طريقة السفة

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • طريقة السفة

    السلام عليكم
    كيفكم لاباس عليكم ؟؟؟؟
    ايلا جات على خاطركم ممكن تقولولي كيف ندير نصاوب السفة ب السكر و القرفة و اللوز يعني الطريقة ديال الكسكس كيف نطيبوا
    شكرا مسبقا

  • #2
    السلام عليكم و رحمة الله تعالى و بركاته,
    بخصوص سفة الكسكس أختي المجروحة كاينة 1.الطريقة التقليدية:
    تتفور الكسكس كالعادة ثلاث فورات تنرشوه فالفورة الأولى بالماء و الثانية بالماء و الملح و الثالثة بالحليب و لما يبرد شوية تنحلوه بشوية الزيت باش ما يتعجنش، و تنديرو الزبيب مغسول فالكسكاس عاد تنحطو فوقو الكسكس يفور للمرة الثالثة و الأخيرة. تندهنوه بالزبدة و تنخلطو معاه سكر كلاصي حسب الذوق، صافي و تنزلوه فطبق التقديم و تنزوقوه بالقرفة و السكر و اللوز مهروش، و تنرافقوه بكيسان الحليب بارد منسم بشوية ماء زهر، و زليفات صغار فيهم سكر كلاصي و آخرين فيهم اللوز مهروش اللي بغا يزيد حسب الذوق.
    و2.كاينة واحد الطريقة أخرى عصرية من باب التغيير: تتحمري شوية الكوك و تتزيديه على الكسكس فالفورة الأخيرة، و بدل ما ترشيه بالحليب تترشيه بعصير البرتقال، تبرديه، تدهنيه بشوية الزيت، تحطي تحتو شوية الزبيب، المشماش يابس مقطع،ثم الكسكس، مني يطيب، دهنيه و هو سخون بالزبدة و الحليب المركز المحلى طايب على شكل كراميل غير جهد اللي يحليه فقط، و خلطي معاه شوية الفواكه الملونة (توتي فروتي) و زينيه بالمكسرات حسب الذوق لوز،كركاع, بيسطاش، كاجو، كاوكاو، فستق.. مهروشين تقدري تزيني بهم مجموعين تقدري تفرقيهم فالتزيين حسب إبداعك تيجيو غزالين، تتقدميها مع عصير البرتقال منسم بماء زهر، أو باناشي بالبرتقال بالحق يكون خفيف ماشي ثقيل. و الطريقتين تيناسبو إن شاء الله حتى السفة ديال الشعرية و السفة ديال الروز.
    تنتمنى نكون فدتك أختي المجروحة في انتظار دخول باقي الأخوات،
    تحياتي و بالتوفيق.

    السلام عليكم و رحمة الله تعالى و بركاته.

    تعليق


    • #3
      500غ كسكس متوسط
      150غ زبدة مذابة
      100 سكر صقيل
      ملعقتين قرفة
      تمر او الوز مجروش للزينه
      الطريقة
      يتم تحضير الكسكس على البخار
      لكن يبخر اكثر من اربعة مرات
      وفي كل مرة نرشه بالماء بعد ان نكون اضفنا الملح في المرة الاولى



      بعد ان ينضح الكسكس ندهنه بالزبدة المذابة و ننسمه بالقرفة ونضيف له السكر
      ويتم تزيينه بالسكر و القرفة




      والتمر أو اللوز أو الكركاع
      بسم الله الرحمن الرحيم


      لا تنسى ذكر الله ;)
      :s11556:

      تعليق


      • #4
        المشاركة الأصلية بواسطة mounia maaroufi مشاهدة المشاركة
        500غ كسكس متوسط
        150غ زبدة مذابة
        100 سكر صقيل
        ملعقتين قرفة
        تمر او الوز مجروش للزينه
        الطريقة
        يتم تحضير الكسكس على البخار
        لكن يبخر اكثر من اربعة مرات
        وفي كل مرة نرشه بالماء بعد ان نكون اضفنا الملح في المرة الاولى



        بعد ان ينضح الكسكس ندهنه بالزبدة المذابة و ننسمه بالقرفة ونضيف له السكر
        ويتم تزيينه بالسكر و القرفة




        والتمر أو اللوز أو الكركاع

        تبارك الله عليك و على وصفاتك أالحبيبة مونية و خلاص، راكي منورة فاين ما كنتي أ الزين،
        مبروك العيد باش ما تتمناي أالحبيبة، تحياتي.

