طياب الطجين و طياب الكوكوط ؟؟؟ أشنو الفرق ؟؟؟

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • طياب الطجين و طياب الكوكوط ؟؟؟ أشنو الفرق ؟؟؟

    اCENTER]
    السلام عليكم أخواتي و عواشر مباركة ليكم و لجميع أحبابكم

    ايوا يا الحبيبات أنا جديييدة في الكوزينة باقا كانمحي الأمية فيها بيما أني قربت نمشي لداري فأنا مرغمة ههههههه. الحمد لله لقيت فهاد المنتدى أخوات حادكات كل مرة كنتعلم معاهم شي حاجة جديدة الله يجازيهم بكل خير.

    المهم السؤال اللي بغيت نعرف اجابة ديالو هي شنو الفرق بين الطياب ف الطاجين و الطياب فالكوكوط ؟؟؟:s1737:
    واش كل واحد عندو طريقة معينة او كيف كيف غير الانية اللي كتختلف

    ما ضحكوش عليا را ختكم مكلخا في الطياب, كنخاف غير يبغيو ناس راجلي يجيو عندي من بعد العرس او نولي محشما معاهم يقولو ما كاتعرف حتى طيب هههههههههه
    [/CENTER]

  • #2
    الفرق بين الطاجين والكوكوت هو الطاجين تنديرو اللحم والزيت والبصلة والربيع والعطرية كلها الا الكامون نشحروه مزيان وندير شوية الماء والخضر حسب الاختيار ومن الفوق تندير مطيشة دوائر والزيتون والربيع والملحة والبزار ونخليه طيب مرة مرةناخد معلقة ونبدا نسقيه بالمرقة ديالو باش يشرب العطرية ديالو اما الكوكوت تندير اللحم والزيت والبصلة والربيع والثومة والعطرية الا الكامون نشحروهم مزيان وديروا الماء ونسد الكوكوت حتى طيب اللحم شوية عاد ندير الخضر ونرش شوية الملح والبزار نتمنى نكون شرحت مزيان واتمنى لك التوفيق في حياتك الزوجية والصبر هو كل شىء

    تعليق


    • #3
      bhali bhalk omiya f lkozina

      تعليق


      • #4
        ana 3arfa khtilaf wahed howa makadirich touma f tagin walakin f cocot diriha hta ana yalah kanet3alem 3ad jdida f lcosina hta jit ldari w bdit kanet3alem

        تعليق


        • #5
          ديري كيما دارت صاحبتي كانت مكات تفهم والو فالطبخ
          شرات دوك الكتيبات الصغار ديال الطبخ وكاين فيهم ديال الطجين بوحدو تدير دروك شي طواجن من العجائب والروز على اشكالو سولتها كيفاش وانت مكلخة فالطبخ قالت لي الباركة فهاد الكتوبة
          وانصحتها تشارك معنا فهاد المنتدى وقريبا غتكون معنا باش حتى هي تستافد :s1987:

          تعليق


          • #6
            الصراحة الطجين بنين

            الكوكوت نستعنلها غير الى كنت زربانة وصافي

            حتى انا عاد بادية ولكن دايما وليت نطيب غير في الطاجين

            حتى الخضرة كتجي عندها واحد المنظر زوين





            تعليق


            • #7
              سمحليا الاخت هبةواية غير نسيت ماكتبش تومة في الطاجين اما هي ضرورية في الطاجين والكوكوت المهم هو خاصك متخليت الماء فيهم خاصو بقى واقف على الزيت

              تعليق


              • #8
                المشاركة الأصلية بواسطة sania2 مشاهدة المشاركة
                الفرق بين الطاجين والكوكوت هو الطاجين تنديرو اللحم والزيت والبصلة والربيع والعطرية كلها الا الكامون نشحروه مزيان وندير شوية الماء والخضر حسب الاختيار ومن الفوق تندير مطيشة دوائر والزيتون والربيع والملحة والبزار ونخليه طيب مرة مرةناخد معلقة ونبدا نسقيه بالمرقة ديالو باش يشرب العطرية ديالو اما الكوكوت تندير اللحم والزيت والبصلة والربيع والثومة والعطرية الا الكامون نشحروهم مزيان وديروا الماء ونسد الكوكوت حتى طيب اللحم شوية عاد ندير الخضر ونرش شوية الملح والبزار نتمنى نكون شرحت مزيان واتمنى لك التوفيق في حياتك الزوجية والصبر هو كل شىء
                الله يجازيك بخير اختي sania2 و بارك الله فيكي و شكرا على المعلومات القيمة

                تعليق


                • #9
                  أختي bant agadir هاحنا كنتعلمو شوية بشوية الله يرزق غير الصحة و السلامة

                  تعليق


                  • #10
                    اختي hiba&aya علاش تومة ماكدلرش ف الطجين واش ماكتجيش مزيانة فيه

                    و شكرا على مرورك و ردك

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X