إعـــــــلان

تقليص
لا يوجد إعلان حتى الآن.

وصفة باش مانخليش واحد المسكوتة ضِّيعْ

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • وصفة باش مانخليش واحد المسكوتة ضِّيعْ

    السلام عليكم،
    الله يرحم الوالدين ،شكون اللي عندها شي وصفة باش مانخليش واحد المسكوتة ضِّيعْ حيت تقسمات لي ومابقا عندها لا ساس لاراس الله يسمح لينا من التبذير مابغيتهاش تْرْمَى حيت درتها بالشهوة وشكرا

  • #2
    اختي واش تفرتت؟ يمكن ليك تجمعيها بالكنفتيرولا عصير برتقال وديريها كويرات صغار فنديهم في الكوك ولا الشكلاط وديريهم في كويغطات وها انت عندك حلوة جديدة هذه الطريقة نعملوها خاصة اذا كانت باردة يعني بعد مدة من صنعها

    تعليق


    • #3
      ممكن تفرتيها كاملة ودري ليها نسلي

      وتغطسيها في شكلاط سبق اذابته وتزينيه من فوق فرميسيل ملون بالهنا والشفا










      ربي هب لي من لدنك الذرية الصالحة الساليمة والمعافاة لا زيادة ولا نقصان


      تعليق


      • #4
        ماصدقاتش ليا كيكة، شوفو آشنو عملت بيها (بالصور)


        26/04/2010
        مغربية و افتخر



        السلام عليكم و رحمة الله و بركاته،
        البارح صوبت كيكة، و كنت ناوية نجرب نعمرها و نزوقها بكريم شانتي لأول مرة. الساعة ماصدقاتليش:mad:. طفيت عليها الفران و هي فنص الطياب و مشيت تغديت فاش رجعت لقيتها تفشات. إيوا فاش خسرات قررت نغير الإستعمال :) و فكرت رجعها ديسير. خلاوها ماليها كسكسو رجع محمصة:confused:.




        شفتو كيف جات؟؟:mad:

        المقادير اللي غتحتاجي:
        1 كاس حليب نيدو + 2 م ك مايزينا + 2 مك سنيدة + 2 خنيشات فانيل + نصف لتر ماء
        2 كيسان قهوة + شكلاط شعرية للتزيين







        نخلطو المقادير ديال الكريم بطراب يدوي مزيان حتى تمتزج المكونات



        و نديروه يطيب فوق عافية مهيلة حتى يعقد



        وجدت القهوة و قطعت الكيكة مربعات صغار



        غمست طريفات ديال كيكة فالقهوة و نزلتهوم فالكاس



        غطيت بالكريم و عملت طبيقة أخرى ديال كيكة بنفس الطريقة ثم طبيقة من الكريم



        زوقت بالشكلاط شعرية



        و دخلتها للثلاجة، خاصها تبقى على الأقل ساعتين



        جات لذيذة و منسمة بالقهوة و الشكلاط. مرة أخرى إن شاء الله ما غاداش نتسنى الكيكة تخسر باش نوجدها ههه

        بالصحة و الراحة.


        تعليق


        • #5
          ممكن تعملي بها طورطة بهذا الكيك لتفرتت


          هادي واحد الطورطة سهلة تنعمل وقت ما شاط ليك الكيك اوتفرتت ليك دغياه تتوجد و مقاديرها بسيطة


          اول شي تنوجد الكراميل و اكيد الكل كيعرف ليه نصب فمول



          من بعد نستف عليه البنان مقطع



          و نضيف قطع من الكيك نغطي بيها المول




          و نزيد ليه اللوز ايفيلي اختياري و نصب عليه الفلان نتاع البنان من بعد مانكون وجدتو


          و نخليه حتي يبرد و نضيف فلان اخر انا هنا اختاريت نتاع الفريز وصبيتو وهو دافي



          ندخلها الثلاجة تبرد مزيان هاهي وجدت










          ربي هب لي من لدنك الذرية الصالحة الساليمة والمعافاة لا زيادة ولا نقصان


          تعليق


          • #6


            المقادير :

            1 / كيك (الجاهز) ..
            2 / بسكويت
            شوي حليب سايل ..
            شوكولاته ساده ( جالكسي او اي نوع )

            الطريقه :

            نفتت الكيك بالشوكه
            نكسر بسكويت كسر صغيره ونضيفه على الكيك
            ونضيف لها شوي حليب بس شي يخلي الكيك يتماسك ..
            نشكل الكيك كور صغيره مثل الحجم اللي بالصوره

            /

            نذوب الشوكولاته بحمام مائي

            :

            انا هنا خليتها ثلاث انواع

            النوع الاول بالشوكولاته وجملته بالشكولاته غامقه ذوبتها وحطيتها بكيس صغير و فتحته فتحه
            صغيره
            وحطيته بشكل بسيط فوق الشوكولاته العاديه ..

            النوع الثاني بالشوكولاته بعدين بكورن فليكس مكسر

            النوع الثالث نستله بعدين جوز هند ..

            حطوا على الصحن بلاستيك او ورق شاورما علشان ما تمسك بالصحن لما نحطها بالثلاجه ..
            بعد ما تبرد نرتبها ونقدمها بالعافيه ..

            /

            الطريقه بسيطه ولذيذه ,, كثير لما شافوها توقعوها جاهزه ..


            تعليق


            • #7
              الله يعطيكم الصحة هادشي لذيذ ماشاء الله

              تعليق

              المتواجدون الآن 1. الأعضاء 0 والزوار 1.

              أكبر تواجد بالمنتدى كان 2,525, 26-09-2016 الساعة 21:58.

              يعمل...
              X