        تعليق


        • #5
          او هادي ديال الشعريةالمقادير
          * كيلو غرام شعرية رقيقة جدا خاصة بالسفة
          * 100 غرام زبيب بدون عظم
          * 100 غرام زبدة
          * 200 غرام لوز مسلوق ومقشر ومقلي في الزيت ومجروش
          * ملعقة كبيرة قرفة للتزيين
          * 250 غرام سكر كلاصي
          * ملح
          * 4 ملاعق كبار زيت المائدة

          طريقة التحضير
          * في اناء كبير، ضعي الشعرية الرقيقة، واذهنيها ب2 ملاعق كبار زيت.
          * خذي قدر الكسكس، واملئيه الى النصف بالماء، ثم ضعيه فوق نار معتدلة.
          * عندما يغلى، خذي الكسكاس وضعي فيه الشعرية الرقيقة المذهونة بالزيت، واتركيها تتبخر لمدة 20 دقيقة.
          * في كصرونة كبيرة، ضعي 2 ليتر من الماء تغلى.
          * صبيها فوق الشعرية عندما تتبخر ثم اتركيها تتقطر جيدا.
          * في اناء كبير، ضعي الشعرية عندما تتقطر جيدا من الماء، وحاولي أن تذهنيها ب 2 ملاعق كبار زيت.
          * عندما تبرد ضعيها في الكسكاس واتركيها تتبخر لمدة 20 دقيقة.
          * بنفس الطريقة، ضعي 2 ليتر من الماء تغلى في كصرونة، ثم صبيها فوق الشعرية عندما تتبخر واتركيها تتقطر جيدا.
          * عندما تتقطر الشعرية جيدا من الماء، ضعيها في إناء كبير واضيفي قليلا من الملح، وال150 غرام من السكر كلاصي، والزبيب وخلطي الكل جيدا.
          * ضعي الكل فوق الكسكاس يتبخر لمدة 10 دقائق.
          * في اناء كبير، افرغي الكسكاس، ثم اضيفي الزبدة، وخلطيها جيدا مع الشعرية.
          * في طبق التقديم، ضعي السفّة وزيني وجهها بالقرفة والسكر كلاصي واللوز المجروش.
          * يقدم طبق السفّة رفقة أطباق صغيرة من السكر كلاصي.
          * تقدم ساخنة
          بسم الله الرحمن الرحيم


          لا تنسى ذكر الله ;)
          :s11556:

          تعليق


          • #6
            المشاركة الأصلية بواسطة أم آدم2007 مشاهدة المشاركة

            تبارك الله عليك و على وصفاتك أالحبيبة مونية و خلاص، راكي منورة فاين ما كنتي أ الزين،
            مبروك العيد باش ما تتمناي أالحبيبة، تحياتي.
            الله يبارك فيك غاليتي المنتدى منور بعودتك الينا بعد غياب طويل
            بسم الله الرحمن الرحيم


            لا تنسى ذكر الله ;)
            :s11556:

            تعليق


            • #7


              هاذو صور ديال السفة من روائع المبدعة أمينة سامي نتمنى يساعدوك فالتزيين،

              تحياتي.

              تعليق


              • #8
                ربي يخليكم ليا شكرا على المساعدة

                تعليق

                المتواجدون الآن 1. الأعضاء 0 والزوار 1.

                أكبر تواجد بالمنتدى كان 2,525, 26-09-2016 الساعة 21:58.

                شاركي الموضوع

                تقليص

                يعمل...
                X