إعـــــــلان

تقليص
لا يوجد إعلان حتى الآن.

عندي مشكل مع خبز الدار ساعدوني

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • عندي مشكل مع خبز الدار ساعدوني

    اخواتي الحادكات اليوم فقت بكري وقلت نعجن خبز الاسبوع وعجنت على حقو وطريقو وخمر كالعادة ومين رميتو في الفران دارلي الفقاعات في كل جهة والخبزات كلهم وهدي مش اول مرة في نظركم من الفران اومن العجين جاوبوني الله يسترها معاكم انا وراجلي كنبغيو خبز الدار ومنستغناوش عليه راجلي كيقول مش مهم المنظر المهم خبز صحي انا بغيت يكون في مستوى المجهود اللي كنديروليه.

  • #2
    مريم من ورزازات

    على حسب علمي السبب غالبا هو الخميرة اللي كتكون فايتها التاريخ ردي ديما ليها البال حيت مدة الصلاحية كتكون 15 يوم فقط
    السبب التاني هو العجينة :خصط تعجني بماء دافىء ماشي سخون بزاف.(بيني وبينك كنعجن غير بماء الصنبور) .غير دلكيه مزيان
    نتمنى نكون فدتك.

    تعليق


    • #3
      السلام عليكم ورحمة الله وبركاته
      راح اعطيك وصفة لخبز الدار جربيها ورديلي بالخبر اوكي
      لكل قرصة او خبزة من خبز الدارتعملي .السميد +شوية فرينة(انا ياختي نكيل باناء ديال طماطم نتاع كيلو او نتاع معجون يكون مغسول ندير مثلا في قرصة وحدة اناء و 3/4 من السميد والربع الباقي نديرو فرينة) +ملح +مغرف كبيرة خميرة الخباز+2مغارف لحظة جافة +مغرف سكر+سينوج+جلجلان+نصف باطة ديال ياؤرت من الزيت تخلطي الكل جيدا ثم تعجنيهم جيدا وتغطبه وتخليه يطلع مدة نصف ساعة.ومن بعد توجدي2 بياض البيص ديريه في صحن ثم تزيدي نصف مغرف من خميرة الحلويات +ماء الزهر حوالي 1/2 فنجان ثم تعاودي تعجني بيهم خبز الدار ديالك راه يكون طري بزاف مع الاخير ديري شوية زبدة وتلميه ثم تدهني سينية ديالك بالزيت وتحطي الخبزة ديالك مدة 5 دقائق باش تركح شوية وتبلي يديك بشوية زيت ثم تخبزيه بعد ذلك تدهني الوجه بهادك صفار البيض لبقالك وتثقبي الخبزة ديالك بعود خشبي وتذري عليه من الفوق سينوج وجلجلان وتخليها تخمر مدة 20دقيقة الى 30دقيقة ثم حطيه في فرن يكون سخون في 5دقائق الاولى ثم تنقصي النار و تخليه يطيب في غرضو كي يطيب ويحمار من تحت راكي تشعليلو من فوق وتخليه يحمار. ياختي انا هذه هي طريقتي ديما في صنع خبز الدار والله ديما يجيني هايل جربيه وقوليلي -وبالتوفيق- ومتشرفة بمعرفتك
      .

      تعليق


      • #4
        اختي المشكل فالعجين كيبرد ولا كتخمريه فشي بلاصة كيدوز فيها البرد اما الفران مكيسخنش مزيان
        بسم الله الرحمن الرحيم


        لا تنسى ذكر الله ;)
        :s11556:

        تعليق


        • #5
          راه غير من الخميرة
          عملي خميرة جديدة وعملي الما دافئ وخلية يخمر وطيبيه عادي

          تعليق


          • #6
            شكرا على الردود ولكن انا كنستعمل خميرة رفيعة ومسالة التاكد من التاريخ مفروغ منها وكنستعمل الما الدافي وكنغطيه مزيان من البرد وكنسخن الفران عشرين دقيقة وكنتاكد من انه خامر ومع كل هذا النتيجة دائما هي هي .
            ما الحل ؟؟؟؟؟؟؟؟؟؟؟؟؟؟؟؟
            اختي wouroud05 لي الشرف انا ايضا وشكرا على الوصفة نجربها ونرد عليك.

