ترقاد الزيتون

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • ترقاد الزيتون

    السلام عليكم ورحمة الله

    الله يخليكم لتعرف ترقد الزيتون تفيدني الله يجزيها بالخير

    خصوصا الزيتون الأسود لتيكون الزيتون ممكمش المهم كل ما يتعلق بالزيتون


    الله يرحم الولدين و يعطيكم ما تتمناو

  • #2
    زيتون بلدي مرقد على يدي بالطريقة التقليدية بالمراحل المصورة



    بسم الله الرحمن الرحيم

    السلام عليكم ورحمة الله وبركاته


    اخواتي و بناتي الغاليات ان شاء الله يعجبكم الموضوع
    مكنتش نويت نحطو لاني كنظن ان الكل كيعرف هاد الطريقة السهلة لترقاد الزيتون
    لكن امنار اصرات عليا فإن شاء الله تكون اضافة مفيدة







    ترقاد الزيتون فالدار بالطريقة البلدية عندو 2 اشكال
    الشكل الاول للي كيتفلح بالموس
    كل زيتون كتفلح على 4 بالموس و تترقد

    و الشكل الثاني الاسهل و للي كياخذ وقت اقل
    و لي كنسميه شد بجغ و لوح هههه
    و كنعملوها عادة لما كنبغيو نوجدو كمية كبيرة (مخزون السنة ) من الزيتون المرقد

    فوقت جني الزيتون ( ابتداء ا من شهر سبتمبر كل سنة)
    كنشريو الزيتون الاخضر بكمية كبيرة و كنرقدوه على يدنا فالدار






    و المقادير للي غتحاتجو هي :


    زيتون اخضر
    ماء
    ملح
    (حامض اختياري)


    الادوات :



    حجر (تيمومة)
    او يد المهراز
    خشبة او قطاعة للعمل فوقها
    بيدووات بلاستيك او او بواقيل فخار كتسد


    الطريقة:

    ممكن نختاصروها في 3 كلمات : شد ،بجغ ،لوح هههههه

    بعد منغسلو الزيتون مزيان و نقيوه من اي شوائب




    كنشدو الزيتونة ندڭوها بالتيمومة او بيد المهراز















    للي معندهاش تيمومة تستعمل يد المهراز





    حتي تفتح كيف مبين فالصورة










    و كنديروها فبيدو او سطل او قلة حتى كنعمروها بالزيتون








    و كنضيفو عليه الماء (الماء بوحدو بلا اضافة)






    كنسجلو تاريخ اول ترقاد لاننا غنبدلو الماء 3مرات مدة 30 يوم
    الزيتون كيكون جاهز للاكل و كتخف منو المرورة و الحرورة بعد 30 يوم من الترقاد

    بعد 10 ايام كيخصنا نبدلو الماء




    و بعد 10 ايام اخرى يعني 20 يوم كنبدلو الماء مرة اخرى



    و بعد 10 ايام اخرى يعني 30 يوم بالتمام و الكمال

    كنبدلو الماء مرة اخرى و هاد المرة كنملحوه القياس للي بغينا
    (ملعقة كبيرة لكل بيدو 5 ليتر)




    و ممكن تعملو معه الحامض بعد 30 يوم و تصيروه او تحمضوه للطويجنات



    و كيولي الزيتون جاهز للاستهلاك





    تعملوه فطويجناتكم او مع زويتة بلدية و تفطرو بيه

    او تشرملوه باي خضر او عطرية كتفضلو






    المهم انه كيكون عندكم الزيتون البلدي البيتي على مدار السنة فالدار
    كل موسم كتعملو نفس العملية بالكمية للي تكفيكم لمخزون السنة






    تعليق


    • #3
      ترقاد الزيتون



      بسم الله الرحمن الرحيم
      السلام عليكم ورحمة الله وبركاته
      كيدايرين الاخوات الانيقات نتمنى تكونو بالف خير
      اولا
      غادي نوريكم طريقة ترقاد الزيتون بانواعه
      اولا كنعزلو الزيتون الاخضر من الاحمر من الاسود او كنشقوه بالسكين 3 الشرطات



