إعـــــــلان

تقليص
لا يوجد إعلان حتى الآن.

وصفة الفلفل الأحمر والأصفر

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • وصفة الفلفل الأحمر والأصفر

    السلام عليكم أخواتي عندي فلفل أحمر وأصفر ما أدري ما أعمل بهما أي وصفة تقترحونها ؟
    :s4378:

  • #2
    أينا الرد حشوما عليكم

    تعليق


    • #3
      ممكن جيريه اختي في البيتزا كيجي زوين و بنين و ممكن في الكيش ممكن في الشوصون في الطاجين ولا تشويه او تقليه و تشرمليه شوية بالتومة و القسبر و ممكن ديريه حتى في الشوا ديال اللحم او الديك الرومي ديريه مربعات بين كل حبة و ديريه اومليت .............كاين ما يدار به و الله اسهل عليك اختي






      تعليق


      • #4
        ينقل لقسمه

        تعليق


        • #5
          السلام عليكم و رحمة الله و بركاته

          أختي إلى عندك كثيرة غسلها و نشفها و ستفها في طاوة ديال الفرن و ديرها تشوى، حتى تبان ليك القشرة تهزات على الفلفل، و خرجيه، خليه يبرد، و قشريه و حيد منو الزريعة و قطعيه مربعات صغار وقسمي في بلاستيكات و ديريهم في الفريكو، الوقت لي ديري شلاضة أو بايلة أو روز بخضرة أو كفتة... أو.... زيدي فيه الفلفل تا يعطي منظر هائل إضافة على البنة واخا هي البنة ديالها ماشي فحال الفلفل الأخضر

          ملاحظة : من بعد ما تنقي الفلفل عنداك تغسليه

          تعليق


          • #6
            أشكركم على هذه الإقتراحات القيمة واش ممكن تعطون شي مقادير ديال شي واصفة

            تعليق


            • #7
              شحري 1البصلة مربعات صغيرة مزيآآآن حتى تميل للبني زيدي 1الفلفلة حمرة و 1 صفرة مغسولة و مقطعة مربعات متوسطة و خليها تقلى حتى تنضج تم زيدي قزبر ومعدنوس ونصف ملعقة صغيرة الإبزار وسكنجبير ورأس الملعقة كامون والملحة عينك ميزانك خليهم يتشحرو شوية ثم زوليهم من فوق النار و ضيفي الذرة المعلبة و الطون مع شوية ديال الزيت ديالو.وخلي هادشي على جنب.
              سلقي 2 زلايف ديال الروز كلاسي ف3 زلايف ماء مع 1 خيزو و حفنة ديال الجلبانة و حفنة لاريكو مقطعة وشوية ملحة و منين يتسلقو( لكن ما خاسوش يتسلق حتى يتعجن بل غير القياس)صفّيهم و غسلي بالماء الروبيني الروز باش ميتعجنش.خليه يستقطر مزيان ثم ديريه فإناء و زيدي عليه داكشي لي طيبتي +2معالق كبار مايونيز+1معلقة كبيرة كتشوب+1بيضة مسلوقة محكوكة+زيتون أخضر مقطع دوائر.ونخلطو كلشي ثم ديريه فشي إناء يكون عندو شكل زوين وظغطي على الروز شوية ثم قلبيه فطبق التقديم مفرش بالخص و زيني الجوانب بعريرمات: باربا مسلوقة مقطعة مشرملة بالخل و شوية تومه و الكامون وملحة ثم البطاطا مسلوقة و مشرملة.خيزو دوائر مسلوق و مشرمل بالهريسة و الزتون الأسود مقطع ولكامون و تحميرة و الأبزار و الحامض معصر والملحة(كيجي غزآآآآآآآآآل).طبق زوين و متنوع كترافقيه بالدجاج أو الحوت.....
              يمكن ليك نفس الخليط لي درنا فالأول ديال البصلة.... +شوية كفتة مشحرة و تعمري بيها الفلفلا و تسافّيهم فلاطة وتحكي ماطيشة عليهم+عطرية و ثومة و دامة بنة بقري وزويتة بلدية وقزبر معدنوس ثم إلى الفرن أو فكوكوت.كتكون كطبق رئيسي.و بالصحة و الراحة.
              كنتمنى الشرح يكون وافي و واضح و منكونش طولت عليك.







              حنان

              تعليق


              • #8
                نسيت ما قلت ليك تزيدي على الحشوة لي غتعمري بيها الفلفلة(البصلة+.....+نصف كيلو الكفتة مفرتة و مشحرة+و هادي هيه لي نسيت:نصف زلافة روز كنصلقوه و يستقطر مزيان من الماء+بيضة باش جمعي الحشوة.عاد عمْري بيها الفلفلة.....المقادير نسبية يمكن ليك تغيري حسب الرغبة.







