ولا مرة نجح لي الملوي أو رزة القاضي و مقادير المسمن ...

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • ولا مرة نجح لي الملوي أو رزة القاضي و مقادير المسمن ...

    السلام عليكم و رحمة الله و بركاته

    البنات و لا مرة نجح لي الملوي أو رزة القاضي كانتبع الطريقة بالتفصيل و لما كانلويه باش يولي ملوي وكانخليه يرتاح لما كانبسطو يصبح خبزة وحدة و ما كايبقاو لا لويات لا والو و ما كايطيبش من الداخل

    أما رزة القاضي حدث و لا حرج ههه حتا هي تصبح خبزة

    بغيت المقادير و الطريقة يكونو كايصدقو

    كليت عند واحد السيدة واحد المسمن مورق ورقة رقيقة مفصولة على ورقة و مقرمش رآائع و لكن ما عرفتش كيف عملات ليه لي عندها شي فكرة تفيدني

    و بغيت كدلك مقادير عجين المسمن
    و سؤال آخر أشمن نوع من الدقيق كاتستعملو في المسمن و الملوي واش الدقيق الأبيض أي الفورص أو دقيق القمح



    الله ينولكم لفي بالكم آمين


    قال تعالى : ** مَن يَعْمَلْ سُوء اً يُجْزَ بِهِ ** النساء123

  • #2
    شوفي هاد الرابط عسى هاد المرة يصدقو ههههه
    http://www.anaqamaghribia.com/vb/sho...لملوي-يجي-مفرز








    أحبكن في الله

    تعليق


    • #3
      انتمنى من الله يصدقو لي
      الله ينولك لفي بالك ألحبيبة


      قال تعالى : ** مَن يَعْمَلْ سُوء اً يُجْزَ بِهِ ** النساء123

      تعليق


      • #4
        اختي
        انا كنضن انا المشكلة لعندك هي في كيفية التوراق وكدالك في تكراس
        اختي ال بغيتي تعلمي ماشي عيب سر عند شي وحدة من دوك لكيعملو المسمل في المحلبات وطلبها توريك راه متقوليكش لا لان طريقة باش ترش زيت وزبدة وانت كتورق وترش سميدة او لو ز غبرة راه عندها دور باش يجي متساوي في رشان
        وكدلك تكراس لازم يكون سمك معين ماغليظ باش مايبقاش مدقس ومر قيق باش ميجيش ورقة وحدة رقي قة دغي كتشرب طياب وتكرم
        وحاجة اخرى اختي في طياب الملوي ورزة القاضي من كترميهم يطيبو في المقلة كيتجمع الوسط فانت وسط المقلة كتكرس باش كتسرح ديك تجمع لكي وقع في الوسط
        واختي ماديرهاش مني قلة صواب من قلتليك سير عند مولت محلبة
        لانو انا من كنت صغيرة كانو كيتجمعو العيالات تاع العائلة باش كيصوبو شبكية ومكانوش كيخلونى نصاوب معهم او يعلمونى بحجة اني صغيرة هم صراحة باش من نخسر العجينة
        المهم اش درت انا كاينة واحد سيدة في درب هي ورجلها من كيج رمضان كيصاوب ويبيعو الشبكية مشيت عندها وقلت ليها ام فلانة ال كان ممكن تعلمني كيفاش نلوي شبكية راه فلانة وفلانة مكيخلونش نتعلم ودايما كيقوللي باق صغيرة في حين ان امي كانت كتورني اي حاجة كنطلبها منها
        ام فلانة بقات تضحك وقالت لي نعلمك وفعلا تعلمت ووليت كنعاون امي وعلمت خوتاتي فولينا حنا وامي كنعملوها جوج مرات في رمضان هي كتعجن وتقلي وحنا نلووا معها
        والله اكتر خير اكتر خير ام الحاجة زينة ويرحمها فيما كانت

        تعليق


        • #5
          آمين

          أختي أم ميسون بالعكس فكرة زوينة غير كنت نقول إذا مشيت عندها ما غادياش تقولي سر المهنة ديالها و لكن هاد المرة و نزعم و نسولها أو نبقى واقفة حداها حتى نشوف بعيني
          المشكل لي عندي أنني لما كانلويه و كانخليه يرتاح لما كانبغي نgرصو ماكايبقاش ملوي كايولي خبزة وحدة و كيف قلتي أن المشكل في التوراق و
          التgراص
          المشكلة أن حتا الوالدة عندي ما كاتعرفش تقادهم الله يخلي ليك أمك و يطول في عمرها آميين
          الله ينولك لفي بالك و يخلي ليك ميسون و أبوها و يخليك ليهم آمييين
          شكرا ألحبيبة على النصيحة


