نصحوني الحادكات عندي الخطبة قريبة

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • نصحوني الحادكات عندي الخطبة قريبة




    السلام عليكم ورحمة الله تعالى وبركاته


    من فضلكم أخواتي الغاليات قربات عندي الخطبة دعيو معايا الله يكمل بخير
    ولكن معرفت منوجد في الماكلة
    ماما قالت لي ندير البسطيلة واللحم ولكن بغيت افكارهم في كلشي من مقبلات ومشروبات وحلويات وكيفاش نقدم هدشي اشنو نسبق ليهم واشنو نخلي للآخر
    على فكرة هما غاديين يجيو بعد الظهيرة يعني مع 4 تقريبا على حسب قولهم
    هما ساكنين بعيد وغادين نعملو هدرة وخطبة كبيرة في نفس الوقت لانهم ساكنين في مدينة اخرى كيف سبق وقلت

    الله يخليكم ويسهل عليكم لما نصحوني بغيت نحمر وجهي ووجه عائلتي














  • #2
    اختي الله يكمل بخير
    كنتمنا الاخوات الي سبقونا و عندهوم تجربة اكثر يدخلو يجاوبوك و نستافدو حثى حنا معاك .
    الف مبروك اختي

    تعليق


    • #3
      أختي الله يجعل كلشي مبارك مسعود إن شاء الله دوز الأمور بخير وعلى خير
      أول شيء خاصك متهمليش راسك خاص تقادي وتكوني مرتاحة باش تستقبليهم على أحسن صورة ومتنسايش صلاة الاستخارة
      منين يجيوا قدموا ليهم الحليب والتمر كأول حاجة من بعد السلاطة الكبيرة متنوعة وكيما قالت ليك ماماك الله يخليها ليك البسطيلة بالدجاج من بعد اللحم بالبرقوق واللوز أو المشماش والكركاع من بعد الديسير وهادشي وجدوه على تيساع باش طلقاوا راحتكم وحتى أنتيا تكوني مرتاحة. إلا كانوا مثلا غيجيوا بالسبت ديروا القوام للدجاج واللحم نهار الخميس وديرهم في الثلاجة ونهار الجمعة شري ورقة البسطيلة وطيبي الدجاج ولفي البسطيلة ديالك وقديها مزيان ودخليها للثلاجة وطيبي اللحم وصوبي الصواني ديال أتاي وطبسيل الحلوى والفواكه الجافة إلا بغيتي وسلو والديسير كذلك قاديه في الطباسل والتمر كذلك ومنساش السلاطة سلقي كاع الخضرة لي غديري في السلاطة وعمليها في الثلاجة ونهار السبت منين يجيوا عملي السلاطة القوام ديالها وستفيها في الطباسل ودخلي البسطيلة طيب إوا منين يجيوا سخني داك الخير وحطيه ليهم بالترتيب، وتبارك الله المنتدى عامر شهيوات يمكن ليك دخلي وتشوفي الأقسام الخاصة باللطبخ: السلطات والمقبلات والقسم الخاص بالعراضات، ومنين يتغداو حطي ليهم أتاي مع الحلويات
      أهم حاجة هو نتي تهلاي فراسك وإن شاء الله كلشي يدوز بخير وعلى خير متنسايش صلاة الاستخارة ومنين يدخلوا قراي سورة الإخلاص والمعوذتين
      ومنساش دائما الابتسامة تنورك فهي مفتاح السعادة والدخول للقلوب الطيبة
      ألف ألف ألف مبرووووووك

      تعليق


      • #4
        الله يكمل بالخير اختي

        تعليق


        • #5
          http://www.google.co.ma/imgres?imgur...:1&um=1&itbs=1
          شوفي هاد الروابط دياول فن تقديم التمر عجبوني بزاف وللحديث بقية
          http://www.almohnad.net/vb/t6292.html

          تعليق


          • #6
            مبروك عليك الحبيبة ديالي فيفي والله يكمل ليك بالخير ويجعلها خطبة مباركة
            اول ماتيدخلو الضيوف وتيرتاحو تقدي ليهم التمر بالطريقة لفي الروابط السابقة وقدمي مع التمر الحليب
            ثم قدمي ليطارطوليت بلاكريم والفواكة +حلويات لاكريم /باسطيلي/ مع عدة انواع من العصائر
            ثم الشاي مع حلويات اللوز او حلويات الشاي المتنوعة
            ثم مملحات /محنشات+ بيتزات + بيوات+ شوصو + وكملي من عندك اي شهيوة مالحة تتقنيها المهم الطابلة تكون مزوقة بالشهيوات غير صبري وصافي
            وعند تقديم الاكل عملي سلاكة الجردة وحاولي تفني فيها وتغيري من الطريقة المعروفة
            الوجبات الرئيسية عملي بسطيلة اما مالحة او حلوة او بالحوت +الكوكلي معمر +الكتف والضلعة معمرين ومحمرين شوفي على حساب الميزانية +انواع ديال المشروبات الغازية
            والديسير هناك قريق تنعملها في المناسبات تتجي رائعة في التقديم /تتاخدي شي طيفور كبير او لمكانش تتاخدي اكبر سينية عندك ديال الشاي وتزولي ليها الرجلين وتغلفيها كاملة بالبابييي اليمينيو وتزيني ليها الجوانب دياولها بوريدات او حسب دوق
            ك وتستفي فيها الديسير ليعندك كلو بطيقة فنية شوفي هاد الرابط يقدر يفيدك في بعض الافكار
            http://azoum.maktoobblog.com/categor...2%D8%AF%D9%8A/ والف الف الف مبروك

            تعليق


            • #7
              السلام عليكم اختي في الله
              الله ايكمل اعليك بخير اختي ويجعلو زوج صالح ان شاء الله ولاتنسي صلاة الايستيخارة

              تعليق


              • #8
                الله يبارك فيكم ويا ربي يكمل هدشي على خير على فكرة هما غاديين يجيو بعد أيام العيد وخفت منلقاش الورقة ديال البسطيلة حيت المحلات كيكونو مغلوقين واش تصبر لية لخديتها قبل والله يرزقكم ما نويتو في خاطركم والف شكر على النصائح الله يجعلها في ميزان الحسنات المقبول













                تعليق


                • #9
                  allah ykemel alik belkher akhti

                  تعليق


                  • #10
                    آمين يا ربي وياريت تكملو خيركم وتقولو لي كيف ندير في ورقة البسطيلة باش تبقا لي مزيانة ومتخسرش وواش كاين شي محل كيبيعها من بعد العيد بيوماين والف شكر













                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X