إعـــــــلان

تقليص
لا يوجد إعلان حتى الآن.

ملف شامل بكل ما يتعلق بعيد الاضحى

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • ملف شامل بكل ما يتعلق بعيد الاضحى

    أنيقـــاتي أنــا بغيـــت كل وحـــدة فينـــا تدخـــل تقول لينـــا كيفـاش تتستقبل عيـــد الأضحـــى, العطريـــة ال تتوجــــد,أشنو أنواع الخضـــر ال ضروريــة تكون في الدار,كيفاش تتوجد ليـــه,واش كـاين شي حلويات خـاصة بالعيد الكبير,فطور العيــــد,كيفاش تتعــامـــل مـع الأضحيـــة مـن تحضيـــر السقيطـــة و طريقــة غسل الأمعـــاء و العـــادات ديال كـل وحــدة فينـــا,مثلا واش تيقطعو اللـــحم النهــار الأول,أشنو الطبق الأساسي,صلــة الرحـــم واش نهــار أو من بعـــد,العراضات بيــن الأهـــل و الأصدقـــاء,واش تتوجدي القديـــد,واش تتصدقي مـن الأضحيـــة .............
    نتمنــــى الموضـــوع يعجبكـــم و يلقـــى التفاعـــل المرجـــو,و تكون هـــاد الصفحــة بمثابــة ملف كـامل عـن الأضحيـــة.
    sigpic

  • #2
    الله آ بنتي مزال منسنا زلايف د رمضان, ((:
    sigpic

    {إن مرت الايام ولم تروني فهذة مشاركاتي فتذكروني
    وان غبت ولم تجدوني أكون وقتها بحاجة للدعاء }

    **فادعولي**

    تعليق


    • #3
      chokr

      salam tbarkallah 3lik allah iwafa9ak a khti

      تعليق


      • #4
        fikra rai3a
        ana daba 4ans bach tzewejt l3id lwel deweztou m3a dar rajli l3id tani hta howa l3id dial l3am lifat m3a darna hint kent hamla omta9la bzaf ma3amarni 3ayedt fdari dima kandiw lhawli dialna okanmchi walakin had l3id ghadi n3ayed ana w rajli obenti ba9a ma3raftch l programme diali kif ghadi ykount oma3arfa manwejed 3afakom fidouni

        تعليق


        • #5
          المشاركة الأصلية بواسطة aouicha مشاهدة المشاركة
          الله آ بنتي مزال منسنا زلايف د رمضان, ((:
          السلام عليكم
          ههههههههههههههههه و الله العظيم الا عندك الحق اللاعويشه
          راني شفت الموضوع تخلعت ولكن الاخت بغات توجد الملف قبل باش الاخوات يستافدوا
          موفقه اختي باذن الله

          تعليق


          • #6
            salam khti danya daghya tatjri ha l3id lkbir ja laah y0awi imana yakhti hna 3adatna tanwajdo li9ama kamla jdida tanchriw basla bazaf ou khososan khadariya ou rbi3 ou khodra daroriya ama oualid taywajad lflisat dyal haouli ou lmas taymadihom ou lm9ada ou hadakchi li ghaykhaso ldbiha laah yakhti ala ajwaa fakartina fiha ama had 3am ma3raftch kefach ghadi ydoz awal 3id ghadi ndawaz m3a rajli ou fi dari fi had ghorba .ama nhar 1 dyal aid ba3dma dbahna tanchouiou ou nofatro ou nodo ntkardo njam3o rouina kol wahda ou ach tadir ana kent tantkalaf bi lkarcha ou lmsaran nghsalhom ou ndfarhom ewa w lghda tandiro cascsou ala ktaf ou tfaya ou nhar 2 tandiro ras tanfaouroh tandiroh fi ftour ewa haka taydoz laah ydwzo bi lkhir ou laah ydakhlo alina ou alikom bisaha ou salama
            إذا لم تستطع أن تنظر امامك لأن مستقبلك مظلم ولم تستطع أن تنظر خلفك لأن ماضيك مؤلم فانظر إلى الأعلى تجد ربك تجاهك إبتسم... فإن هناك من... يحبك... يعتني بك... يحميك ...ينصرك... يسمعك ...يراك...انه (( الله)) ما أخد منك إلا ليعطيك...وما ابكاك إلا ليضحكك...وما حرمك الا ليتفضل عليك
            ...
            وما أبتلاك إلا لانه يحبك..."سبحان الله وبحمده سبحان الله العظيم "

