاوه
    منين كتعسل كنزولها



    *التقديم
    كندير الكسكسو عادي وندير الدجاج ونسقي وندير التفايه
    ونزين بالخضره المعسله ونغير الشكل ديال كل خضره باش نفرق بيناتها
    نزينها بالكركاع الا كان والبيض مسلوق واللوز










    وبصحتك وراحتكم





    كنتمنى يعجبكم وتجربوه ورمضان كريم


    تعليق


    • #3
      الطعام بالبصلة والزبيب من مطبخي بالصور

      بسم الله الرحمن الرحيم,السلام عليكم ورحمة الله تعالى وبركاته


      اليوم درت الطعام بالبصلة والزبيب وقلت لازم مانزل ليكم الطريقة ديالي

      المقادير:

      *دجاجة

      *طعام

      *حمص مرطب

      *3بصلات

      *ملح

      *ابزار

      *سكين جبير

      *زعفران

      *1ضامة البنة نتاع البقري

      *زبيب

      *قرفة

      *سنيدة

      *زيت

      الطريقة:

      في طنجرة الضغط,كتشنفي بصلة وضيفيلها الدجاجة بعد ما تكوني غسلتيها مزيان.

      ضيفي العطور(ملح,ابزار,سكين جبير,زعفران)+زيت وديريها فوق نار متوسطة تتقلى مزيان.

      من بعد زيدي الماء,كنور ومنين تغلى زيدي الحمص وغلقي على الكوكوط ومنين تصفر حسبي 15د وطفي عليها.

      زولي الدجاج,وردي الحمص يكمل طيابوا.

      قطعي 2بصلات لي بقاو الى شرائح,وضعيها في مقلاة +ملح+زيت وقرفة.


      ضعيها فوق نار متوسطة حتى تتحمر شوي ومن بعد زيديلها شوي مرق وخليها تكمل طيابها.


      منين تقرب طيب ضيفيلها 1م ك سكر.




      خدي الزبيب,نقيه وضيفيلوا الماء غليان وخليه حتى يتنتفخ.


      من بعد صفيه,زيدوا شوي مرق+قرفة+سكر ورديه فوق النار حتى يتعسل.



      دهني الدجاجة بشوي زبدة ودخليها الفرن حتتى تحمر(ماديروش بحالي ماحمرتوش مزيان ماكانش عندي الوقت).


      هدا الطعام من بعد ما فورتوا 3مرات.


      في الطبسيل كديري الطعام+بصلة+حمص+زبيب+دجاج وتسقيه.وتاكليه بالصحة والراحة.
      نخليكم مع الصور.










      ياالله لي عجبها الطعام تمديديها وتاكل,ماتحشموش مرحبا بيكم.





      تعليق


      • #4
        الكسكسو بالدجاج والحمص مرحبا بيكم .....

        ثبت الموضوع ام الحلوين


        السلام عليكم انيقاتي الحبيبات , مدة هادي ماشاركت هنا , ولكن ديما تنطل عليكم تبارك الله عليكم .
        اليوم جبت ليكم الكسكسو بالحمص والدجاج .
        " المقادير "
        الدجاج
        ليقامة , زيت الزيتون وزيت الرومية , ملح , ابزار , سكنجبير , زعفران حر , خرقوم . قرفة
        الحمص مرطب , البصلة بزايد .
        والكسكسو بطبيعة الحال الكل تيعرف يفورو.
        " الطريقة "
        كناخدو الدجاج ونضيفو ليه شوية ليقامة وواحد بصلة مشلظة والزيت مخلطة ونقليوه مزيان
        من بعد نضيفو ليه الحمص مفسخ انا درتو بلا تفساخ باش مايجيش معجن ونرويوه ونخليوه يطيب ونبداو نفورو عليه الكسكسو .
        فنفس الوقت ناخدو 5 البصلات كبار نقطعوهوم رقاق ونضيفو ليهم شوية من ليقامة وكاش كبير ديال الما ونخليو الكل يطيب ومنين يقرب الكسكسو يفور تفويرة الاخيرة نضيفو للحمص والدجاج البصلة اللي طابت وزبيب وهدا اختياري انا مادرتوش حقاش بناتي ماتيعجبهومش .
        نخليكم مع الصور وبالصحة راه تيجي بنين حسن من ايلا درتو ليه العسل او السكر انا ماتيعجبنيش حلو .





