طلب للعضوات حول الطياب ديال السفرجل

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • طلب للعضوات حول الطياب ديال السفرجل

    بغيت من الانيقات تشاركوني بطريقتكم في الطياب ديال السفرجل كيف كديرو ليه باش كيجي زوين واش كتفوره عاد كتعسلوه او كتعسلوه من الاول اتناء الطبخ .
    كدالك شاركوني الى سمحتو حول طريقة ديالكم للمرق وشكرا



  • #2
    السلام اختي انا طريقتي في السفرجل هي كالتلي تنشدو ونغسلو وحكو بالحلفة باش اتحيد داك القطن الحقاش انا مكنقشروش اوا تنقسمو وتنحيد الزريعة وتنديرو في الماء اغلا وملي تيقرب اطيب وتتشوفي الماء وكح سوية تنرمي ليه شوية ديال الزبدة والقرفة والسكر باش اتعسل ونتي واختيارك بغيتي تحطيه مع المرقة وترشيه بشوية اللوز الا طحنيح ديري فيه كويرات ومرمديهم في اللوزوتزوقي بيهم المرقة نتي وكانتك
    يا قارئ خطي لا تبكي على موتي..

    فاليوم أنا معك وغداً في التراب..

    فإن عشت فإني معك وإن مت فاللذكرى..!!

    ويا ماراً على قبري لا تعجب من أمري..بالأمس كنت معك وغداً أنت معي..

    أمـــوت و يـبـقـى كـل مـا كـتـبـتـــه ذكــرى فيـا ليت كـل من قـرأ خطـي دعا لي !!sigpic

    تعليق


    • #3
      شكرا اختي بنت ادم وبالنسبة للمرق كتحكي في مطيشة او لا


      تعليق


      • #4
        لا انا متنحملش ماطيشة في المرقة تنخلي اللحم والبصلة والقوام اطيبو والمرقة كتختار
        يا قارئ خطي لا تبكي على موتي..

        فاليوم أنا معك وغداً في التراب..

        فإن عشت فإني معك وإن مت فاللذكرى..!!

        ويا ماراً على قبري لا تعجب من أمري..بالأمس كنت معك وغداً أنت معي..

        أمـــوت و يـبـقـى كـل مـا كـتـبـتـــه ذكــرى فيـا ليت كـل من قـرأ خطـي دعا لي !!sigpic

        تعليق


        • #5
          السالم عليكم كيف الحال حتي انا طريقتي نفس طريقة الاخت بنت ادم ولكن انا مكنديرش فيه الزبدة غير القرفة والسكر وكيجي معسل وزوين وبالنسبة للمرقة حتي انا مكنحملش فيها مطيشة ههههه كنشبة ليك اختي بنت ادم في دوقك

          تعليق


          • #6
            طاجين باللحم و السفرجل المعسل

            ثبت في 18/8/2010...أم رزان

            السلام عليكم و رحمة الله و بركاته


            كيفكم اخواتي العزيزات, نتمنى تكونوا بالف صحة و عافية , اليوم بغيت نقدم ليكم واحد الطجين بسيط درتو بالسفرجل و العسل , المداق ديالو تيجى بنين بالنسبة الي تيحب السفرجل بلا منطول عليكم نبداو باسم الله,

            سوف نحتاج
            انا عملت 600 غرام ديال اللحم البقري و لكن ممكن تستعملو كيلو و طبعا نضوبلو المقادير
            ملح, ابزار, السكنجبير, الخرقوم
            2 بصلات كبار مقطعين جنيحات
            4 ديال سفرجلات مقطعين على 2 او ممكن تقطعيهم بالشكل لي تتفضلي
            2 معالق كبار ديال العسل
            2 معالق السنيدة
            2 معالق صغار ديال القرفة
            نصف كاس الزيت
            اخليكم مع الصور



            ناخد اللحم نضعه فى الطنجرة مع الزيت




            نديروا العطرية




            نزيدوا بصلة واحدة و نخليوا البصلة التانية



            نخليوا المرق فوق النار واحد عشر دقائق عاد نزيدوا الماء حتى نغطيوا اللحم و نسدوا الكوكوت حتى يطيب واحد ربعين دقيقة تقريبا





            فى هدا الوقت نديروا البصلة لي بقات فى الماقلة مع شوية الزيت فوق النار تكون مهيلة و نحركوها مرة مرة حتى تدبال عاد نزيدوا ملعقة عسل و ملعقة صغيرة قرفة و الملح












            ناخد السفرجل نسلقوه فى الماء ربع ساعة , من بعد ما يبقى شوية ديال الماء نزيدو عليه السنيدة, ملح و ملعقة العسل لي بقات و ملعقة القرفة و نتركه يتعسل

















            ناخد الطاجين نوضعوا فيه اللحم مع المرق ديالو و من فوق نوضعو البصلة المعسلة
            و نزوقوه بالسفرجل المعسل





            نتمنى اعجبكم و بالصحة و الراحة







            تعليق


            • #7
              الدجاج بلدي بالبطاطا الحلوة و السفرجل معسل...


              تبث في 09/11/09
              bent bladi




              السلام عليكم و رحمة الله

              كان عندي في الثلاجة البطاطا الحلوة و السفرجل...

              و قلت مع راسي البطاطا حلوة اكيد غادي تجي مع السفرجل معسل...