      كندير كل نوع في بيدو مع الماء و كنبدلو ليه الماء يوميا

      الزيتون الاسود دغيا كيطيب مدة اسبوع تقريبا
      كنزيدو ليه الحامض مقطع دوائر الملح او نخليوه يومين حتى تدخل فيه الملحة و الحامض
      الزيتون الاحمر مدة اسبوعين
      الزيتون الاخضر تقريبا 20يوم

      ثانيا
      الان باش نشرملو الزيتون ديالنا
      ناخدو القياس اللي خادي نستهلكو في اسبوع نزيدو عليه الجزر مقطع رقيق والحار حسب الرغبة والحامض مقطع ضغير وعصير الحامض وزيت الزيبون

      ثم القسبور المعدنوس الثوم الزعتر الكمون السودانية او الهريسة اللي مايبغيش الحار يزيد التحميرة

      نخليوه يوم باش تدخل فيه الشرمولة

      هاهو واجد

      صورت ليكم غي الزيتون الاسود اما الاحمر والاخضر باقي ماطاب كنستعملو ليهم نفس الطريقة ديال الزيتون الاسود

      بالصحة والراحة


      تعليق


      • #4

        **ترقاد أو ( تجفيف) الزيتون الأسود**




        الطريقة :

        نأخد الزيتون ونغسلوه ونعمل لو الملح على حسب الكمية الي عندك من الزيتون ونعملو في كيس متقب ( خنشة ديال الخيش ) الخيش بالنسبة للدول العربية الي ما عرفو ايه هو الخيش هو الكيس الي بيحطو فيه الحبوب او البن مصنوع من الخيط هذا .....


        ولما نوضع الزيتون في الخيش نتقلو عليه بأحجار أو أشياء ثقيلة ونتركو أسبوع أو أكثر حتى يقطر مزيان ويخرج المرج نتاعو (أي الماء الاسود الي بيخرج منو لما تقلناه ) من بعد نشمسوه في السطح تحت أشعة الشمس حتى نحس انو خلاص وجد
        نقسموا على اتنين نصف ندهنو بزيت الزيتون ونحطو في علبة واخدو وقت الحاجة والنصف الاخر نشرملوا : ناخد الثومة مدقوقة ووالكامون وشوية السودانية و زيت زيتون وشوية مقدونس مفروم وشوي من الارز المسلوق نخلطهم ونعملهم على النار نسخنهم شوي وبعدين نخلطهم مع الزيتون ونحتفظ بيه في علبة ونطو بالثلاجة لوقت الاستعمال
        أنتمنى أن أكون أفدتكم


        تعليق


        • #5
          شكرا جزيلا ختيromaysati على المعلومات وعلى الجهد

          الله يعطك ما تمنيتي في خاطرك ويسهل عليك ما صعاب

          تعليق


          • #6
            تبارك الله عليكم
            انا حتاجيت الموضوع و لقيت الحادقات سابقيني

            الله يجزاكم الجنة
            [sor2]http://www.anaqamaghribia.com/up//uploads/images/anaqamaghribia579b4c8af7.jpg[/sor2]

            [img2]http://www.anaqamaghribia.com/up//uploads/images/anaqamaghribiaaab140985a.gif[/img2]

            تعليق


            • #7
              رد: ترقاد الزيتون

              مافهتش واش الاكانت كمية الزيتون كثيرة بغينها على طول العام واش نديرو فالبيدوات ونسدوعليه وناخدواحد البيدوفقط للنغيروالماء نضيفلو الملح ولاكلهم نديرو لهم ولجربت الطريقة امنار ونجحت لها ترد علي الله يجازيها بالخير

              تعليق

              المتواجدون الآن 1. الأعضاء 0 والزوار 1.

              أكبر تواجد بالمنتدى كان 2,525, 26-09-2016 الساعة 21:58.

              شاركي الموضوع

              تقليص

              يعمل...
              X