إعـــــــلان

تقليص
لا يوجد إعلان حتى الآن.

مساعدة الله يرزقكم الجنة

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • مساعدة الله يرزقكم الجنة

    عندي مشكلة فالعجينة ديال الخبز عاونوني عفاكم فالحل
    مكنش عندي مشكل فالاول حتى لهد الايام ولا كيجيني قاصح وملي كنعجنه وكنبغي نكرصه كنلقا العجينة دارت القشرة وملي كيطيب كتبان الخبزة مطبعة واخا كنغطيه مزيان كنعجن الفورس والسميدة كلت من السميدة المشكل وبدلتها وجبت القمح ونفس الشئء الخبر ضربي بيه شي حد يتشقف وعكوزتي غتجي لداري اول مرة السيمانة الماجية ومبغيتش نتحشم

  • #2
    Salam okhti chofi mli tbday t3ajni katri chwiya lma odalki mezian
    obkay dalki otzidi lma oila jatk kasha 3awd tani diri fiha chwiy sekkar ozebda

    تعليق


    • #3
      اختي عندي ليك الحل بسيط غدي تحطي الدقيق مخلط بين القمح والفورص ويكون الفورص اكثر وتوضعي الخميرة والملحة فشي بانيو يكون نقي وتعجني بالماء دافي غير تخلطيها بديك وتكون جارية بلاما تدلكي ومن بعد خليها على جنب شي 10 دقايق وغطيها او دهنيها بالزيت من بعد عكبي جمعيها وتركيها واحد 5 دقايق من بعد كرصيها بالدقيق اوالسميدة والى كان عندك الفران فالدر ذهني الطاوة وقبل ما تحطي الخبيزات ذهني وجههم بشوية الزيت ولما توضعيهم في الطاوة شرطيهم بشي ززوار جديد ومن بعد غطيهم حتى يخمروا وطيبهم فالطاوة راه كيجيو رطبين لما يطيبوا لويهم مزيان فالمنديل ديالك والى اقتدى الحال وضعيهم شوية فشي ميكة والله وخا يبات كيبقى رطب وكيجي بذاك الزيت محمر
      ولله في خلقه شؤون

      تعليق


      • #4
        وضعي كمية الدقيق لبغيتي اناكنستعمل غير دقيق فينو وشوية فورص ولكن من الاحسن تستعملي نفس كمية من دقيق فورص وقمح ثم شوية سنيدة م ك وملعقة كبيرة زيت والملح والخميرة واعجنيها بالماء الدافئ ويجب انتكون خفيفة وتلتصق باليد وخليهاتخمر في القصرية عاد كورها بدقيق القمح وخليها ترتاح شوية عاد كرصيها ماي تبدا تخمر طيبها ماتخليهاش تخمر بزاف راه تيجي الخبز رائع وخفيف بحال السفنج ما تشبعيش منها
        العجينة وخا تلتصق باليد عندما تكورنهاتتجي هياهدك راه حتى في المنديلديال الخبزمتتلصقش لان الزيت المستعمل لايتركها كما انه يساعد في ترطيبها
        السكر تيعطيها لون احمر غزال
        عندما تتخرجيها مباشرة من الفرن تتكون قاصحة ومكرملة ولكن منين تتبرد تكون رطبة بعد قليل
        ادا كنت تعجنين بالعجانةوكترت وقت العجن وخلت الالة تدلك بزاف راه كتجي الخبز حجرة
        الى تتقصحي العجين وماتتعطيهاش الماءبزاف راه تتجي يابسة عطيها الماء وماتخفيش
        خليها تخمر الخمرة الاولى والى بغيتها تخمر دغيا غطيها بميكة بيضة مدهونة شوية
        الخبز ديالي كيجي روعة الى درجة انا عكوزتي تتقولي تخصصك هو الخبز تنعيا مانعجن وماتيجيش بحالك
        جربيه وردي علياالخبار خسارة ماتنعرفش كيفاش ننزل التصاور اما والله تنعجن لاختي خطوة بخطوة
        انارهن الاشارة

