إعـــــــلان

تقليص
لا يوجد إعلان حتى الآن.

فاشلة في الطبخ يا اخواتي انقذوووووني

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • فاشلة في الطبخ يا اخواتي انقذوووووني

    السلام عليكم اخواتي
    عندي طلب وأرجو منكن مساعدتي الله يجازيكن خير جزاء

    انا متزوجه من سنه ونصف تقريبا مشكلتي ماكنعرفش نطيب
    وكناخذ الوصفة مرة كتصدق ليا غزاله ومرة مافيها ما يتكال اغلب طيالبي حاشاكم في الزبل لانه صدقا مايتكالش
    راجلي مسكين صابر ولكن اكثر حاجه كتقهرو فاش كيجيو ضياف وكيجي الماكله شوهة وكيتشوفي الضبف كياكل غير بزز ههههههههههههه كثرة الهم كتضحك

    المهم اخواتي بغيتكم عفاكم تفيدوني باي شي يخلي طيابي بنين
    وعطيوني وصفات اللي كتعرفوها كتصدق مع الجميع

    كنت كنقول من الكوكوط شريت مجموعة طيفال
    كنت كنقول من الفران شريت فران جديد
    ما بقات عندي سبة نقولها لراجلي كنحشم والله


    وجزاكن الله كل خير


    اللهم أعنا على طاعتك وحسن عبادتك وجعلنا من عبادك الصالحين .. آميــــــن

  • #2
    اختي حاولي تجربي الوصفات الاساسية هوما الاولين منين مكيكونش راجلك فالدار,وقولي ليا بالضبط اشنو بغيتي تعرفي ليه وها انا معاك ان شاء الله انا مزوجة هادي عامين ونص وطيابي الحمد لله كيجي زوين بشهادة زوجي والجيران والضيوف ,نتي كقولي اش بغيتي بالضبط وغانعاونك شوية بشويةوالله اعاونك
    [FONT=Georgia][SIZE=4][COLOR=magenta][I]اللهم ربنا اتنا في الدنيا حسنة وفي الاخرة حسنة وقنا عذاب النار

    تعليق


    • #3
      ربي يخليك اختي والله يحفظلك زوجك وعيلتك يارب
      المشكله اختي كل مرة كي كيجي طيابي واكثر المرات كيجي خيب ماعرفتش علاش واخا كنطيب نفس المقادير وكل شي

      كنطيب في الكوكوط او الطنجرة حيت الطاجين خسر ليا وتشقق وانا متغربه ماعنديش منين نشر يطاجين
      كنشلظ البصلة ونقليها هي والثومة واللحم والزيت
      ومن بعد نضيف شوية سكنجبير والملحه والابزار والخرقوم وكنور
      ونضيف الما سخون
      ونسد الكوكوط شي ساعه واكثر على نار هاديه
      ونحل ونزيد بطاطا ونسد ونعاود نضيف زيتون

      المقادير صحيحة ولكن كتجي باسلة ياختي ماعرفتش علاش


      اللهم أعنا على طاعتك وحسن عبادتك وجعلنا من عبادك الصالحين .. آميــــــن

      تعليق


      • #4
        السلام عليكم
        ديري الخرقوم العرق والقرفة البزار سكين جبير الملح وتومة +كاس صغير تاع الماء اخليهم شوية
        وزيدي البصلة مني طيح البصلة شوية
        كبي القيا س تاع الماء ماتكتريش
        ماتكوبيش الماء على اللحم حيت كيبسلو
        كبي في جنب تاع طنجرة
        ماتخليش اللحم يبقى يطيب يحتى يتحل خليه يبقى شاد في راسوا
        نكون افدتك اختي
        sigpic

        تعليق


        • #5
          قراي عليها القران والادكار راه تجي بنينة بزز منها بالتجريب
          دخلي هاد الرابط غاتستافدي كتير
          http://www.anaqamaghribia.com/vb/showthread.php