                حنان

                تعليق


                • #9
                  سمحلي اختي بالنسبة لروز:1 زلافة كتسلق ب 2 و نصف زلافة ماء(جيت نكتب الفوق5 زلايف كتبت غير 3)







                  حنان

                  تعليق


                  • #10
                    شكرا أختى على الوصفة الجميلة الله عطيك ماتمنتي

                    تعليق


                    • #11
                      لا شكر على على واجب اختي أم إنصاف.
                      يمكن لي نضيف عاد أنو إلا طيبتي منها شهيوات و بقات ليك مزال؛يمكن ليك تديريها ف لاطة و دخليها الفرن حتى تشوى....زولي القشرة والرأس لي فيه الزريعة متغسليش الفلفلة لكين زولي مزيان القشرة المحروقة( خليها صاينة أو قطعيها شرائح طويلة) وملحيها حسب رغبتك +قزبر حبوب+إبزار حبوب+ثومة صاينة مشقة أويابسة+شوية خل +إيلا بغيتي:ورقة سيدنا موسى أوأزير.خلطي ثم ديري طبقة أولى فلفلة الصفراء فقرعة ديال الزاج مغسولة مزيان و منشفة ثم طبقة ثانية حمرة......حتى تعمر ليك القرعة و كبي عليها الزيت البلدية أو الرومية(حسب ذوقك لكن البلدية أحسن) حتى تغطى الفلفلة(طبعا عدد لقراعي على حسب الكمية لي عندك)ثم سدي القراعى. فرشي زيف فقعر الكوكوت ستفي القراعي فالكوكوت و غطيهم بالماء غليان. سدي الكوكوت ثم ظعيها فوق النار مدة ساعة.طفي النار و خلي لكوكوت حتى تبرد تماما عاد حليها.غتبقالك الفلفلة مدة طويلة و تستافدي منها الوقت لي مكتكونش فيه موجودة فالسوق.
                      أما استعمالات هاد الفلفلة المصبرة فهي كتيرة:
                      *أولها تزيني بيها كوزينتك بحال ديك المصبرات لي كتباع لتزيين رفوف الكوزينة
                      *تقدميها كسلطة مع ديك الزويتة ديالها كتجي منسمة و غزالة
                      * فبيتزا
                      *تزوقي بيها حوتة فالفران أو طاجين....
                      *كذلك الزيت ديالها كتستمليه لسباكيتي و بصفة عامة les pattesوحتى لنصيب طاجين...
                      مهم كتستعمليها فوق ما بغيتي على خاطرك.و بالصحة والراحة.سمحلي طولت عليك لكن كان لازم من الشرح باش يكون عندك أفكار أكثر للستعمال.







                      حنان

                      تعليق


                      • #12
                        لا شكر على على واجب اختي أم إنصاف.
                        يمكن لي نضيف عاد أنو إلا طيبتي منها شهيوات و بقات ليك مزال؛يمكن ليك تديريها ف لاطة و دخليها الفرن حتى تشوى....زولي القشرة والرأس لي فيه الزريعة متغسليش الفلفلة لكين زولي مزيان القشرة المحروقة( خليها صاينة أو قطعيها شرائح طويلة) وملحيها حسب رغبتك +قزبر حبوب+إبزار حبوب+ثومة صاينة مشقة أويابسة+شوية خل +إيلا بغيتي:ورقة سيدنا موسى أوأزير.خلطي ثم ديري طبقة أولى فلفلة الصفراء فقرعة ديال الزاج مغسولة مزيان و منشفة ثم طبقة ثانية حمرة......حتى تعمر ليك القرعة و كبي عليها الزيت البلدية أو الرومية(حسب ذوقك لكن البلدية أحسن) حتى تغطى الفلفلة(طبعا عدد لقراعي على حسب الكمية لي عندك)ثم سدي القراعى. فرشي زيف فقعر الكوكوت ستفي القراعي فالكوكوت و غطيهم بالماء غليان. سدي الكوكوت ثم ظعيها فوق النار مدة ساعة.طفي النار و خلي لكوكوت حتى تبرد تماما عاد حليها.غتبقالك الفلفلة مدة طويلة و تستافدي منها الوقت لي مكتكونش فيه موجودة فالسوق.
                        أما استعمالات هاد الفلفلة المصبرة فهي كتيرة:
                        *أولها تزيني بيها كوزينتك بحال ديك المصبرات لي كتباع لتزيين رفوف الكوزينة
                        *تقدميها كسلطة مع ديك الزويتة ديالها كتجي منسمة و غزالة
                        * فبيتزا
                        *تزوقي بيها حوتة فالفران أو طاجين....
                        *كذلك الزيت ديالها كتستمليه لسباكيتي و بصفة عامة les pattesوحتى لنصيب طاجين...
                        مهم كتستعمليها فوق ما بغيتي على خاطرك.و بالصحة والراحة.سمحلي طولت عليك لكن كان لازم من الشرح باش يكون عندك أفكار أكثر للستعمال.







                        حنان

                        تعليق


                        • #13
                          تبرك الله عليك مخلتلي منكول شكرا مرة أخرى

                          تعليق


                          • #14
                            la chokra 3ala wajib okhti.







                            حنان

                            تعليق

                            المتواجدون الآن 1. الأعضاء 0 والزوار 1.

                            أكبر تواجد بالمنتدى كان 2,525, 26-09-2016 الساعة 21:58.

                            يعمل...
                            X