عتقوني

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • عتقوني

    السلام عليكم البنا ت اي حاجة جربتها مكاتجينيش لديدة الراجل ديما التعليقات بالمناسبة هو مصري كيقوليا على وصفاتهم نمشي نديرها والو بالخصوص الروز كيبغيه بزاف عندهوم الانواع عييت كندير جهدي كولو الغربة كملاتها عليا عتقوني الله اكمل الكل وحدة ماتمنات

  • #2
    اختي صباح الخير بقيتي في يا عارفة الغربة والوحدة مكتلقاي اللي عاونك او يعطيك النصائح بالنسبة الطياب راه خاصكي اول شيء متعصبيش الى شي مرة ماطلعش زوين المرة الجاية حاولي تشوفي شنو الخطأ اللي دتي تعلمي منو او راجلك إلا كيبغي طبخ المغربي مرة مصري ومرة مغربي والمنتدى راه عامر شهيوات زوينن خاصكي غي تكون عندك الرغبة باش تطيبي او راه حتى واحد مكيتزاد معلم اما الارز راه بان لي ساهل انا عندي شي وصفات ديال الارز إلى بغيتي مرة مرة نحطليكشي وصفة او طبقي حتى من المنتدى راه انا ستافدت منو بزاف غي المهم خاصكي غي شوية دبال الصبر أي سؤال انا موجودة كنتمى نكون ساعدتك شوية

    تعليق


    • #3
      الله يكون في عوننا أختي على الغربة ما خلات لنا خاطر ولكن بالنسبة للطياب متخافيش كلنا بدينا هكذا غير مرة مرة غيري وكثري التبزيرة وقللي الأكل مزيان قبل ما تزيدي عليه الماء لكن بالنسبة الأكل المصري ساهل خصك غير شوية التركيز معهم باش تتعلمي ومع الوقت غتولي مكلتك لذيذة غير صبري وصممي على التعلم. ومنتدانا ماشاء الله تعلمنا الشي الكثير .
      ا:s11353:

      تعليق


      • #4
        لهلا اخطيكم عليا خواتاتي عطيتوني شويا ديال المعناويات مكرهتش وصفات الرز كيبغيه حبة حبة مع حنا عايشين في السعودية قالك البرياني الابيظ مع الحوت المهم هدا هو سر لكانت خدامة مكادير والو ف دارهم الله ارزقكم درية الصالحة .

        تعليق


        • #5
          اختي حتى انا متزوجة مصري و قبل الزواج كنت خدامة و ما كنتش نعرف انطيب
          راجلي ما عندوش مع ماكلة الدار بزاف
          ولكن انا قررت نتعلم حيت كيجيوا عندي الناس
          بالنسبة للماكلة اللي فيها الروز غادي نعطيك طريقة المحشي
          راهم كيعملوا محاشي بكل الخضر
          الخلطة هي:الروز+مطيشة مقطعة طريفات صغار+بصلة مقطعة طريفات صغار+قزبور معدنوس شبت مقطعين+شوية السمنة ديالهم+بهارات اللحمة ديالهم+ملح+ابزار+كمون+تخلطيهم و تعملي المحاشي دالك اللي هو كيبغيهم و تستفيهم في طنجرة كل جاجة بوحدها و من الفوق تزيدي عليهم معلقة كبيرة سمنة+2 ديال كنور ديال اللحم و تنقصي البوطة و ملي يطيب و ينشف تقلبيه في طبسيل
          انا كيعجبني غير الكرمب جربي كل مرة حاجة
          sigpic

          تعليق


          • #6
            اختي بالنسبة للروز انا كنعمله في rice *****r كنعمل شوية ديال السمنة وكنشوح فيها الروز كنزيد عليهم الماء كنزيد الملح كنزيد الزعفران شعرة كنزيد المسكة الحرة الا بغيتي تعملي حبة ديال الهيل و الروز البسمتي كل كاس ديال الروز تحطي عليه 2 كيسان ديال الماء
            sigpic

            تعليق


            • #7
              السلام عليكم و رحمة الله و بركاته
              اختي الله يعينك صراحة حتا انا مزوجة مصري و ماكانش عندي دراية بالاكل المصري كنت كندير غير المغربي و راجلي الله يجازيه بخير بدا كيعلمني شويه بشويه و انا بدوري الى سمعت اي وصفة مصرية كنقلب عليها فالنت و كنديرها
              كنفيق بكري و كنبقى بشويه عليا حتى نكمل و مشيت لمصر و تعلمت من اخواتاتو صراحة مبخلوش عليا و انا دبا الحمد لله و ليت كنطيب احسن منهم و بشهادة راجلي خصوصا الحمام و الرز و السلطات
              نصيحة بخصوص الرز
              دائما الرز لازم يتنقع اقل حاجة ربع ساعة
              و يتحرك مزيان مع السمنة حتي يولي كيقرقش
              و الما لكضيفي يكون غليان
              و كيطيب على عافية مهيلة بزاف
              و مكيتحركش من بعد الطياب على طول