          قال تعالى : ** مَن يَعْمَلْ سُوء اً يُجْزَ بِهِ ** النساء123

          تعليق


          • #6
            السلام عليكم
            اختي انا غدي نعطيك السر لي ديريو فالمسمن او الملوي هو انك كتخلكي خميرة حمراء مع زبدة و الزيت باش كتكرسي و كترشي بشوية ديال السميدة هاذي معروفة و الطريقة اكيد انتي عارفها . هذا السر كانت عطاتو لينا واحد السيدة الله اجزيها بالخير عند راجلها بتسري و هي لي كتصوب كلشي بيدها .ونصيحى حاولي تورقي مزيان حيت باش ماكان توراف رقيق مكيجيش مدقس لكن الى بغيتي طيبها كرسي غير شوية باش ميجيش رقيق و متكرسي حتى تبغي تديريه فالمقلة باش ميتلقش و يرقاق بزاف . نتمنة نكون فدتك .
            "اللهم إني أستودعك جنيني الذي في رحمي، أنت الذي لا تضيع ودائعك يا الله"
            "اللهم ارزقه جمال الخَلق والخُلق، وقوة الدين والبدن، وسعادة الدنيا والآخرة"
            اللهم يا أرحم الراحمين , اللهم أكتب طفلي الذي في بطني من السعداء ..
            اللهم اكتب له العمر الطويل بالعمل الصالح ...

            Read more: http://www.anaqamaghribia.com/vb/sho...#ixzz3rGlWNUkQ

            تعليق


            • #7
              الله يجازيك بخير أختي التائبة لله و يسر أمرك و ينولك لفي بالك آمييين
              شكرا ألحبيبة على النصائح


              قال تعالى : ** مَن يَعْمَلْ سُوء اً يُجْزَ بِهِ ** النساء123

              تعليق


              • #8
                http://www.anaqamaghribia.com/vb/sho...6-%E3%E6%D1%DE

                تعليق


                • #9
                  المشاركة الأصلية بواسطة mlle 7awa2 مشاهدة المشاركة
                  السلام عليكم و رحمة الله و بركاته

                  البنات و لا مرة نجح لي الملوي أو رزة القاضي كانتبع الطريقة بالتفصيل و لما كانلويه باش يولي ملوي وكانخليه يرتاح لما كانبسطو يصبح خبزة وحدة و ما كايبقاو لا لويات لا والو و ما كايطيبش من الداخل

                  أما رزة القاضي حدث و لا حرج ههه حتا هي تصبح خبزة

                  بغيت المقادير و الطريقة يكونو كايصدقو

                  كليت عند واحد السيدة واحد المسمن مورق ورقة رقيقة مفصولة على ورقة و مقرمش رآائع و لكن ما عرفتش كيف عملات ليه لي عندها شي فكرة تفيدني

                  و بغيت كدلك مقادير عجين المسمن
                  و سؤال آخر أشمن نوع من الدقيق كاتستعملو في المسمن و الملوي واش الدقيق الأبيض أي الفورص أو دقيق القمح



                  الله ينولكم لفي بالكم آمين
                  ختي لمسمن لبغيتي يجيك مورق راه تتكرص وبالزبدة ومع رشها بقليل من القمح سبسيال










                  ربي هب لي من لدنك الذرية الصالحة الساليمة والمعافاة لا زيادة ولا نقصان


                  تعليق


                  • #10
                    السلام عليكم و رحمة الله و بركاته

                    هاد الطريقة شفتها من عند اخت نقلاتها من اخت اخرى و انا نقلتها ليكم هههههه



                    فهمتو شي حاجة غير نقيل في نقيل ههه

                    و من اليوم ما بقيتوش تقو لو مكيسدقليش الملوي حينت كيجي


                    هشيش و مورق و شهوة منو .



                    مقادير الملوي كيف العادة :


                    دقيق الفينو و د قيق الفورص مخلطين * ملح و ماء دافئ للعجن


                    انا زدت طريطقة خميرة و نتي لك الاخيار .



                    طريقة : عجني العجين بالماء و دلكي جيدا

                    شكليه كرلا و تركيه يرتاح





                    --- للتوراق :

                    الزبدة دابة و مخلطة مع خمارة حمراء و شو ية السميدة





                    ----و رقي كل كرة على شكل ملوي مربع






                    -----منين تنتهي منهم كا ملين ديري ملوية فو قاخرى حتى تكمليهم



                    و بسطيهم مزيان بيديك و رشيهم بخليط الزبدة



                    --------- لويهم على شكل عصى و دخليه التلاجة






                    -----خرجيهم و قطعيهم







                    طيبيهم بحال العادة في مقلاة










                    ربي هب لي من لدنك الذرية الصالحة الساليمة والمعافاة لا زيادة ولا نقصان


                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X