الله يجازيكم بالخير شي فكرة على القرعة الحمرة {الكابويا}

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • الله يجازيكم بالخير شي فكرة على القرعة الحمرة {الكابويا}

    السلام عليكم كيدايرين لاباس
    الله يجازيكم بالخير عطيوني شي طريقة نطيب بيها القرعة الحمرة حيت الزوج ديالي يجيبهالي ويقولي طيبيها واقيلة تعجبو وانا كانخليها تما حتا تغمال ونرميها اللي عندها شي فكرة تعاوني بيها ولكم كل الشكر


    الهدف الاول 62 ان شاء الله
    sigpic


    ام ادم وريان

  • #2
    طاجين بالكرعة الحمرة




    600 اللحم البقرى

    كيلو الكرعة حمرا
    3 مطيشات
    1بصلة متوسطة
    الربيع
    2 ضروس التومة
    ملح الابزار
    سكين جبير
    الحرقوم
    شوية الزعفران الحر
    زيت المائدة او زيت العود
    الزبيب للتزيين




    فى الطاجين تنديرو اعواد الربيع تم البصلة مشنفة تم اللحم و التوابل مخلطة فى شوية الماء تم الكرعة ومطيشة محكوكة وملى يطيب يزين بالزبيب مرقد فى الماء
    بسم الله الرحمن الرحيم


    لا تنسى ذكر الله ;)
    :s11556:

    تعليق


    • #3
      طاجين المدربل بالكرعة معسلة


      [


      مقادير اللحم:

      كيلو لحم غنمي
      بصلة كبيرة مشلضة
      ملعقة مغيرة راس الحانوت
      زيت

      مقادير تعسيل الكرعة:


      كيلو كرعة
      شوية قرفة
      شوية سكنجبير
      3 ملاعق كبيرة عسل
      جنجلان محمر للتزيين
      شوية زبدة


      الطريقة:
      نشحرو اللحم شوية مع الزيت والملح وراس الحانوت والبصلة ، نمرقو ونخليوه يطيب جهد ساعة إلا ربع.
      نقطع الكرعة قطعا صغيرة
      ونسلقوها في الماء مع الملح
      من بعد نديروها في مقلاة مع الزبدة ونخليوها على عافية مهيلة حتى تنشف من الماء
      عاد نزيدو له سكنجبير القرفة العسل.
      نصفف اللحم في الطبق ..فوقه الكرعة معسلة مزينة بالجنجلان
      بسم الله الرحمن الرحيم


      لا تنسى ذكر الله ;)
      :s11556:

      تعليق


      • #4
        هادي الشوربة
        المقادير:

        2/1 كيلو كرعة حمرا منقية ومقطعة مربعات
        +1 بطاطا منقية و مقطعة مربعات
        + بصلة صغيرة مفرومة
        + 1 بصلة خضرا مفرومة
        + ملح+ إبزار+زيت زيتون+ 4/1 حليب

        الطريقة:

        في كوكوط شحري البصل فزيت حتى يدبال

        زيدي عليه باقي الخضر
        ثم العطرية وا لماء ملي يطيب طحنيها ثم زيدي عليهاا لحليب و خليها حتى تطبخ ثم قدميها مزينة بشوي معدنوس فروم و بالصحة
        بسم الله الرحمن الرحيم


        لا تنسى ذكر الله ;)
        :s11556:

        تعليق


        • #5
          اختي غدي تنقيها وقطعيها مربعات رقاق وعمليها تفور حتى طيب منبعد خدي مقلة مكتلسقش وعملي فيها القرعة +الزيت حسب قياس ديال القرعة ومن الاحسن تكون القرعة كتيرة حيت كنقص حيت كطيب +الملح + قرفة مطحونة +شوية ديال المسكة و السكر وبقاي تعسليها حتى تنشف تماما ويطلع الزيت اللي درتي الفوق داك الساعة راها وجدات يمكن ليك تعميها فوق الدجاج بعد ماطيبيه مقلي .


          تعليق


          • #6
            انا الحبيبة فيروزة تنقليها نقطعها وسلقه هى داغى تطيب من بعد نوجد قسبور ومعدنوس وتومة مقطعين ملح وكامون وفلفة وزيت فى مقلة ونحد عناصر كلها تتقلى مزان تتجى زونة فحال خزو مقلى

            تعليق


            • #7
              انا الحبيبة تنديرها مشرملة
              تنقيها او نقطعها مربعات نزيد عليها الثومة والزيت او الملحة او الكمون او الطحميرة او الهريسة او تنشعل عليها البوطة بشويية بلا ماتزيد الما راها تطلق الما بالزايد
              2امكن تعسليها او تخضري بها الدجاج
              3عصير الليمون +سكر +كرعة مسلوقة










              تعليق


              • #8
                مشكورين ان شاء الله من ليوم مارميها الله يعطيكم الصحة اي واحد يطلب مساعدة ميخرجش فاضي الله يعطيكم ماتمنيتو يارب


                الهدف الاول 62 ان شاء الله
                sigpic


                ام ادم وريان

                تعليق


                • #9
                  السلام عليكم
                  اختي فيوزة
                  مشاء الله على الاخوات فدك وفدنا
                  ممكن دريها حتى مع لعدسة دقطعها مربعات صغيروترمها من ببعد ما يطيب لعدس نص طيبة
                  وعندي ليك حاجة اخرة وهي هدا الرابط ونتمنا يعجبك
                  تقبلي مروري
                  http://www.anaqamaghribia.com/vb/sho...%DA&highlight=
                  يا رب ♥ إن كان هناك ذنـــب ♥ ... يحـــول بيني وبين رضــــآكـ♥ ............ فـ أبعـــده عني و ابعدنـــي عنه♥ و اغفـــــــره لي يَا اللـہَ ♥ اللهم إنك أعطيتنا الإسلام من غير أن نسألك♥ فـلا تـحـرمنــــــا الجـــــنــة ونـحن نســـــألك






                  فهرس وصفاتي مصور إهداء للجميع **متجدد بادن ** الله

                  تعليق


                  • #10
                    تبارك الله عليكم البنات مخليتيولي منزيد
                    هي اضافة كنتمنى تفيدكم
                    طريقة تقديم الكرعة المعسلة
                    من بعد ما تعسليها مزيان كوريها بحجم صفلؤ يضة و مرمديها فالزنجلان محمر و قدميها ملاافقة للحم او الدجاج
                    ممكن تعمروا الكويرات بلوز مفسخ و مقلي
                    و ممكن تهرمشو اللوز المقلي و تضيفيه للكرعة قبل ما تكةروها
                    كتعطي قرررررمششة زويينة بزاف
                    كنتمنى نكون فدتكم

                    برجاء الدعاء لوالدي
                    تُوفــــــــى
                    ..يوم .02.03.2015..


                    اللهم ارحم أبي ..واجعل قبره روضة من رياض الجنة .. لا تنسوا والدي من دعاءكم .



                    لا تنسوني و بناتي وابني عبد الله من دعواتكم












                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X