        تعليق


        • #5
          شكرا على المساعدة القيمة

          تعليق


          • #6
            المقادير

            كيلو لحم الغنم أو بقر حسب الرغبة
            كيلو من سميد الكسكس
            كيلو من البصل
            كيلو من الجزر مقشر ومنزوع البذر ومقطع بالطول
            قليل من السمن البلدي او الزبدة المملحة
            ملعقين كبيرتين من السكر
            5ملاعق كبيرة من الزيت النباتي
            4أعواد قرفة
            قليل من الزعفران
            ملعقة صغيرة زنجبيل بودرة
            ربع كيلو زبيب
            ملح وتوابل



            الطريقة:

            المرحلة الأولى تحضير الكسكس وتحضير المرق في نفس الوقت والمرحلة الثانية تحضير الزبيب والبصل المعسل

            نحضر الكسكس في هذا الوقت فنرشه بكاس كبير من الماء البارد ونتركه حتى يتشرب الماء و نفركه بين أيدينا ثم نضع ملعقتين من الزيت فوقه و نفرك الكسكس مرة أخرى بين أصابعنا ثم نضعه في الكسكاس و نتركه يستوي مدة 45 دقيقة ثم نصبه في قعر عميق و نكرر رشه بالماء البارد مع رشة ملح صغيرة و نفرك الحبات ثم نعيده مرة أخرى إلى الكسكاس ونتركه مدة طهي الكسكس 40 دقيقة.
            بعدما نصب الكسكس ندهنه بالسمن البلدي أو الزبدة المملحة نرجعه إلى الكسكاس ونتركه لمدة 10دقائق
            كل هذه العملية تتم موازاة مع تحضير المرق
            في الجزء الأسفل من طنجرة الكسكس نضع: اللحم مع حبة من البصل شرائح + البهارات + الزيت و كأس من الماء ونتاكد من الملح و البهار و نتركها على النار مدة ربع ساعة ثم نضيف لتر ونصف من الماء و نتركها تستوي بالموازاة مع الكسكس فوق. في المرة الثانية حين نقلب الكسكس نضيف إلى الطنجرة الجزر المحضر سابقا

            ننقع الزبيب في قليل من الماء البارد مع ماء الزهر لينتفخ

            المرحلة الثانية نقطع بقية البصل شرائح و نضعها فوق النار و نضيف عليها: كاس من مرق الذي حضرناه في طنجرة الكسكس + ملعقة سمن+ ملعقة سكر و ملعقة ماء الزهر و أعواد القرفة و نتركها على النار مدة ربع ساعة ثم نضيف الزبيب و نتركه على نار متوسطة حتى يجف مرقه.

            في صحن التقديم نضع الكسكس على شكل هرم مقعر من الوسط و في هذا القعر نضع قطع اللحم و نصب فوقها خليط البصل و الزبيب ونمدد بأطرافهما الجزر و نسكب قليلا من مرق اللحم المتبقي فوق الكسكس

            ملاحظة : هناك من يضيف الحمص و يكون منقوع مدة 12 ساعة قبل و يضاف إلى طنجرة اللحم منذ الدقائق الأولى لأنه يحتاج وقت طويل في الطبخ.

            شهية طيبة :lick lips

            تعليق


            • #7
              رد: اريد طريقة كسكس بالتفايا (البصل/الزبيب/الحمص)

              تعليق

              المتواجدون الآن 1. الأعضاء 0 والزوار 1.

              أكبر تواجد بالمنتدى كان 2,525, 26-09-2016 الساعة 21:58.

              يعمل...
              X