الي محترفة فالحريرة

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • الي محترفة فالحريرة

    ارجوكم متجاوبني غير المحترفة هههه وكلكم الحمد لله محترفات عاجلا اريد الذ حريرة تكون الريحة دياللها فدار هههههههه وياريت الطريقة بالتفصيل متردونيش
    اسعدني تواجدي في هذا الجمع المبارك
    شكرا لكل من تبدل من اجل نفع اخواتها في الله



  • #2
    السلام عليكم
    انا واعود بالله من قول انا غادي نعطيك واحد الطريقة ديال لحريرة الى تبعتيها غادي تجيك واحد لحريرة واعرة او غادي تدعي معاية ان شاء الله
    بسم الله \
    كيلو ونص مطيشة مقشرة او مطحونة
    ربطة ديال لقزبر او معدنوس مقطعين رقاق او مدقوقين او مطحونين زلافة ديال لحريرة عامرة قزبر او معدنوس او كرفص مطحونين
    5 لعريشات ديال كرفص متكثريش راه مجهد مقطق او مدقوق
    5 الكيسان ديال الحمص مرطب
    واحد بصيلة صغيرة محكوكة
    حك ديال مطيشة متوسط تكون ماركة جيدة
    طريفات اللحم مقطعين صغار فحال ديال الشوى صغار
    ملعقتين كبار ديال لعدس
    كندير كلشي في الكوكوت او كنزيد العطرية ديالنا
    الملح الزيت الفلفل الاسود كثري شوية
    راس معلقة صغيرة ديال الزعفران الاصطناعي الخرقوم يعني ههه
    اوخليها تشحر مزيان مزيان عاد زيدي الماء الي يكفيك او صدي او خليها على نار متوسطة
    ملي يطيب الحمص ديك الساعة ندورها عادي بالطحين او الشعرية
    او تشربيها بالصحة او العافية راه ريحتها فاش تكون تطيب تتحمق
    غادي يمكن تقولي لية بزاف كيلو ونص ديال مطيشة غادي نجاوبك الى بغيتي لحريرة زوينة اما الى بغيتي لحريرة ديال تلاثة المطيشات هاديك راها غير سميتها لحريرة اما هي راه ما حريرة ما والوووووهههههههههههههههه
    ملحوظة هاد لحريرة مادوريهاش كلها دوري غير لقياص ديالك او الباقي دير فشي باطة بلاستك او حطيها في الفريكو حتى الوقت الي تبغي عاد طلعيها او دوريها او بالصحة او الراحة

    تعليق


    • #3
      شكرا لك ولكن هدا المقادير كتار بزاف اتمنى ان تحاولى تعطينا مقادير مناسبة وجزاك الله الف خير
      sigpic

      تعليق


      • #4
        السلام عليكم أختي أحب زوجي أعشقه، كيف دايرة ؟ إن شاء الله تكوني أنت و ماعز عليك بخير، حريرتي حرييييييرة هههه لي ذاقها تتعجبو و لله الحمد، جربيها و ردي علي لخبار:
        نقلي قطع اللحم أو
        الدجاج مع البصلة محكوكة و العدس مرطب من قبل و الحمص مرطب من قبل و مقشر(
        بمعدل كاس حمص = ملعقة كبيرة عدس), كرافس قسبور معدنوس سمن إبزار سكين جبير ضامة البنة عوض الملح خرقوم بلدي ملون غذائي، ثم نضيف القدر الكافي من الماء و نخليوها حتى تطيب قطع اللحم ، و فهاد الأثناء تنوجدو التدويرة ديال الطحين بالطحين و الماء وشوية خميرة الخبزأخف من عجين البغريرشوية الكل في الخلاط، و نخليوها حتى لوقتها. نضيف مطيشة مطحونة، و لما تغلى الطنجرة نحسبو عشر دقائق و ندوروها بخليط الطحين لي خمرو حركناه جيدا+ معجون الطماطم+ السمن+ بزار+ ضامة البنة,ننقصو النار و نزيلو الغطاء و نخليوها تغلي مدة عشر دقائق تقريبا ثم نضيف الشعرية ديال السفة و إلا بغيتي بيض مطرب+ القزبور و المعدنوس مقطعين و نحرك نغطيها و نطفي عليها.
        تحياتي أختي.