              و انا نتوكل على الله...و طيبت هاد المريقة ههه:)


              بالنسبة للمقادير :

              البطاطا الحلوة

              السفرجل

              الدجاج

              2 بصلات . الثومة . الربيع . الزيت .

              التوابل (الملح الابزار اسكنجبير القرفة الزعفران شويية سنيدة)

              بالنسبة لتعسال السفرجل :

              الزبدة . سنيدة . القرفة

              و اليكم الطريقة بالصور:


              درت في الكوكوط البصلة الزيت الثومة و التوابل و زدت عليهم الدجاج و معلقة السنيدة و سديت عليه بوحد حيت كايشد الطياب


              ها هو الدجاح ملي طاب


              زدت عليه البطاطا الحلوة و سديت عليه مرة اخرى


              شديت السفرجل نقيتو و سلقتو


              في كاسرونة درت الزبدة تذوب


              زدت عليها السفرجل


              كبيت عليه شوية المرقة اللي طاب فيها الدجاج


              ثم سنيدة و القرفة


              ها السفرجل ديالنا وجد


              حطيت الدجاج و البطاطا الحلوة (نسيتها فوق البوطة و طابت بزاف:rolleyes: ...ههه الحداكة:D:D:D)


              و زدنا من الفوق السفرجل معسل...و ها غذانا واجد

              اعرفتو ...كاتجي مرقة معسلة و لذيذة

              ايوا غير قبلو عليا ...:p:p:p

              و جربوها و ردو علي الخبار:o:o:o


              تعليق


              • #8
                الدجــــــــــاج بالزيتــــــــون والسفــــــــرجل مممممم





                [frame="11 98"]
                ههه هد الطريقة كتجي زوينة ديال الدجاج بالزيتون و السفرجل
                المقادير
                دجاج رومي مقطع طريفات منقي و مغسول و خلاص بايت مرقد مسبقا فالملح و الحامض
                الزيتون التخضار
                ملح ابزار كمون تحميرة قسبر و معدنوس كاس زيت صغير رومية مخلط مع البلدية سكنجبير
                3 بصلات مشلضات مطيشة محكوكة توم مدقوق 2 كيسان الماء زعفران
                الطريقة


                اولا كتقلي ا لدجاج و 3 بصلات مشلضين و الملح والزعفران وسكينجبير ابزار والزيت مخلطة والتوم مدقوق و مطيشة محكوكة يتشحرو مزيان

                نزيدو عليه 2 كيسان الماء و نسدو عليه كوكوت يطيب منين يطيب و

                ينشف داك الما خليو غ شوية للتغماس كيجي خاترة مرقة ديالو ضيفي القسبر والمعدنوس مقطع والتحميرة و شوية كمون و الزيتون و خليه يتتبخ شوية و طفي عليه



                شدي سفرجل مصلوق فكاسرونة مع شي 5 معالق كيلر مريقة الدجاج لي طيبتي و معلقة السكر و معلقة القرفة و عسليه


                قدمي الدجاج فالطبق التقديم و زوقيه بطريفات السفرجل
                اوا بالصحة و الراحة و عيد مبارك سعيد لكل عضوات و مشرفات اناقة مغربية



                تعليق


                • #9
                  اختي ام صفاء بالنسبة للسفرجل قشريه ويكون الاناء ليغيطيب فيه فوق النار وعاملة فيه الماء +شوية سكين اجبير +قليل ملح +م.ص زبدة ولقشرتيها وزولتي ليها القلب قسميها على4 وغسليها وعمليها في داك الاناء لتيغلي حتى تكملي المقدار لعندك هاد العملية مكتخليهش يغير لونو وخليه حتت يطيب وزيدي عليه السكر الكافي والقرفة والسر هو م.ك مربى مشمش راه تيجي رائع وتيبرييي وهدا حتى بالنسبة اللبرقوق والمشماش ونزليه فوق اللحم بطريقة مشهية ورشي علية الجنجلان محمر او الوز مقلي ومهمش انا كنفندو من قنت بالجنجلان من الطرف الاخر باللوز تيجي منظر مزيون
                  وبالسبة للمرق بحال نصيب البرقوق

                  تعليق


                  • #10
                    المشاركة الأصلية بواسطة fatimazahra22 مشاهدة المشاركة
                    السالم عليكم كيف الحال حتي انا طريقتي نفس طريقة الاخت بنت ادم ولكن انا مكنديرش فيه الزبدة غير القرفة والسكر وكيجي معسل وزوين وبالنسبة للمرقة حتي انا مكنحملش فيها مطيشة ههههه كنشبة ليك اختي بنت ادم في دوقك
                    هي انا وياك بحال بحال حتى انا متنقشروش حيت ديك الجليدة ديالو كتخليه قابط فراسو وتيبقى ابري اما الزبدة مكتخليش التعسيلة ديالك قاصحة بحال الحلوى و شكرا
                    يا قارئ خطي لا تبكي على موتي..

                    فاليوم أنا معك وغداً في التراب..

                    فإن عشت فإني معك وإن مت فاللذكرى..!!

                    ويا ماراً على قبري لا تعجب من أمري..بالأمس كنت معك وغداً أنت معي..

                    أمـــوت و يـبـقـى كـل مـا كـتـبـتـــه ذكــرى فيـا ليت كـل من قـرأ خطـي دعا لي !!sigpic

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X