            تعليق


            • #7
              المشاركة الأصلية بواسطة aouicha مشاهدة المشاركة
              الله آ بنتي مزال منسنا زلايف د رمضان, ((:
              راه الحادكات بزاف و خفت اسبقوني في الموضوع زربت عليهم ههههههه غير تنضحك,المسالة ان كاين بزاف البوجاديات بحالي يغاو استافدو,و يوجدو اشنو خاص على تيساع,مثلا العطرية كاين ال ضروري يغسلها و ينقيها و يطحنها في الدار,اوا هادشي خصو الوقت و الا عرفنا العطرية ال نحتاجو على تيساع يكون مزيان,لان كاين بهارات تيتستعملو غير فالعيد,اوا فيدونا و استافدو معانا
              sigpic

              تعليق


              • #8
                باقي شوية حال ولكن فرة زوينة

                تعليق


                • #9
                  المشاركة الأصلية بواسطة janatlamis مشاهدة المشاركة
                  راه الحادكات بزاف و خفت اسبقوني في الموضوع زربت عليهم ههههههه غير تنضحك,المسالة ان كاين بزاف البوجاديات بحالي يغاو استافدو,و يوجدو اشنو خاص على تيساع,مثلا العطرية كاين ال ضروري يغسلها و ينقيها و يطحنها في الدار,اوا هادشي خصو الوقت و الا عرفنا العطرية ال نحتاجو على تيساع يكون مزيان,لان كاين بهارات تيتستعملو غير فالعيد,اوا فيدونا و استافدو معانا
                  ايوا يا بنتي حتى انا كنضحك معاك الله يوفق الجميع, و يوصلنا ليه في صحة و طولة العمر كاملين , وامة سيدنا محمد عليه الصلاة و السلام, في احسن حال
                  sigpic

                  {إن مرت الايام ولم تروني فهذة مشاركاتي فتذكروني
                  وان غبت ولم تجدوني أكون وقتها بحاجة للدعاء }

                  **فادعولي**

                  تعليق


                  • #10
                    علاش تطلو و تهربو,دخلو معــانـــا للمعمعـــة,غدا انشــاء اللـــه نكتــــب ليقمـــة ال تنعــــرف و تنتمنــــى كل وحـــدة دخلات تقول لينـــا شي حاجــة.خليت ليكم الراحـــة
                    sigpic

                    تعليق


                    • #11
                      فكرة مزيونة

                      تعليق


                      • #12
                        المشاركة الأصلية بواسطة rim2012 مشاهدة المشاركة
                        فكرة مزيونة
                        انت ال زوينة اختي و شي وصفة من عندك غادي تحلي الموضوع اكثر
                        sigpic

                        تعليق


                        • #13
                          في الحقيقة ماباقي والو الحال راه الموضفين خاصهم يشتريوا الحولي من الراتب القادم انشاء الله

                          تعليق


                          • #14
                            أنــا العطريـــة ال تنعـــرف و تتكون حـاضرة في الأيام العـاديــة كيف مـا يوم العيـــد:التحميـــرة,الابزارالأسود,الابزار الأبيـض,السكنجبير,القرفـــة اعواد,الملـــح,الخرقوم البلدي,الكــامون,الملون الاصطنـاعي.

                            هـاد العطريـــة كلهــا تتشرى و تتغســـل و تنشــــف عـــاد تتنقــــى,و تسخـــن شويـــة قبل مـا تدق في المهـــراز,و دوز في الغربال الرقيق, ثم تتخـزن في قرعـــة ديال الزجــاج محكمــة الاغلاق باش تحـافــظ علــى النكهــة ديال كـــل عنـــصر.

                            كـاين النـــاس ال تيزيدو بعــض الأعشاب المنسمــة,بحـــال: ورقــة سيدنــأ موسى,أزيـــر ,الزعتـــر,زعيتـــرة,الثوم القصبـــي,الحبـــق,النعنـــاع يابس,الكوزة,القرنفل.

                            و في العيد تنزيدو: قعقلــة ,بسسبيسة,راس الحــانوت,المروزيـــة,الزعفران شعـــرة,المعدنوس يابس.
                            هـادشي ال عرفــت آش بان ليكــم خـاصـة مـازال شي حـاجــة؟؟؟؟؟؟؟؟؟؟
                            sigpic

                            تعليق


                            • #15
                              هي فكرة زوينة راه ليام غادية بالزربة غير غمضي عينيك ها لعيد لكبير جا
                              sigpic

                              تعليق

                              يعمل...
                              X