إعـــــــلان

تقليص
لا يوجد إعلان حتى الآن.

شوفو هاد الشكيلات و بالصور

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • شوفو هاد الشكيلات و بالصور

    اولا الماصابان ديال اسفي


    المقادير
    الحشوة.. كيلو لوز مسلوق و مقشر و منشف مزيان و مطحون+4 كؤوس سنيدة+ 4 برتقالات محكوكين+ صفار البيض اللي غادي يجمع اللوز
    هادو مقاديري الخاصة اللي كندير شخصيا...
    العجين..نصف كيلو دقيق+ كاس زبدة +2 صفار البيض+الزهر باش نجمعوها و القليل من الملح.

    الطريقة ناخد العجين نبسطه جيدا و نستعمل قاطعا دائريا كبير يعني المرشم و نضع فيه كرة من الحشوة و من بعد نبداو نقرصوها من الجوانب باستعمال الملعقة نتمنى تكونو فهمتو
    من بعد من نكملوه نخليوه يبات في اللاطة و يكون مصفوف مليح باش ميتحلش في الطياب
    من بعد كنديرو فيه العقيق مباشرة كندخلوه للفران و بالصحة و الراحة.

    تانيا الرخامة

    المقادير...
    كيلو كاوكاو مقلي مهرمش
    شوية القرفة
    شوية الزهر العسل باش نجمعوها
    نصف كيلو شكلاط اسود
    و للتزيين الشكلاط الابيض

    الطريقة نبسط الحشوة فوق بلاستيك من بعد نديب نصف كمية الشكلاط و نسكبها فوق الحشوة نتركها تبرد من تجمد نقلبوها و نكبو عليها النصف التاني من الشكلاط و نزينها يالشكلاط الابيض متل "ميل فوي" نتركها تبرد عاد نقطعوها.


    تالتاالياسمينة

    نفس مقادير حلوة العين


    رابعا الشريحة

    مقادير العجينة..
    نصف كيلو دقيق+كاس زبدة+الزهر باش تجمعي العجينة
    الحشوة..كيلو تمر+القليل من الزنجلان+شوية الزهر باش تجمعيه

    الطريقة نجمع مقادير الحشوة مع بعضها و نصنع منها كويرات من بعد نورقو العجينة و نقطعوها دوائر بالمرشم و نضع وسطها الحشوة من بعد نطبعوها بالمطبع الخاص بها

    التزيين من كنخرجوها من الفران ممكن تستعملي العسل او الناباج و في الوسط ديري القليل من الزنجلان.

    خامسا العوينة


    مقادير عجينة
    250غ طحين
    ملعقة زبدة
    القليل من الملح
    القليل من المسكة الحرة و يمكن تعويضها بالفاني لمن يحب نكهة الفاني
    و ماء الزهر لجمع العجين

    مقادير حشوة حلوة العين
    250غ من اللوز مصلوق و مطحون (مثل اللوز الذي نستعمله في كعب الغزال)
    150غ سكر الصقيل
    لتزيين حلوة العين: نحتاج للوز


    طريقة تحضير حلوة العين
    العجين: نخلط جميع مقادير العجينة للحصول على عجينة لينة
    الحشوة: نخلط جميع مقادير الحشوة و نشكلها على شكل أصابع
    نبسط العجين و نضع فوقها اللوز مثل كعب الغزال و تقطع
    نأخد العجين و نلصق أطرافها مع بعض بحيث تكون الجهة المبسطة في الأسفل و الجهة المقطعة بالجرارة تكون بالأعلى و نضع فوقها لوزة كما في الصورة
    ثم ننقشها بالمنقاش كما في الصورة
    ندخلها للفرن و بعدما نخرجها تدهن بالناباج



    سادسا حلوى التاج بالكوك

    المقادير
    كيلو كوك+ 4 كؤوس سنيدة+ صفار البيض اللي ممكن يجمع الكوك+ اربع حامضات محكوكين
    للتزيين الكريمة و الناباج
    نجمع المقادير و نبسطوها و نقطعوها بالمرشم على اي شكل تحبين من بعد نزوقوها بالكريمة اللي معدلاها ببياض البيض مع السكر كلاصي مخفوق مزيان حتى يجي قاصح
    من تخرج من الفران نتركه تبرد و نزينوها بالناباج ملون.