        تعليق


        • #5
          الله يرزقكم اتلجنة ونعيمها البنات ويسهل اموركم ويفرج همكم
          اختي عمرة عجبتني طريقتك وانشاء الله غدا نجربها ونرد عليك
          انا مكنعجنش بالعجانة غير بيدي ويمكن كيما كلتي القصوحية من الماء حيت مكنكترش ومن الاول كنقصح العجينة
          لهلا يخطكم البنات الغزالات

          تعليق


          • #6
            المشاركة الأصلية بواسطة عروسة الصحراء مشاهدة المشاركة
            عندي مشكلة فالعجينة ديال الخبز عاونوني عفاكم فالحل
            مكنش عندي مشكل فالاول حتى لهد الايام ولا كيجيني قاصح وملي كنعجنه وكنبغي نكرصه كنلقا العجينة دارت القشرة وملي كيطيب كتبان الخبزة مطبعة واخا كنغطيه مزيان كنعجن الفورس والسميدة كلت من السميدة المشكل وبدلتها وجبت القمح ونفس الشئء الخبر ضربي بيه شي حد يتشقف وعكوزتي غتجي لداري اول مرة السيمانة الماجية ومبغيتش نتحشم
            السلام عليكم،
            أختي عروسة الصحراء الحالة عندك مستعجلة مني القضية فيها عكوزتك جاية هههه. أول خبز تيشكرو راجلي (معجزة) جربيه على حسابي تيجي رطب و شهوة منو صاوبتو بعجين العشر دقائق مع تغييرات بسيطة على حساب الخبز طبعا:

            المقادير:
            - المجموعة الأولى تنديرها كلها فالميكسور:
            2 ملعقة كبيرة خميره فوريه
            1 ملعقة كبيرة سكر
            2 كاس ماء دافي
            ملح
            1 كاس دقيق
            أنا تنزيد رأس سكين ديال خميرة الحلوة يعني رشيشة بسيطة باش تجي اللبابة مفكوكة و مجعبة من الداخل.
            - المجموعة الثانية :
            1/4 كاس زيت
            دقيق حسب العجين ما تكونش قاسحة
            الطريقة:

            - تخلط المقادير المجموعة الأولى مع بعض و تترك لمدة 10 دقائق .
            - بعد العشر دقائق يضاف لها مقادير المجموعة الثانية و تعجن جيدا.
            -دهنيها بشوية الزيت وغطيها و خليها تخمر حتى يتضاعف حجمها.
            - عملي منها خبيزات حطيها فلاطة الفرن مدهونة بالزيت و مرشوشة بشوية الطحين.
            - قرصيها كيفما تتقرصي الخبز العادي و خليها تخمر مرة أخرى.مني تنبغي ندير به خبيزات الهمبرغر ما تنقرصهمش و ما تنثقبهم أو نفلحهم هاكداك تيبقاو.
            -ثقبيها بالشوكة أو فلحيها بالمقص دهنيها بشوية الحليب و رشي عليها شوية الجلجلان و هذا اختياري طبعا.
            -دخليها لفرن مسخن بدرجة حرارة200 إلى 210درجة حتى تطيب من لتحت و طلعيها للفوق شوية حتى تاخد اللون.
            - أول ما تخرج لفيها فمنديل نظيف و خليها حتى تبرد و بالصحة و الراحة.

            تعليق


            • #7
              اختي دري عجينة العشر دقائق لي قالت ليك الاخت ام ادم جزاها الله الف خيرالخبز كيجي خفيف و محمر
              بسم الله الرحمن الرحيم


              لا تنسى ذكر الله ;)
              :s11556:

              تعليق

              المتواجدون الآن 1. الأعضاء 0 والزوار 1.

              أكبر تواجد بالمنتدى كان 2,525, 26-09-2016 الساعة 21:58.

              يعمل...
              X