        تعليق


        • #5
          السلام عليكم
          الله يجزيكم ألف خير عن هذه المعلومات المفيدة

          تعليق


          • #6
            أختي انا نعطيك طريقتي في لحريرة كتجيني زوينة و لقياس صغير ،ولكن أنا مكنعبرش كندير عيني ميزاني،اولا نهار لكنشري دجاجة كناخد منها العنق و الجناح وكنخليهم في الثلاجة حتى نهار كنبغي لحريرة كنجبدم ونغسلهم و نشرملهم بالشوية د معدنوس و إبزار وسكين جبير و القرفة و الزعفران والملح شوية من كل حاجة،نخليهم شوية في الشرمولة ،و ناخد كوكوط نحك فيها بصلة متوصطة نزيد شوية دزيت ونخليها شوية على نار مهيلة خير ترخى شوية كنزيد عليها داك الجناح والعنق لمشرملين و نخليهم يتشحرو على نار مهيلة ثم كنحك 2أو3مطيشات وكنضيفهم لطنجرة و كنزيد لكرافس و المعدنوس و القصبور مقطعين رقاق،و كنزيد العطرية ،قرفة،ابزار،سكين جبير،زعفران،ملح، ومطيشة الحك حسب الذوق ثم السمن حار،نخلي الكل يتشحر ثم كنزيد الماء طايب عيني ميزاني،تقريبان كيكون لتر و نصف حتى ل2لتر،كنضيف الحمص مقشر تقريبا كاس،وكنسد الكوكط و نزيد لبوطا شوية و نخليها حتى يطيب لحمص تقريبا 25دقيقة،كنفتح الكوكوط و في زلافة كنخلط الماء مع3ملاعق كبار طحين،وكنضيفهم مع التحريك،وكنبقى نحرك مرة مرة بعد 5دقائق كنزيد الشعرية كنستمر في التحريك مرة مرة حتى الطيب،و شي مرات كنزيد البيض مطرب و شي مرات مكنديروش،وبالصحة و الراحة ملاحظة،داك الجناح و العنق ديال دجاج راه كنديرهم غير باش ينسموا لحريرة بدل كنور،

            تعليق


            • #7
              ايوا حريرات هادو
              كل وحدا و حريرتها حريرة ههههههه
              جازاكن الله الف خير

              تعليق


              • #8
                أختي هاكي هاد الرابط حتى أنا راه سابقلي طرحت هاد سؤال ههههه
                http://www.anaqamaghribia.com/vb/sho...دين&highlight=
                sigpichttp://www.anaqamaghribia.com/vb/sho...d.php?t=400496

                تعليق


                • #9
                  3 أسرار الحريره ديالي

                  أنا في رأي المقادير و لا حتى الطريقة كلهم بحال بحال عندي ليك 3 أسرار
                  الماء لي غدا ضيفه خسو يكون طايب
                  عويدات ديال قرفة ضروري باش تنسم الحريرة ديالك
                  العدس مديرهش من الأول (باش ميتجلفش ليك) بشرط أنك مرطباه من قبل. ضيفه من بعد يطيب لحمص و اللحم نخليوه حتى يطيب تقريبا 10 دقائق كنزيدالدقيق ثم الشعرية كنستمر في التحريك مرة مرة حتى تطيب كلشي في الأخير كنزيد البيض بالنسب ليا أنا ضروري راه تيزين الحريره
                  دعيو معايا بالدريه الصالحة
                  ربي لا تدرني فردا و أنت خير الوارثين

                  تعليق


                  • #10
                    Had makadir bhal eli kandir
                    o 3andek sah
                    katji raw3a
                    o rihtha mharhra
                    ha ha ha ha
                    chehitouna fchi zlafa daba nite
                    fhade lberd

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X