            تعليق


            • #7
              اختي 20د لتسخان الفرن بزاف
              سخنيه 5د كافية
              وعندي اقتراح منين تبغي تكرصي دهني يدك بشويش دالزيت ولويه مزيان في السميدة رقيقة وكرصيه وخليه يخمر
              ها حنا اختي زينب وراء هاد الخبز عندك حتى يصدق بزز منوههههههه

              تعليق


              • #8
                شوفي راه اعلى ماكايبان ليا انك ماكتخاليهش يخمر مزيان هاد المرة ولي شعيل الفران وماللي يسخن رمي فيه غير خبزة ايلا بانت ليك طلعت مزيان ويلا ماطلعانش خاليه مازال يخمر وان شاء الله ايكون خير احتا انا كنستعمل رفيعة زوينة








                تعليق


                • #9
                  ما خمرش احبيبة يمكن ضربوا البرد مع هاد الوقت خاص ينغطى مزيان لكان كان الطحين السبب يجي مضقس يعني ما مفشفشش هههه شفتي التعبير هههه
                  ولا الخميرة ماهياش بدليها وجيبي وحدة جديدة





                  [CENTER]


                  تعليق


                  • #10
                    rim2010 ضحكتيني ،انا مصرة يصدق لي الخبز، وراه والزمن طويل ،في رايك 5دقايق للفرن كبير(90سنتم ) ديال الغاز كافية ؟ غدي نقص ونشوف ونخليه يخمر على راي امونة .منقدرش نبدل الخميرة كتعجبني حيت كتصبر وانا كنعجن مرة في الاسبوع متصلحليش الخمير الطرية غادي تطول في الثلاجة ، وغدي نغطيه اكثر ونشوف.
                    نهار الاحد بحول الله نرد عليكم .شكرا على المساعدة.

                    تعليق


                    • #11
                      انا الى تايبنلى راكى سكنة فشى مدينة باردة
                      خصك دير الماء سخون مزيان وكترى الخميرة وغطى العجينة مزيان
                      حيت ختك داكش الي تادر مع البرد
                      sigpic

                      تعليق


                      • #12
                        السلام عليكم احيى فيك اختي حرصك على خبز الدار حقيقة لايعوض.في الايام الباردة جداكيخسرمرة مرة خسك تخليه اخمر الوقت الكافي.طريقتي انا هو كندير 2عبارات دقيق القمح الكامل و عبار فورص و كنستعمل خميرة رفيعة هي لكنفضل كنخلطها مع الدقيق عاد نزيد الملح والماء الدافي نخلط جيدا ومكندلكش نخليه اخمر ساعةفي القصرية وتغطيه بشي بانيوباش اطلع بسرعة عاد نقسم خبيزات بيدي مبللين بالماء ونقرص في النخالة اي الحمرا ونخليه اخمر مرة ثانية ونطيب في الفران عادي.لله اوفقك اختى.

                        تعليق


                        • #13
                          ام ياسمين نفس المقادير و طريقتك ديال العجين غير انا كندلك مزيان من بعد من خليه في القصرية يرتاح ش 20 دقيقة . يمكن كيف قالوا الاخوات متيخمرش حيث تيبرد .شكرا على تشجيعك .

                          تعليق


                          • #14
                            شوفي ختي ممكن يكون حتي من نوع الفران انا عندي سوفاكويس كنت فالاول كنرمي الخبز الفوق عاد نهبطو لتحت وكان كيعمل فقاعات ومكيطيبش من الجناب حتى وليت كنرمي التحت هو الاول عاد ولى زوين

                            تعليق


                            • #15
                              اناعندي الفران tivoli فالطبقة الفوقانية فيه النار من تحت ومن فوق وفيه الطبقة التحتانية انا كنشعل النار غ من تحت وكنرمي الخبز في الطبقة الفوقانية حتى يشد راسو عاد نزلو التحت وهديك النار اللي من فوق مكنستعملهاش حيت كنحمرو في الطبقة التحتية .

                              تعليق

                              المتواجدون الآن 1. الأعضاء 0 والزوار 1.

                              أكبر تواجد بالمنتدى كان 2,525, 26-09-2016 الساعة 21:58.

                              يعمل...
                              X