طلب بخصوص الماندرين

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • طلب بخصوص الماندرين

    السلام عليكم
    الله يخليكم البنات عندي الماندرين بكمية كبيرة
    وبغيت نعملو مربى
    او وصفات تيدخل فيها هاد النوع من البرتقال
    باش ميفسدش لي ولكن جزيل الشكر

  • #2
    بسم الله.
    مربى الماندرين وغيره لام الرياحين من ام الصالحين.
    كيلو الماندرين نقيه وقطعيه دوائر اي حلقات او خليه شنانف شريطة ان يكون بدون عظم وازيل له تلك الخيوط التي تكون وسطه فقط.تنرقد كيلوالماندرين مع نصف كيلو سنيدة مساء وفالصباح نخلط كلشي مزيان بحيث تنوجدو بان المندرين رجع ميه واكيد ممكن تضيفي واحد فاني وضروري شوية الزبدة قياس حبة جوزة فقط.باش فاش يغلي المربى ما يفيضش.نشرح كثر فاش تشعلي النار تكون هادية جدا وبلا ما تغطي الايناء لانك فاش تتغطي الايناءعلى شي مربى تيفيض.مني يغلي المربى خذي شوية معلقة كبيرة وديريها فصحن صغير وخليها جانبا ويلا عقد المربى صافي زوليه من على النار.ممكن للمربى يبقى فوق نار هادية من نصف ساعة حتى لساعة الا ربع


    الكاب كيك كهة المندرين

    المقادير :

    كاس مندرين معصور وممكن تستبدليه بالبرتقال العادي
    كاس سكر
    كاس زيت معامرش
    فانيلا حسب الدوق
    2 خمارات
    2 كيسان ونص دقيق
    4 بيضات

    نخلطو البيض والسكر ثم زيدو الزيت
    الفانيلا
    ثم العصير
    اخر شيء الدقيق والخميرة

    دهنو الكويغطات بالزيت ثم عمريهم بالخليط وممكن تعملي بحالي درت ملعقة خليط شوية زبيب ثم ملعقة الخليط
    نفس الشيء بالنسبة لحبيبات الشكلاط
    ثم رشي السنيدة من فوق الفرن

    تعليق


    • #3
      المقــــــــــــادير :











      نص كيلو ماندرين "من الأحسن يكون بلا عظام"





      نص كيلو سكار أو سنيدة





      نص لتر ديال الما





      2 خنيشات ديال سكار فاني





      قبصة ديال الملح












      الطريـــــــــــقة :












      نغسل الماندرين وانقيه و نقطعو طريفات, نخد القشرة ديالو نقطعها بالطول,فطنجرة أو كاسرونة كبيرة ندير المانضرين مقطع مع القشرة مقطعة فوق العافية مع السكار و القبصة ديال الملح ونخلطهم مزيان حتى يشرب المانضرين داك السكار,نضيف نص لتر ديال الما و نحرك كل شي مزيان و نغطي الكسرونة أو الطنجرة و نخليه يطيب فوق عافية مهيلة,مرة مرة نحرك الطنجرة بيد ديال العود,منين الماندرين يطيب نعري الطنجرة و نخليها تشرب الما حتى ينقص " تقريبا حتى يتبخر النص ديال الطنجرة "





      منين المربى أو الكونفتير يتقال و يولي معلك نطفي عليه البوطا و نخوي فوق منو لافاني و نحرك و نخلي الكونفتير يبرد و نصبو فقرعة ديال الزاج و نسد عليه.
      بسم الله الرحمن الرحيم


      لا تنسى ذكر الله ;)
      :s11556:

      تعليق


      • #4
        شكرا اخواتي فيفي26 ومونية معروفي
        الله يسهل عليكم ماصعاب

        تعليق


        • #5
          انا جربت البارح طريقة المربي بالماندرين لام الصالحين وصدق من داكشي. لها جزيل الشكر

          تعليق


          • #6
            حتى انا بغيت ندير منو مربى
            sigpic

            دعواتكم معي و مع كل المنتظرات.
            اللهم فرح قلبي وآنس وحشتي ونفس كربتي وفرج همي وأزل ضيقي وعوض صبري وقرعيني بطفل صالح معافا ليس في خلقه زيادة ولا نقصان وجعله خيراً لي ومن البارين بي ومن المستغفرين لي عند مماتي وجعله من الصالحين ومن حفظة كتابك الكريم.
            اللهم امين يا رب العالمين.

            تعليق


            • #7
              اختي ممكن تعملي منو هد العصير كيجي غزال
              http://www.anaqamaghribia.com/vb/sho...d.php?t=375974
              حلمـي أن أكون .،
              بالقرب من الكعبة .،
              أصلي تحتھا وفي أخر ,..
              سجدة ملك الموت يھمس بأذني
              (( يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَرْضِيَّةً ))

              اللهم توفني و أنا ساجدة بين يديك


              تعليق

              المتواجدون الآن 1. الأعضاء 0 والزوار 1.

              أكبر تواجد بالمنتدى كان 2,525, 26-09-2016 الساعة 21:58.

              شاركي الموضوع

              تقليص

              يعمل...
              X