واش ممـكن تبوحـي لنا بسر لــذة طيـابـك ... ؟؟

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • واش ممـكن تبوحـي لنا بسر لــذة طيـابـك ... ؟؟

    السلام عليكم ورحمة الله وبركاته

    اختي العزيزة


    اكيد عندك شي وصفة كـتـقـنـيها، مثلا (شرمولة الحوت، لاباط ديال بيزا، شي صوص،... ) و حتى واحد ماكيصيبها بحالك، لانه عندك شي سر في اعدادها، وحنا اليوم بغينا نعرف هد سر، واش ممكن تبوحي لنا به ؟؟ ماشي ضروري تحطي لنا الوصفة كاملة ، غير قولي لنا مثلا : باش تجيك شرمولة لذيذة زيدي فيها كذا و كذا... الا بغيتي لاباط هشيشة ديري فيها كذا و كذا... وبلا ماديري كذا و كذا... الا بغيتي ستيك يبان منفوخ ويكون هشيش ديري كذا و كذا...
    فهمتوني؟

    بهاد الطريقة نستافدو من تجارب بعضيتنا،
    وهكذا كل وحدة فينا تجدد فاطباقها لغدي تكون الذ والذ...



  • #2
    فكرة غزالة و مختصرة
    الله يخليلي العقيل اللي فكر فهاد الفكرة

    نقوليك انا
    لا بغيتي الحريرة تجي بنييييينة فالاخر مني تدوريها و تسالي زيدي ليها الكرافس مقطع و قبصة صغيييييرة ديال القرفة و حركي شوية و طفي
    الملوي الداير ماشي الرغايف الى بغيتي يجيك محمر بحال المخبازات فاش تبغي تعجنيه (الطحين+الملح + السكر) زيدي ليه نص معلقة صغيرة او نص باكية ديال الخميرة الكيماوية.

    ها الشي اللي تفكرت دابة

    نتفكر و نجيكم عاود



    تحياتي





    تعليق


    • #3


      فكرة غزالة و مختصرة
      الله يخليلي العقيل اللي فكر فهاد الفكرة

      نقوليك انا
      لا بغيتي الحريرة تجي بنييييينة فالاخر مني تدوريها و تسالي زيدي ليها الكرافس مقطع و قبصة صغيييييرة ديال القرفة و حركي شوية و طفي
      الملوي الداير ماشي الرغايف الى بغيتي يجيك محمر بحال المخبازات فاش تبغي تعجنيه (الطحين+الملح + السكر) زيدي ليه نص معلقة صغيرة او نص باكية ديال الخميرة الكيماوية.

      ها الشي اللي تفكرت دابة

      نتفكر و نجيكم عاود



      تحياتي

      لهلا يخطيك يالحبيبة على هاد الرد الجميل لرفع ليا المعنويات.
      بصارحة السر ديالك خطيــــر....، غير مجرد مافكرت كي غدتجي هد الحريرة ... تشهيتها، نفس شيء بالنسبة الملوي،

      تبارك الله عليك

      تعليق


      • #4
        السلام عليكم ورحمة الله وبركاته الى بغيتى عجينة بيتزا اتجيك هشيشة زيدي2 معالق عسل حر نتمنى اتجربوها

        تعليق


        • #5
          المشاركة الأصلية بواسطة الانــيقة مشاهدة المشاركة

          لهلا يخطيك يالحبيبة على هاد الرد الجميل لرفع ليا المعنويات.
          بصارحة السر ديالك خطيــــر....، غير مجرد مافكرت كي غدتجي هد الحريرة ... تشهيتها، نفس شيء بالنسبة الملوي،

          تبارك الله عليك

          ههههههههههههههه كرشاوية حتى انت اكتر مني
          الحريرة بصاح كتجي خطيرة
          اما على الملوي راه ماكتخمرو ما والو غي كتحمرو مثلا انا ف 2 كلغ ديال الطحين كنزيد نص باكية
          الزين مو كريشة هههههههههههه





          تعليق


          • #6
            المشاركة الأصلية بواسطة sokha مشاهدة المشاركة
            السلام عليكم ورحمة الله وبركاته الى بغيتى عجينة بيتزا اتجيك هشيشة زيدي2 معالق عسل حر نتمنى اتجربوها
            لهلا يخطيك انا نعيا ما نتعوج معاها واااااالو
            نجربها و صدقات و لا ماصدقات تسالي منب غير دعيوة فضهر الغيب





            تعليق


            • #7
              salamo 3alaykom jami3an 7aja litfakkart daba ila bghiti ma39ouda matfartatch lik wtji bnina mlli sl9i liha batata 9bl bmodda wcharmliha 3ad t9liha w zidi liha fcharmoula fromage rapé awla la vache kiri wmlli tbghi ta9liha khlti m3aha lbid wmarmdiha f t7in katji ghzala
              sigpic

              تعليق


              • #8
                ههههههههههههههه كرشاوية حتى انت اكتر مني
                الحريرة بصاح كتجي خطيرة
                اما على الملوي راه ماكتخمرو ما والو غي كتحمرو مثلا انا ف 2 كلغ ديال الطحين كنزيد نص باكية
                الزين مو كريشة هههههههههههه

                ههههههه...ضحكتيني ولله
                على مابان ليا سر لذة طيابك هي هاد الروح الجميلة المرحة، مــــاشي القرفة ولا الكرافس ههههههه....
                اكيد كاتطيبي ونت ناشطة هاد شي علاش كيطلع بنين....
                تحياتي وتبارك الله علك

                تعليق


                • #9
                  السلام عليكم ورحمة الله وبركاته الى بغيتى عجينة بيتزا اتجيك هشيشة زيدي2 معالق عسل حر نتمنى اتجربوها
                  الله يعطيك الصحة، اكيد غدي نجربوها وكما قالت لك سارة ما تسالي منا غير دعيوة فضهر الغيب

                  تعليق


                  • #10


                    salamo 3alaykom jami3an 7aja litfakkart daba ila bghiti ma39ouda matfartatch lik wtji bnina mlli sl9i liha batata 9bl bmodda wcharmliha 3ad t9liha w zidi liha fcharmoula fromage rapé awla la vache kiri wmlli tbghi ta9liha khlti m3aha lbid wmarmdiha f t7in katji ghzala
                    و عليكم السلام و رحمة الله و بركاته،
                    تبارك الله عليك، جربت المعقودة كيفما قلت

                    تبارك الله طلعت غزالة، الله يعطك الصحة

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X