إعـــــــلان

تقليص
لا يوجد إعلان حتى الآن.

طلب مساعدة من جميع الأخوات

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • طلب مساعدة من جميع الأخوات

    سلام الله عليكن و مبروك عواشركم، نتمنى نلقاكم على خير و تكونوا دوزتوا العيد بألف سلام إنشاء الله.
    أخواتي الكريمات أنا جيتكم ليوم بواحد الطلب اللي قدرات تعاوني أنا قريب نتزوج إنشاء الله و بيني و بين الحداكة غير الخير و الإحسان أما الطياب غير تنسمع بيه هههههه و خايفة بزاف خصوصا أن ماما تتكولي نتي غادي ترجعي ف 7 أيام لولى (الله يحفظ)حيت شغلي ثقيل بزاف و نعاسة (واقيلة الراجل تزرف هههه).
    عاااااااافكم ساعدوني و علموني و أنا تحت أمركم و مرحباااااااا بيكم جميعا و الله لا يخطيكم

  • #2
    :((((((((((((( تا وحدة مابقيت فيها :((((((((((((
    غير نصحوني باش ماكان
    ايوا ما فيها باس لبرد و شتا هادي باينة فيكم مكمدين بصحتكم و رحتكم

    تعليق


    • #3
      السلام عليكم و رحمة الله و بركاته

      أختي ما تخافي والو ، حنا فاش تا نكونو فديور والدينا تا نجيبو لفشوش على الوالدة و فاش تا نتزوجو تا تحطي أمام الأمر الواقع و الله الكاس إلى ما هزيتيه يا تا يبقى تما
      غير بشوية عليك و ما تخلعيش، هاد المنتدى ما شاء الله عامر بزاف بزاف بالحادقات و وصفات الطبخ، الحلاوي البساطل، المراقي ، الكسكس، العجائن.... المهم لي جيتي عليها تلقايها ، و سيري ضربي طليلة على ركن قرة عين زوجها راها بسم الله ما شاء الله حاذقة بزاف و توقف معك فاش ما بغيتي غير نتي طلبي
      و إلى بغيتي طرحي هنا أي سؤال و إن شاء الله نعطيوك الجواب في القريب العاجل

      ألف ألف مبروك أختي و الله يكمل بخير

      تعليق


      • #4
        ختي نصيحة من أختك راه أطياب كامل أزعامة أشري لكتب أتعلمي منهم فن ديكور أجربي وصفات الأخوات من منتدانا أورنك أتولي فنانة إنشاء الله غي زعمي أحولي أتنودي بكري أقضي شغلك أندفي دارك اهتمي بنفسك أطيبي كل عشية خربقي شي حاجة حتى تعلمي ولا مصدقتش سولي فين عندك الخطأ او هكدا أتعلمي فمدة وجيزة ا أنسي لفشوش أبدي ارة كلشي كيسهال مع الأيام و الله يكمل عليك بلخير انشاء الله


        تعليق


        • #5
          اولا مبروك والله يكمل عليك بالخير
          راه اختي كلشي ساهل حتى شي حاجة مواعرة خاص غير شويش دالاهتمام
          بالنسبة لللطياب راه البنت تتعلمو بالفطرة غير تتولي بوحديدتها في دارها كتبدا تخرج في المواهب ديالها
          ولبغيتي شي حاجة معينة انا في الخدمة
          والف الف الف مبروك مرة اخرى

          تعليق


          • #6
            شكرا ليكم بزاف و الله لا يخطيكم و الله يجزيكم بالخير أنا قررت إنشاء الله نبقى نتبع ديما الجديد و كل مرة ندير شي حاجة إنشاءالله خاصني غير نزعم كيف قلتو، و لحمد الله دابا ولا عندي بزاف ديال لأخوات نقدر نعتامد عليهم و أي استشارة مغاديش نتردد نستاشركم(ما خاب من استشار) و الله لا يحشمنا.
            المشكل لعندي ف هاد اللحظة هو نعرف نظم و قتي و حياتي و نحاول نجتاهد شوية.
            الله يوفقني و إياكم لما فيه خير و صلاح

            تعليق


            • #7
              اولا مبروك عليك اختي الله يكمل بالخير شوفي انا كنت اكتر منك كنت اتاي ما تنعرفش نطيبو و بحالك نعاسة ما تنوض حتى 1 دالنهار مع الفيقة مع الغدا و نرجع ننعس ايوة بقيت بشوية بشوية حتى تعلمت و راجلي هو للي علمني الطياب انا فدارنا عمرني ما دخلت للكوزينة ما تنعرف عليها واااااااااااااالو و مللي مشيت لداري تفاجئت انني ملزومة نفيق و نفطر و نجمع و نوجد الغداء و نغسل الماعن و نوجد كاسكروط و العشاء وووووو درتها فيد الله و توكلت على الله نهار مالح نهار مسوس نهار محروق نهار ناشف نهار ممرق و العشاء اكترية تنتكى و نخليه يتحرق و الحمد لله مع المدة تعلمت وكولشي يتنسى ليا الا اول مرة جاو عندي الضياااااف مازال راجلي هانية اما مني جاو ضياف و طيبت الدجاج محمر تصوري تلفت و سبحان الله جا الطياب بنين و و الضياف كلاو مزيان و قالو ليا تبارك الله عليك و راجلي عجبو الحال و الله زعما والدينا عليهم اللوم حيت ما علموناش المهم الحمد لله دايا راني وليت ماهرة فالطبخ و اناقة مغربية راها تساعدك دخلي لقسم الطبخ و تتعلمي منو و ربي يكمل عليك بالخير




              " اللهم بلغنا وسلمناإلى رمضان وسلم لنا رمضان وتسلمه منا متقبلا "

              تعليق


              • #8
                ختي العزيزه
                مبارك أ مسعود عليك ماتخافيش من شغل راه سهل
                نهار إلي غادي تصبحي في دارك نت غادي تعجبي ف راسك

                تعليق


                • #9
                  شكرااا ليكم بزااااف فرحتوني الله يفرحكم (كنت فاقدة الأمل فراسي ههههههه) و ييه الله يسمح لينا من الوالدين هازين لينا اهبالنا و تنتفشو عليهم كيفما بغينا الله يخليهم لينا و يطول لينا فعمرهم و يجعلنا و ياهم من أصحاب الجنة ياربي.

                  تعليق

                  المتواجدون الآن 1. الأعضاء 0 والزوار 1.

                  أكبر تواجد بالمنتدى كان 2,525, 26-09-2016 الساعة 21:58.

                  يعمل...
                  X