          لاتنسي ان تدعي معي
          [SIZE=5][COLOR="#FF0000"][B]
          حب الدنيا ونسيان الآخرة والانكباب على هذه الدار الفانية صورة عارية من الفهم الصحيح لما يجب أن يكون عليه المسلم

          "كلا بَل لا تُكْرِمُونَ الْيَتِيمَ وَلا تَحَاضُّونَ عَلَى طَعَامِ الْمِسْكِينِ
          وَتَأْكُلُونَ التُّرَاثَ أَكْلاً لَّمّاً وَتُحِبُّونَ الْمَالَ حُبّاً جَمّاً"






          تعليق


          • #6
            سلام عليكم أختي إوا صراحة بقيتي فيا أ حسيت بيك بزاف حيت هاد لمشكل وقعت فيه حتى أنا ف لاول ولكن حمدلله دابا نصيحة ديالي بعدي من كنور واخا كاتبنين الأكل ولكن خايبة متلا بغيتي ديري دجاج ف لكوكوت دير ربع كأس ديال الماء فوق لعافيه مهلة ديري فيه سكينجبير إبزار ملح خرقووم زعفران زيدي عليهم دجاج يتشيهروو شوية زيدي البصل mchld عاد زيدي زيت حركي شوية لكوكوت زيدي ربيع + لقياس ديال الماء ماشي بزاف مايبسسالش و خليه ينشف و ديك ساعة ديري فريت أولى فلول ديري بطاطا و زيتون إوا ختي جربي عافاك أ ماتعيجزيش رجال راه وكالين أ كايتشهاو .

            تعليق


            • #7
              خاصك تعرفي انه سر لدة الطياب هو العافية المهيلة مع الماء قليل
              [SIZE=5][COLOR="#FF0000"][B]
              حب الدنيا ونسيان الآخرة والانكباب على هذه الدار الفانية صورة عارية من الفهم الصحيح لما يجب أن يكون عليه المسلم

              "كلا بَل لا تُكْرِمُونَ الْيَتِيمَ وَلا تَحَاضُّونَ عَلَى طَعَامِ الْمِسْكِينِ
              وَتَأْكُلُونَ التُّرَاثَ أَكْلاً لَّمّاً وَتُحِبُّونَ الْمَالَ حُبّاً جَمّاً"






              تعليق


              • #8
                السلام عليكم و رحمة الله و بركاته

                أختي حتى حد ما تا يتزاد معلم، و ديري في بالك، حتى لي معلمين في الطياب تا هوما مرة تصدق مرة لا، و خاصك تعرفي أن النفسية حتى هي تا تلعب دور، إلى كنتي طيبي لحاجة و عارفاها مسبقا أنها غادة تجي خايبة، راها غادة تجي خايبة
                قولي بسم الله الرحمن الرحيم و رطبي لسانك بالذكر
                حكي البصل الأحمر في الحكاكة و قليه في الزيت حتى يدوب مزيان عاد زيدي اللحم و التوابل و كثري التوابل راه هوما لي تا يعطيو البنة في المرقة، و ديري التوم و خلي الربيع حتى يطيب اللحم عاد زيديه مع الخضر، و حاجة مهمة، فاش تكوني تا تقلي في البصل ديري الملح و ذوقي و قادي الملح قبل ما ديري الماء، خاص يكون مالح شوييييية باش يالله يتقاد ليك مع المرق، حيت إلى طاب اللحم و الخضر في مرقة مسوسة و بديتي تقادي الملح في الأخير تاتجي الماكلة باسلة
                و حاولي فاش تاخدي اللحم من الجزار يزيدك عظيمات و رميهم في الكوكوت
                و حيد عليك كنور راها تا تجي زفرة و هي مضرة بالصحة

                تعليق

                المتواجدون الآن 1. الأعضاء 0 والزوار 1.

                أكبر تواجد بالمنتدى كان 2,525, 26-09-2016 الساعة 21:58.

                يعمل...
                X