إعـــــــلان

تقليص
لا يوجد إعلان حتى الآن.

مساعدة إلى جات على خاطركم

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • مساعدة إلى جات على خاطركم

    أهلاً وسهلاً إلى جات على خاطركم بغيت رغايف معمرين بلوز أو أي حاجة دوك ديل مكناس كيكون صوفر فحال فيهم زعفران او شكراً

  • #2
    رغايف باللوز

    المقادير

    كيلو الدقيق فورص
    نصف كاس العنبة الزيت
    1 خمارة حمراء او معلقة صغيرة عامرة ديال الخميرة
    الملح
    نصف كاس العنبة ماء الزهر
    الطريقة

    في قصرية عملت الدقيق و الزيت و الملح و ماء الزهر و الخميرة الحلوى

    ثم نخلطوا الكل و نعجنوها بالماء دافيء و ندلكوها مزيان و العجينة تكون قاصحة شوية



    تم نغطيوها و نخليوها حتى ترتاح شوية



    و ندهنوا يدينا بالزيت و نكوروها كويرات صغار في حجم المشمش و ندهنوهم بالزيت تم نخليوهم يرتاحوا شوية



    مقادير الحشوة

    ربع كيلو اللوز مصلوق و منقي و نقسموه على 2 نصف نقليوه والنصف التاني نخليوه كما هو اي غيرمصلوق و نطحنوا اللوز تم نضيفوا ليه القرفة و طريف الزبدة و شوية الماء الزهر و واحد معلقة كبيرة حليب نسلي و الى ما كاينش بلاش و نخلطوا الكل و نعملو منو صبيعات صغار








    كنسرحو الكويرات العجينة بشوية الزيت و نورقوهم مزيان تم نتنيوهم متل اللي في الصورة تم نعملوا صبيع ديال خليط اللوز في الراس ديال العجينة و نلويوا بحال غادي نعملوا كرواصة تم نلويوا العجينة و نحاولوا اللوز ما يخرجش من الجناب يبقا في الوسط فقط نخليكم مع الصور







    منين نكملوا كل الكويرات نمشيو للمسمنة الاولى و نسرحوها و نقليوها في زيت سخونة منين تحمر نطفيوها في العسل و ندردروا عليهم الزنجلات او اللوز انا عملت الزنجلات حيت الحشوة فيها اللوز






    اللهم ادمها نعمة علينا و احفظها من الزوال

    تعليق


    • #3
      رغايف معسلين


      المقادير:
      زلافة الدقيق+ قبصة ملح+ملعقة صغيرة سكر+نصف ملعقة خمرة دالحلوة+ ماء دافئ .
      الطريقة:
      عجن الكل مزيآآآن
      وطلق الرغايف كالمعتاد عمرهم باللوز أو الكوك أو الجنجلان ..قليهم ثم عسلهم






      تعليق


      • #4
        الرغايف معمرين باللوز ومعسلين




        المقادير:
        زلافة الدقيق+ قبصة ملح+ملعقة صغيرة سكر سنيدة+نصف ملعقة خميرة الحلوة+ ماء دافئ .
        الطريقة:


        نعجن العجينة وندلكوها مزيان

        ونطلق الرغايف كالمعتاد ونعمرهم باللوز مهرمش

        نقليوهم في الزيت ونعسلوهم (العسل او القطر أو الشيرة)

        ونرشوهم بالجنجلان



        تعليق


        • #5
          رغايف باللوز رووعة بالصور من مطبخي


          http://www.anaqamaghribia.com/vb/sho...%ED&highlight=


          تعليق


          • #6
            رغايف معمرين بالتفاح



            مقادير العجينة:


            - نصف كيلو دقيق
            - 3 معالق زبدة دايبة
            - معلقة خميرة الخبز
            - 1 خمارة
            - 1 فاني
            - شوية الملح
            - ماء دافئ للعجينة وشوية زبدة مخلطة بالزيت باش نفرقو العجينة


            الحشو:

            - تفاح مقشر ونزولو ليه القلب ديالو + سكر+ زبدة


            الطريقة:


            - نعجنو كلشي بالماء دافي و ندلكو جيدا وتبقى العجينة رطبة ونعملوها كويرات صغيرة تم نورقوها ونفرقوها بالزبدة والزيت





            و نلويها فحال المسمن و نطلق كل مربع




            ونضع ربع معلقة زبده وربع معلقةسكر ونعملو فوقها دائرة التفاح بحيت تصبح الزبدة والسكر وسط تقب التفاح ونجمع اطراف المسمن في وسط تقب التفاح لكي تلتصق الاطراف


            وتعطي منظر جميل تم نضع وسطها قطعة نتاع التفاح باش يسدها مليح

            تم نعمل الرغايف في لاطة نتاع الفرن و نخليهم حتى يخمرو وندخلهم للفرن حتى يتحمرو


            نرش عليهم سكر كلاصي او نضع وسط الرغايف ربع معلقة كونفتير نخليكم مع الصور
            - هذا شكلها النهائي والف صحة وهنا


            تعليق


            • #7
              تبارك الله عليك اختي نجاة ككنتي سكن حداي كيعجبوني العيلات الحادكاة فحالك الله يحفدك الله منالعين والحسد منى لقاء المفتوح كلشي عندك غزال الغزال ونتمنى يكونوا يعجبوكم الحلوات ديالي لجرب شي حلوا يرد عليا رني باق مكنعرف نخط الصور حتى تخطهملي بنتي انشاء اله وسمحولي على تطويل

              تعليق


              • #8
                شكراااا ليكم

                تعليق


                • #9
                  تبارك الله عليكم اخواتي الله يعطيكم الصحة وصافي والله يجازكم عنا كل خير الله يعطيكم ما تمنيتو فخاطركم ياربي

                  تعليق

                  المتواجدون الآن 1. الأعضاء 0 والزوار 1.

                  أكبر تواجد بالمنتدى كان 2,525, 26-09-2016 الساعة 21:58.

                  يعمل...
                  X