    سابعا المفلحة


    المقادير
    العجين..نصف كيلو دقيق+نصف رابعة زبدة+شوية الملح+نصف كاس ماء الزهر
    الحشوة كيلو كاوكاو محمر مزيان و مطحون +رابعة ديال السنيدة نطحنوه معاها مزيان+ شوية المسكة +ملعقة قرفة

    الطريقة نبسط العجين و نديرو وسطو الحشوة على شكل طولي معرفتش نقولها بالعربية "بودان""
    و نلفو عليه العجين
    و نقطعوها متل السيجار و نفلحوها بسكين تكون ماضية
    ندخلوها للفران ومن نخرجوها نديرو ليها العسل و بالصحة و الراحة

    تامنا الوريدة

    مقاديرها كنت درجتها ليكم بوحدها في موضوع خاص
    و مزال الحلويات



    نتمنى نكون وصلت ليكم و انشاء الله نزيدكم الحليوات

  • #2
    نزيدكم هادو تاني





    حلوى الشمعة

    االمقادير..كيلو لوز+ 4كيسان سنيدة+شوية القرفة+الزبدة باش نجمعوها
    للتزين محتاجين للشكلاط الابيض و الملون


    حلوى القلب


    لمقادير
    3بيضات+2كيسان سكر كلاصي+كاس زيت+1خميرة حمرة+1لفاني+رابعة ديال الزبدة+الدقيق حسب الخليط.
    الطريقة نبسط العجين و نرشموه بالطابع اللي حبينا



    تعليق


    • #3
      تبارك الله عليك
      sigpic

      تعليق


      • #4
        شكرا اختي سارة على هده الحلويات الرائعة ولكن مكرهتش الى كان ممكن تنزلي لينا المقادير والطريقة و الله يجازيك كل خير

        تعليق


        • #5
          تبارك اختي حليوات غزالين وفي المستوى
          الله يعطيك الصحة ويجازيك الخير
          ولكن اختي ضروري متنزلي المقادير باش ميتحدفش ليك الموضوع،هده هي قوانين المنتدى
          وشكرا لتفهمك

          تعليق


          • #6
            المشاركة الأصلية بواسطة bent bladi مشاهدة المشاركة
            تبارك اختي حليوات غزالين وفي المستوى
            الله يعطيك الصحة ويجازيك الخير
            ولكن اختي ضروري متنزلي المقادير باش ميتحدفش ليك الموضوع،هده هي قوانين المنتدى
            وشكرا لتفهمك
            شكرا اختي للتدكير انا راني كتبت ليكم المقادري كيف طلبتو مني نتمنى نكون وفيت الطلب

            للاشارة يقدرو بعض الاخوات يختالفو في مقادير المصابان بالنسبة ليا انا هادو هوم المقادير الشخصية اللي كندير

            و النهار اللي تعطاوني مقاديرو اول مرة.......
            كيلو لوز+كيلو الا ربع سنيدة+كيلو برتقال محكوك+20 صفار بيض
            لكن ادا جربتو غادي تلقاو تقريبا مكنوصلوش 10 بيضات
            المهم مقاديري اللي عطيتكم راهم مجربين

            تعليق


            • #7
              تبارك الله عليك

              تعليق


              • #8
                في الماصابن واش عملتي 4 كيسان ديال العنبة سنيدة او شي كاس اخر شكرا

                تعليق


                • #9
                  تبارك الله عليك حلويات رائعة ممكن اختي توريني الطابع لي درتي بيه حلوة ديال التمر وشكرا

                  تعليق


                  • #10
                    جزاك الله كل خير أختي

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    يعمل...
                    X