              الرز المصري غسليه مزيان و نقعيه فالما شي نص ساعة
              تكون الكاميلة متلصقش و من الاحسن تخصي كاميلة غير للرز داكشي لدايرة انا
              الرز بالشعرية
              ديري السمنة و شويه الشعرية حتى تولي حمرا و ضيفي الرز من بعد متسقطر مزيان و ضيفي الملح و حركيه مزيان حتى يولي ناشف و ضيفي الما غليان و كل كاس رز كياخد كاس و نص ماء و غطيه و نقصي العافية على الاخر و خليه حتى يطيب من ربع ساعة حتى 20 دقيقة و من بعد متتطفي عليه خليه متحركيهش او تحيدي الغطا شي ربع ساعة تاني من بعد حركيه بالفورشيط و غادي يكون ليك حبة حبة


              الرز البسمتي كنديرو بجميع الطرق و الحمد لله دايما كيطلع زوين
              الى بغيتيه مندي
              قطعي بصلة رقيقة و ديري شويه السمنة و ضيفي البصلة حتى تدبال من بعد ضيفي هيل و قرنفل و عود قرفة و حركي مزيان و ضيفي الرز و الملح و حركيه حتى يولي كيقرقش و ضيفي الما و خليه يطيب على خاطرو
              ملي يطيب و تطفي عليه تكوني موجدة شويه الزعفران شعرة مدوب فشويه الما و سقيه بيه و غطيه و خليه يرتاح و ملي تبغي تحطيه شعلي فاخرة و ديري شي طويسة ديال الزجاج او اي حاجة وسط الرز و طفي الالفخرة فيها و سدي على الرز باش ياخد ريحة الفاخر
              و تكوني سالقة لحم الغنمي دائما مع بصلة و تومة و قرنفل و هيل و ورق غار وعود قرفة و ملح و حمري اللحم فالسمنة على البوطا او الفران و طفي فيه حتى هو فاخرة باش يجي بحال الى مشوي و سربي الرز و ديري عليه اللحم و زوقيه بالزبيب محمر و البصل محمر بحال ديال الكشري و رافقيه بسلطة و مخللات و بالصحة و الراحة و اي سؤال انا فالخدمة
              سرعة الايام مخيفة!
              ما إن أضع رأسي على الوسادة إلا وأشرق نور الفجر..
              ما إن أستيقظ إلا وحان موعد النوم..
              تسير أيامنا و لا تتوقف !
              وأقول في نفسي : حقاً السعيد من ملأ صحيفته بالصالحات ..
              - والسؤال الذي أقف عنده بماذا ملئت صحيفتي !؟
              وهل أنا أسير للأمام أم للخلف !؟
              يا ترى ما هو وزني عند الله!؟
              أقف وأحاسب نفسي فالأيام تمشي بسرعة ولن يبقى إلا العمل الصالح
              فتن الدنيا تموج بنا والأحداث تتسارع من حولنا والأموات يتسابقون أمامنا..
              "
              " "فَفِرُّوا إِلَى اللَّهِ ۖ إِنِّي لَكُمْ مِنْهُ نَذِيرٌ مُبِينٌ"

              تعليق


              • #8
                اختي الى بغتي الروز يجيك حبة حبة طبقي هد الطريقة ديري الما يفيض والى درتي زلافة ديال الروز ديري 2 زلايف ونص ديال الماء فايض وديري الملح وشوي زيت العود ونقصي العافية تكون مهيلة بزااااااف.وان شاء الله يجيك زوين حبة حبة

                ثبت في صحيح مسلم وغيره عن أبي هريرة أن النبي صلى الله عليه وسلم قال : ( صنفان من أهل النار من أمتي لم أرهما بعد : نساء كاسيات عاريات ، مائلات مميلات ، على رءوسهن مثل أسنمة البخت ، لا يدخلن الجنة ولا يجدن ريحها ، ورجال معهم سياط مثل أذناب البقر يضربون بها عباد الله )



                تعليق


                • #9
                  الله اعاونك و لكن الطبخ شوة شوية غادي تعلميه و طيري فيه غير نتي جربي و ما تياسيش و تبارك الله المنتدى عامر وصفات ما عليك غير طبقي و ادا راجلك كيبغي الوصفات المصرية ما عليك غير تفرجي في برنامج الحيان المطبخ حيت كلو اكل مصري كيديروه يوميا و ها انتي تعلمي الاكل المصري و الله اعاونك






                  تعليق


                  • #10
                    فرحتوني لهلا اخطيكم عليا شيء كبير ان الواحد اهتم بيك حسيت بحال الى ونستوني في غربتي خايفين علييا بكيت من الفرحة خصوصا معارفة حد 3 اشهر وانا هنا في السعودية راجل صعيب شوية وانا كنت مدلعة ف دارنا غادي نجرب طرق ديالكم عضوة الماسية انت كنت عند خواتاتو مرة مرة نزلو ليا شي حاجة سمحو ليا بزاف

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X